Mateu 8:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã wa'uburé norĩ hã aibâ norĩ pẽ'ẽ 're, 're ihâimana za'ra mono hã te sa'ẽtẽ sina 'mahârâ za'ra ãne: — Nimomo wazatõrĩ za'ra da wamhã, ma'ãpé uhâbâ norĩ u wazatõrĩ za'ra na, õ norĩ hâiba 'rep si, 're wahâimana za'ra mono da.

Mateu 8:31 ပူးပေါင်းရင်းမြစ်များ

Mateu 4:24

Tawamhã Zezusi te te ida'apesezém na, ma tô rowasu'u hã te te ropé, Siria na danhipti'a nho'õmo nhisi ãma. Tahawa, ma tô itẽme da te 're 'wasari dahâzé mono bâ, uburé aimawi hã dahâzé da te 're isépata za'ra mono norĩ hã, wa'uburé te te 're iwamnarĩ za'ra mono norĩ hã, duré da'rã siwamnarĩ wa, 're idahâiba popo'o za'ra mono norĩ hã, duré imorĩ'õ norĩ hã. Uburé ma tô taha wamhã da'apese, Zezusi hã.

Mateu 7:6

— Duré 'Re ihâimana u'âsi mono 'ruiwapari'wa norĩ ma, iwasu'uwẽ na tãma 're rowasu'u za'ra wa'aba mono õ di za, te te ãma 're iwasété za'ra mono norĩ ma hã. E marĩ wa. Ta norĩ hã wapsã ma, marĩ ise hã da te tãma 're a za'ra mono nherẽ, dazô 're sipizari za'ra mono wa, te te 're idahâzu mono ne, te za ta norĩ hã asada 're hâimana wasété za'ra wa'wa. Uhâbâ norĩ hã marĩ wẽ zô, sima 're sõpré waihu'u mono õ di. Marĩ iwẽ hã wa'âbâ za'ẽtẽ nherẽ, uhâbâi ma, da te 're sãmra mono wa, taré te te 're iwati'i za'ra mono ne, te za ta norĩ hã taré te te 're wapari za'ra, iwasu'uwẽ hã. Tahawa, ta norĩ ma, 're rowasu'u za'ra wa'aba mono õ di za, 'Re ihâimana u'âsi mono 'ruiwapari'wa norĩ ma hã.

Mateu 8:30

Tawamhã romhâ prã na te uhâbâ tisa hã te te 're huri, ahâ na.

Mateu 8:32

Tawamhã Zezusi hã ma tô õne haré tãma rob'ru za'ra ãne: — Mo oto ai'aba'réi wa'aba. Tawamhã uhâbâ hâiba 're ma tô sisisi, wa'uburé norĩ hã. Tahawa, te sa'ẽtẽ sisa're, uhâbâ norĩ hã, i'rãsipra u. Âi ba ma tô rere. Ãhã wamhã, ma tô uburé ai'utõ, â na.

Marcu 5:12

Tawamhã wa'uburé norĩ te Zezusihi wi sina rowaptẽrẽ za'ra, ãne uhâbâi u si te te tãma rob'ru za'ra da: — Ma'ãpé uhâbâi u wazatõrĩ za'ra na, ihâiba 're, 're wasi'ubumroi mono da oto.

Marcu 5:7

Sa'ẽtẽ te 'mahâ, ãne: — Zezusi, 'Re ihâimana u'âsi mono, danhipai u 're isãmra mono 'ra, e marĩ ĩ'ãma 'manharĩ da, te we aimo. Ĩ'azâri õ di za. 'Re ihâimana u'âsi mono nho'a, wa ĩsina aipa'uwati.

Apocalipsi 12:12

Tahawa, ma'ãpé 're ato za'ra wa'aba mono, hâiwa ãma 're aihâimana za'ra wa'aba mono norĩ hã. Tane nherẽ, ti'ai ãma 're aihâimana za'ra wa'aba mono norĩ hã aima 're ropipa uptabi za'ra wa'aba mono di za, â poré na 're aihâimana za'ra wa'aba mono norĩ ma zama. E marĩ wa. Wa'uburé hã sahi uptabi na atẽme morĩ aba na dâ'âsina, ti'ai u. Ti'ai ãma te te aima 're rob'manharĩ wasété za'ra wa'aba mono da, za 're ihâimana hutu mono zém na te te sina waihu'u wa, ma tô tizahi pese. Tahawa, aima 're ropipa uptabi za'ra wa'aba mono di za.