Mateu 9:31 - ꞌRe Ihâimana Uꞌâsi Mono Zadawa Wasuꞌu

³¹ Tane nherẽ, oto neb zahuré wamhã, ma tô tisiwasu'u na te te ropé zahuré ropâ, Zezusi te te ipese zahuré zém na hã.

Mateu 9:31 ပူးပေါင်းရင်းမြစ်များ

Mateu 14:1

Tawamhã apito Erodi Galiléa na danhipti'a nho'õmo nhisi ãma te te 're da'madâ'â mono ré, ma tô Zezusihi wasu'u hã wapa.

Mateu 28:15

Tawamhã ab're 'madâ'â'wa da'wapéi'wa norĩ hã ma tô rob'uiprazé hã waibu. Te te waibui wamhã, 'Re ihâimana u'âsi mono ma da'ãma romhuri'wa norĩ nhib'apito, te te tãma iroti za'ra zéb zarina, ma tô 'manharĩ za'ra, imreme hã. Ãne ma tô Zezusihi hâiba na rowasu'u zadawa nhipe hã te te ropé, zudeu norĩ nhipti'ai 'remhã. Ta hawim haré te zahadu rowasu'u zadawa nhipe hã 're hâimana, Zezusihi hâiba na hã.

Mateu 4:24

Tawamhã Zezusi te te ida'apesezém na, ma tô rowasu'u hã te te ropé, Siria na danhipti'a nho'õmo nhisi ãma. Tahawa, ma tô itẽme da te 're 'wasari dahâzé mono bâ, uburé aimawi hã dahâzé da te 're isépata za'ra mono norĩ hã, wa'uburé te te 're iwamnarĩ za'ra mono norĩ hã, duré da'rã siwamnarĩ wa, 're idahâiba popo'o za'ra mono norĩ hã, duré imorĩ'õ norĩ hã. Uburé ma tô taha wamhã da'apese, Zezusi hã.

Mateu 9:26

Tawamhã iwasu'u hã ma tô te te ropé daro mono bâ, Galiléa 'remhã.

Marcu 1:28

Tahawa, Zezusihi wasu'u hã ma tô waptu na hã ropé, Galiléa na danhipti'ai 're, daro mono bâ.

Marcu 7:36

Tawamhã Zezusi hã te sina dazadawa uwati pese, iwasu'u na da te dasima ãma ropé tõ da. Tane nherẽ, i'madâ'â'wa norĩ hã te nasi dama rowasu'u za'ra, aibâ te te ipesezém na.

Luca 4:14

Tawamhã apâ te mo Galiléa u, Zezusi hã. 'Re ihâimana u'âsi mono pẽ'ẽzani ré, te 're mo. Iré 're morĩ wa, te waihu'u pese na 're mo. Tawamhã ma tô iwasu'u hã wapari za'ra ni, Galiléa ãma daro mono bâ.

Luca 4:37

Tahawa, Zezusihi wasu'u hã wa'uburé te te dama isãmra na, ma tô iwasu'u hã ropé, daro mono bâ.

Luca 5:15

Tane nherẽ, ma tô Zezusihi wasu'u hã wapari za'ra ni, daro mono bâ. Tahawa, ma tô da'ahâ na itẽme 're dasihutu, da te 're wapari za'ra mono da. Duré te te 're da'apese mono da, ma tô itẽme 're dasihutu.

Luca 7:17

Tawamhã iwasu'u hã ma tô wapari za'ra ni, daro mono bâ, Zezusi te te ihâiwa'utuzé wasu'u hã. Zudeu norĩ rob 'rata, 're idasi'ubumroi mono norĩ zama, ma tô iwasu'u hã wapari za'ra ni.