Mateu 9:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Zezusi hã te te dama rowasu'u ré, ma tô aibâ hã itẽme wi, dama roti'wa hã. Itẽme wisi wamhã, ma tô hi'rãtitõ ipaparamhã nhamra. Tawamhã te ãne tãma tinha: — Ĩ'ra hã azarudu hã ma tô ĩwi dârâ, ãhã na si. Tane nherẽ, ma'ãpé ãma ĩme aimorĩ, asib'rada hã ãma hiri da, hâiwa'utu da, duré ĩma 're morĩ da apâ a'â.

Mateu 9:18 ပူးပေါင်းရင်းမြစ်များ

Mateu 14:33

Tawamhã isiré 're inomro mono norĩ hã ma tô ãma tiwata za'ra, Zezusihi ãma. Ãne te ãma tiwata za'ra: — Wanhib'apito, a hã tô sena 'Re ihâimana u'âsi mono 'ra, te 're aimo.

Mateu 15:25

Tawamhã ãne na Zezusi te te rowasu'u wamhã, ma tô pi'õ hã itẽme mo. Duré hi'rãtitõ ma tô ipaparamhã nhamra. Taha wamhã, te ãne tãma tinha: — Apito, ma'ãpé ĩ'ãma aime na.

Mateu 17:14

Tawamhã ma tô apâ ai'aba'ré, Zezusihi me, da'ahâ uptabi na sô idahâimana za'ra u. Tawamhã aibâ hã ma tô Zezusihi u wi. Wisi wamhã, ma tô ipapara nhamra, hi'rãtitõ.

Mateu 20:20

Tawamhã Zebedehe mro hã ma tô Zezusihi u mo, ti'ra si'aibâ norĩ siré. Itẽme morĩ wamhã, tãma pire wa, ma tô tãma aiwẽ'ẽ, ti'ra norĩ ma, te te tiwi rowaptẽrẽ da.

Mateu 28:17

Tawamhã Zezusi hã te te siwi sãmri wamhã, ma tô ãma tiwata za'ra. Tane nherẽ, nima norĩ hã ma tô wawã za'ra, õ hãi õ newa.

Mateu 8:2

Taha wamhã, aibâ i'wa're ré hã ma tô itẽme wi. Itẽme wisi wamhã, ma tô hi'rãtitõ, ipaparamhã nhamra. Ãhã wamhã, te ãne tãma tinha: — Apito, ĩma aiwaihu'u pese di, asimipese waihu'u pese na hã. Tahawa, asima ĩwẽ wamhã, te za ĩpe.

Mateu 8:25

Tawamhã isiré 're inomro mono norĩ hã ma tô itẽme sina roptob za'ra, te te siwi utu da. Taha wamhã, te ãne siwi 'mahâ: — Wanhib'apito, ma'ãpé wanho'reptu za'ra na. Wa za ai'utõrĩ ni.

Mateu 9:17

Tane duré uwa 'rãi wa'u isé hã 're wa'ui ware mono õ ré, da te 're séme waihu'u mono õ di, romhâ 'manharĩ 'ratare 'remhã. Wa'ui ware õ ré, da te 're séme mono nherẽ, oto wa'ui ware wamhã, te za romhâ 'manharĩ 'ratare hã sina wazu. Tawamhã uwa 'rãi wa'u isé hã te za asa'wa. Romhâ 'manharĩ zama hã te za oto duré sina hâiwamna. Itép si'uiwa wap si, te za da te 're sé, dawi 're sisa'wari za'ra mono tõ da, rob'rãi wa'u ité hã. Tawapsi, romhâ 'manharĩ hã dawi 're hâsiwamnarĩ za'ra mono õ di za duré. — Ãne ma tô Zezusi hã ãma romnhimiré'é, uwa 'rãi wa'u isé, da te 're iséme mono zém na hã.

Mateu 9:19

Tawamhã Zezusi hã ma tô wahudu. Wahutu wamhã, ma tô isiré mo. Isiré 're inomro mono norĩ zama, te duré taha wamhã isiré ai'aba'ré.

Mateu 9:24

Tawamhã ãne te dama tinha: — Mo oto aiwairébé aba. Azarudu hã dâ'â õ di. Taré te nhono. Tawamhã ma tô ãma tato za'ra ni, dâ'â uptabi nherẽ, taré isõtõ na te te waihu'u wa, Zezusi hã.

Luca 13:14

Tane nherẽ, rowahutuzé 'madâ'â'wa hã ma tô sada tizahi, Zezusihi zada, sabadu na nherẽ, te te pese wa. Tahawa, te uburé dama tinha, ãne: — Bâdâ hã, 6 na ihâiba hã, wa te 're iromhuri za'ra mono zéb da hã. Taha bâtâ na si, te za we 're anomro aba mo, da te 're aipese za'ra wa'aba mono da. Sabadu na hã mare di, romhuri zahârizém na hã.

Luca 18:18

Tawamhã roti'wa hã te Zezusi sadanha, ãne zudeu hã: — Rowahutu'wa, aiwẽ di. E marĩ iwẽ hã wa za 'manha, 're idanomro u'âsi mono zé hã te ĩsina i'uwaimrami da hã.

Luca 7:2

Tame aibâ hã te 're hâimana romanu hã, da'wapéi'wa norĩ wada'uri'wa. Tãma iromhuri'wa hã te te sawi pese di. Hâzé na te oto nomro, tãma iromhuri'wa hã. Hâzé ahâ wa, te za oto dârâ.

Zuwã 11:25

Tawamhã Zezusi te duré asa tãma tinha, ãne: — Wa hã, 're dadâ'â za'ra mono nherẽ, te 're da'ahâiwa'utu mono pari, 're idanomro u'âsi mono zé te dama 're i'apisutu mono. Ni'wam norĩ hã Danho'reptui'wa na te te sina 're ĩ'umnhasi za'ra mono wamhã, tãma 're rowẽ za'ra mono di za. 'Re dâ'â za'ra mono wamhã, dâ'â ãna te za 're hâimana u'âsi za'ra, hâiwa ãma. E tô sena ma ĩmreme hã isaze.

Zuwã 11:32

Maria hã we itẽme wisi wamhã, hi'rãtitõ ma ipapara nhamra, Zezusihi ma hã wapure wa. Tawamhã ãne te tãma tinha: — Wanhib'apito, wahitébré hã hâzé ré, wa'rata asãmra 'wa'âhã, aré wawi dâ'â õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:15

Tawamhã ma tô ni'wa hã dama sõré, 'Re ihâimana u'âsi mono nhimiroti na Mozési te te irob'ui'érézém na hã. Isadawa 'mahârâ'wa norĩ nhimi'ui'éré hã te duré dama sõré. Te te sõré za'ra parimhã, rowahutuzéb ãma 're da'anhimi'rui mono 'wa hã ma tô Paulu norĩ hã ãne 'mahârâ za'ra, te te dama rowasu'u za'ra da: — Wasiré Izaraéu nhihudu norĩ, asima wẽ za'ra wa'aba wamhã, te za wama irowasu'u za'ra wa'wa, wama robze za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:8

Imama hã hâzé ré te nomro, waptâ. Wa'ro za'ẽtẽ di, duré isãnapru hã te ãma tihâiba. Tawamhã Paulu hã ma tô itẽme ãzé, te te sabu da. Ãhã wamhã, 'Re ihâimana u'âsi mono ma, ma tô ãma mre. Ãma mreme pari, ma tô tinhib'rada hã ãma tino. Tahawa, ma tô séptârâ.