Mateu 9:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zezusi hã ma tô uba're 're ãzé, zara u te te saprĩ da. Te te saprĩ wamhã, ma tô 'ri nho'õmo u hã wi, tirob u.

Mateu 9:1 ပူးပေါင်းရင်းမြစ်များ

Mateu 4:13

Tawamhã Nazaré ãma 're isãmra mono da hã, te te sima rowẽ õ di oto. Tahawa, Cafanau na 'ri nho'õmo nhisi u si ma tô mo, tame oto 're sãmra mono da, Galiléa ãma isõ'u zapodo 're ihâimana mono 'rata, Zébulõhõ nhihudu norĩ nhipti'a niwĩmhã, duré Naftalihi nhihudu norĩ nhipti'a niwĩmhã.

Mateu 7:6

— Duré 'Re ihâimana u'âsi mono 'ruiwapari'wa norĩ ma, iwasu'uwẽ na tãma 're rowasu'u za'ra wa'aba mono õ di za, te te ãma 're iwasété za'ra mono norĩ ma hã. E marĩ wa. Ta norĩ hã wapsã ma, marĩ ise hã da te tãma 're a za'ra mono nherẽ, dazô 're sipizari za'ra mono wa, te te 're idahâzu mono ne, te za ta norĩ hã asada 're hâimana wasété za'ra wa'wa. Uhâbâ norĩ hã marĩ wẽ zô, sima 're sõpré waihu'u mono õ di. Marĩ iwẽ hã wa'âbâ za'ẽtẽ nherẽ, uhâbâi ma, da te 're sãmra mono wa, taré te te 're iwati'i za'ra mono ne, te za ta norĩ hã taré te te 're wapari za'ra, iwasu'uwẽ hã. Tahawa, ta norĩ ma, 're rowasu'u za'ra wa'aba mono õ di za, 'Re ihâimana u'âsi mono 'ruiwapari'wa norĩ ma hã.

Mateu 8:18

Tawamhã Zezusi hã da'ahâ uptabi na da te dasiwi i'uirĩ za'ra norĩ hã ma tô 'madâ'â za'ra. Te te da'ab'madâ'â wamhã, ma tô tisiré 're inomro mono norĩ ma rob'ru za'ra, isõ'u na te te saprĩ za'ra da, zara u.

Mateu 8:23

Tawamhã Zezusi hã ma tô ãzé, uba're 're. Isiré 're inomro mono norĩ zama ma isiré asisi, isiré si'aba'ré da.

Marcu 5:21

Tawamhã Zezusi hã ma tô apâ saprĩ, zara u. Da'ahâ na, ma itẽme tasi'rã'õtõ ni, â zaihâ u hã.

Luca 8:37

Tawamhã aibâ wasu'u te te wapari za'ra wamhã, ma tô tãma tipẽ'ẽwara za'ra. Tahawa, te Zezusihi ma rob'ru za'ra, irom nhiti morĩ za'ra da. Aihĩni te tãma rob'ru za'ra, Zeraza ãma 're isi'ubumroi mono norĩ hã. Tawamhã Zezusi te za oto ãzé, uba're wa, danhiti morĩ da.

Luca 8:40

Tawamhã ma tô Zezusi norĩ hã apâ saprĩ za'ra, zara u. Zara niwĩ, ma tô da'ahâ na iwana sô ropsãmri za'ra ni. Tawamhã apâ datẽme wisi wẽ te, ma Zezusi hã sawi za'ra ni, dato sina.

Apocalipsi 22:11

Ãne na za romhutu na iromhâimana mono zém na dama 're awaihu'u mono nherẽ, ni'wam norĩ hã tiwasété si õne haré te te 're 'manharĩ u'âsi za'ra mono wamhã, õhõ na si tô ãma 're hâimana za'ra mono, wẽ te bâ. Duré ni'wam norĩ hã tihâiba na 're hâimana siwamnarĩ u'âsi za'ra mono wamhã, õhõ na si tô duré 're hâimana za'ra mono tinhimi'manharĩzém na, te te ãma 're i'uzusi za'ra mono zém na hã wẽ te bâ, rob'rãsutu u hã. Duré ni'wam norĩ hã te te 're 'manharĩ wẽ u'âsi za'ra mono wamhã, wẽ u'âsi ãma 're hâimana u'âsi za'ra mono. Duré ni'wam norĩ hã 'Re ihâimana u'âsi mono ãma si 're nomro u'âsi mono wamhã, tô õhõ na si 're nomro u'âsi mono tô, rob'rãsutu u hã.