Mateu 8:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã isiré 're inomro mono norĩ hã ma tô itẽme sina roptob za'ra, te te siwi utu da. Taha wamhã, te ãne siwi 'mahâ: — Wanhib'apito, ma'ãpé wanho'reptu za'ra na. Wa za ai'utõrĩ ni.

Mateu 8:25 ပူးပေါင်းရင်းမြစ်များ

Salmu 10:1

Uburé Danhib'apito, e marĩ wa, te romhâ na 're aihâimana mo. E marĩ wa, ma tô robzépata 'remhã, 're aima'uri mo.

Zona 1:6

Tawamhã uba're 're, da'madâ'â'wa hã ma tô tame sõpẽtẽ, sõtõ ré. Tahawa, te ãne tãma tinha: — E niha te a hã aiprédu ma asõ. Ai'utu, rowaptẽrẽ da, ate ihâiba'õ ãma 're i'aiwata mono wi, te te aipawaptob da. Ãté ta hã te za wa'ãma tipẽ'ẽzé za'ra, wasi'utõrĩ tõ da.

Mateu 8:2

Taha wamhã, aibâ i'wa're ré hã ma tô itẽme wi. Itẽme wisi wamhã, ma tô hi'rãtitõ, ipaparamhã nhamra. Ãhã wamhã, te ãne tãma tinha: — Apito, ĩma aiwaihu'u pese di, asimipese waihu'u pese na hã. Tahawa, asima ĩwẽ wamhã, te za ĩpe.

Mateu 8:24

Tawamhã uba're na si'aba'réi ré, ma tô rowa'u'u za'ẽne hã tiwi tiwatobro za'ra. Â sisasi hã te te iré wabzuri za'ra mono, uba're hã. Tane nherẽ, te Zezusi hã nhono.

Mateu 9:18

Tawamhã Zezusi hã te te dama rowasu'u ré, ma tô aibâ hã itẽme wi, dama roti'wa hã. Itẽme wisi wamhã, ma tô hi'rãtitõ ipaparamhã nhamra. Tawamhã te ãne tãma tinha: — Ĩ'ra hã azarudu hã ma tô ĩwi dârâ, ãhã na si. Tane nherẽ, ma'ãpé ãma ĩme aimorĩ, asib'rada hã ãma hiri da, hâiwa'utu da, duré ĩma 're morĩ da apâ a'â.

Luca 8:24

Tahawa, ma Zezusihi u tiwahutu za'ra, te te siwi utu da. Tawamhã ãne te siwi 'mahâ: — Rowahutu'wa, rowahutu'wa, wa za ai'utõrĩ ni. Tawamhã Zezusi ma tô udu. Duré ma tô wahudu hâiwi. Rowa'u'u ma, te tinha, te te sazâri da. Duré â ma, te tinha, âtu da. Tahawa, ma tô sazâ, rowa'u hã. Duré ma tô ti'âtu oto.