Mateu 9:16 - ꞌRe Ihâimana Uꞌâsi Mono Zadawa Wasuꞌu

¹⁶ — Duré da'uza hâ'ratare wamhã, te za hâihata. E tawamhã ihâté hânhihâri na te za ãma hâiwa'aba ni. Mare di. Ihâté hânhihâri na da te hâiwa'aba wa, duré oto da te iré hâ'upsõi wamhã, te za tihâzahutu za, ihâiwa'aba zébre hã. Taha wamhã, te za oto duré hâsisinarĩ pese, da'uza hâ'rada hã.

Mateu 9:16 ပူးပေါင်းရင်းမြစ်များ

Zenezi 33:14

Ĩnhib'apito, tahawa tô iwẽ hã ĩnhowa i'aimorĩ da si. Tawamhã wa hã wa za atãma asa'u ãma mo, ĩnhimizama norĩ, duré ĩ'ra norĩ atãma na ãma isi'aba'ré zarina, ĩwisizéb u atẽme, Edõ ãma 're i'aihâimana mono zéb u.

Mateu 9:15

Tawamhã te Zezusi asa hã tãma nharĩ za'ra ãne: — Aibâ hã imrozéb u, sô ihârâ za'ra norĩ sihutu wamhã, e aibâ imro da hã isiré sãmra za'ra ré, te za robzei'õ na hã tihâimana za'ra, ta norĩ hã. Mare di. Ãne hâimana za'ra õ di za. Niwapsi te za bâdâ hã iwa waptãrã, aibâ imro da hã isiwadi norĩ wa'wa hawi, da te tiwi i'âri za'ra zéb da hã. Tawapsi te za tô sai ãna hã, duré tãma za'ra robzei'õ na hã 're si'ubumro za.

Mateu 9:17

Tane duré uwa 'rãi wa'u isé hã 're wa'ui ware mono õ ré, da te 're séme waihu'u mono õ di, romhâ 'manharĩ 'ratare 'remhã. Wa'ui ware õ ré, da te 're séme mono nherẽ, oto wa'ui ware wamhã, te za romhâ 'manharĩ 'ratare hã sina wazu. Tawamhã uwa 'rãi wa'u isé hã te za asa'wa. Romhâ 'manharĩ zama hã te za oto duré sina hâiwamna. Itép si'uiwa wap si, te za da te 're sé, dawi 're sisa'wari za'ra mono tõ da, rob'rãi wa'u ité hã. Tawapsi, romhâ 'manharĩ hã dawi 're hâsiwamnarĩ za'ra mono õ di za duré. — Ãne ma tô Zezusi hã ãma romnhimiré'é, uwa 'rãi wa'u isé, da te 're iséme mono zém na hã.

Marcu 2:21

Da'uza hâ 'ratare hã, e te za ihâi wẽ na ãma hâiwa'aba ni, ihâ nhihâri tém na. Mare di. Ãne wamhã, te za dawi 're hâzahutu za'ra. Tawamhã ihâ'rada hã te za sina hâta. Te za oto duré dawi hâihatari za'ẽtẽ.

Luca 5:36

Tawamhã te duré ãma romnhimiré'é, ãne: — Zazahâ ihâiwẽ hã e te za sizâri ni, ihâ'ratare hã da te ãma hâiwa'aba da. Mare di. Ãne wamhã, te za aiwamna, ihâiwẽ hã. Duré ihâtém na da te hâiwa'aba wamhã, aiwab õ di, ihâ hã. Hâi wẽ hâ õ di.

Zuwã 16:12

— Uburé marĩ hã ĩnhimirowasu'u na te aima wasu'u ze za'ra wa'aba nherẽ, te aima rowasu'u za'ra wa'aba õ di za a'â. E marĩ wa. Zahadu aima pibu pese za'ra wa'aba õ wa.

1 Corĩtu 13:13

Ãne, wa za oto aima ãma 'rãsutu za'ra wa'wa, isazei'wa norĩ nhimizawi pese hâimanazém na hã. 'Re ihâimana u'âsi mono hã da te dasina 're i'umnhasi pese za'ra mono zé hã, si'utõrĩ õ di za. Duré 'Re ihâimana u'âsi mono umnhasi sina, iwẽ zô dasina 're idanhimipari za'ra mono zé hã, si'utõrĩ õ di za. Duré 're idanhimizawi pese za'ra mono zéb zama hã, si'utõrĩ õ di za. E ma hã tawamhã, danhipai u ipire uptabi. 'Re idanhimizawi pese za'ra mono zé, ta hã danhipai u, ipire uptabi na te za 're hâimana.

2 Corĩtu 9:12

Iwẽ hã te za tô i'manharĩ za'ra wa'wa, ãne na dapawaptob za'ra wa'aba wamhã. E marĩ wa. Ta norĩ wi hã, marĩ zô tiwi 're rowaptâ'â za'ra mono õ di za oto, 'Re ihâimana u'âsi mono nhib'a'uwẽ norĩ wi hã, Zudéa ãma 're ihâimana za'ra mono norĩ wi hã. Taha zarina, te za duré ahâ na oto ãma 're wata za'ra, 'Re ihâimana u'âsi mono ãma hã.