Mateu 8:2 - ꞌRe Ihâimana Uꞌâsi Mono Zadawa Wasuꞌu

² Taha wamhã, aibâ i'wa're ré hã ma tô itẽme wi. Itẽme wisi wamhã, ma tô hi'rãtitõ, ipaparamhã nhamra. Ãhã wamhã, te ãne tãma tinha: — Apito, ĩma aiwaihu'u pese di, asimipese waihu'u pese na hã. Tahawa, asima ĩwẽ wamhã, te za ĩpe.

Mateu 8:2 ပူးပေါင်းရင်းမြစ်များ

Mateu 10:8

Ihâzé ré norĩ hã te za duré 're ipese za'ra wa'aba mo. 'Re dadâ'â za'ra mono nherẽ, te za duré 're idahâiwa'utu za'ra wa'aba mo. I'wa're ré norĩ zama te za duré 're ipese za'ra wa'aba mo. Wa'uburé hã te za dama 're isãmra za'ra wa'aba mo. Wa'âbâ ãna wa tô ĩwaihu'u pe hã aima sõmri za'ra wa'wa. Tahawa, wa'âbâ ãna te za duré ãne uburé dama ãma 're i'uwaimrami wẽ za'ra wa'aba mo.

Mateu 13:58

Tawamhã isimipawaptobzém na da te dasina 're umnhasi za'ra mono õ wa, marĩ dama i'manharĩ waihu'u'õ hã ahâ na te te dama 'manharĩ õ di, tamemhã.

Mateu 14:33

Tawamhã isiré 're inomro mono norĩ hã ma tô ãma tiwata za'ra, Zezusihi ãma. Ãne te ãma tiwata za'ra: — Wanhib'apito, a hã tô sena 'Re ihâimana u'âsi mono 'ra, te 're aimo.

Mateu 15:25

Tawamhã ãne na Zezusi te te rowasu'u wamhã, ma tô pi'õ hã itẽme mo. Duré hi'rãtitõ ma tô ipaparamhã nhamra. Taha wamhã, te ãne tãma tinha: — Apito, ma'ãpé ĩ'ãma aime na.

Mateu 18:26

Tawamhã õ hã tô tãma rob'madâ'â'wa hã aré, ma tô hi'rãtitõ tãma aime ipapara, tinhib'apito ma. Tawamhã te tiwi waptẽ, ãne: “Apito, a'â asimi'ẽ na ĩzapari ze na. Zahadu wa za wa hã uburé aima wa'â.” Ãne ma tô tãma siwaihu'u, aibâ hã.

Mateu 2:11

Tawamhã 'ri para u ma tô asisi. Sisisi wamhã, ma tô sabu za'ra 'watébrémi hã, ina iré sãmra ré tipa, Maria hã. Tawamhã hi'rãtitõ ma tô asimro, ãma wata za'ra da. Taha pari, ma tô 'ridawa za'ra, tinhimiro'wapézé te te i'wasari zô, te te ãma sawi za'ra da. Tawamhã taha na ma tô ãma sawi za'ra, tinhoprub za'ra zém na; ẽtẽ waipo pré oru hã, duré wedewati isadaze hã, duré wedewati isadaze si'u'ẽne hã. Taha na ma tô tãma tinhoprub za'ra.

Mateu 20:20

Tawamhã Zebedehe mro hã ma tô Zezusihi u mo, ti'ra si'aibâ norĩ siré. Itẽme morĩ wamhã, tãma pire wa, ma tô tãma aiwẽ'ẽ, ti'ra norĩ ma, te te tiwi rowaptẽrẽ da.

Mateu 26:6

Tawamhã Zezusi hã ma tô mo, Betãnha u. Tame te oto nhamra, Simahã nhorõwa ãma, i'wa're ré nhorõwa ãma.

Mateu 28:17

Tawamhã Zezusi hã te te siwi sãmri wamhã, ma tô ãma tiwata za'ra. Tane nherẽ, nima norĩ hã ma tô wawã za'ra, õ hãi õ newa.

Mateu 28:9

Tawamhã sisamroi ré, ma tô Zezusi hã sõpẽtẽ zahuré, pi'õ norĩ hã. Duré simiza'rese ãna sisamroi ré, ma sõpẽtẽ zahuré. Tawamhã Zezusi hã ma tô sawi zahuré, ãne: — Rowẽ na 're aihâimana aba mono. Tawamhã pi'õ norĩ hã ma tô oto 'râwi itẽme aima'wara zahuré. Tinhib'rata na te te para zawi zahuré sina, ma tô ãma tiwata zahuré, tãma pire zahuré wa.

Mateu 4:9

Tawamhã Wa'uburé te ãne tãma ropisutu, Zezusihi ma: — Asib'apito na ĩ'ãma aiwata da, te za aihi'rãtitõ ĩma asã. Tawamhã ã hã uburé wa za aima tisõ, ate da.

Mateu 8:1

Tawamhã Zezusi hã ma tô ẽtẽ 'rãihâ hawi si'ra. Te te si'rai wamhã, da'ahâ uptabi na ma tô isarina ai'aba'ré ni.

Mateu 8:25

Tawamhã isiré 're inomro mono norĩ hã ma tô itẽme sina roptob za'ra, te te siwi utu da. Taha wamhã, te ãne siwi 'mahâ: — Wanhib'apito, ma'ãpé wanho'reptu za'ra na. Wa za ai'utõrĩ ni.

Mateu 9:18

Tawamhã Zezusi hã te te dama rowasu'u ré, ma tô aibâ hã itẽme wi, dama roti'wa hã. Itẽme wisi wamhã, ma tô hi'rãtitõ ipaparamhã nhamra. Tawamhã te ãne tãma tinha: — Ĩ'ra hã azarudu hã ma tô ĩwi dârâ, ãhã na si. Tane nherẽ, ma'ãpé ãma ĩme aimorĩ, asib'rada hã ãma hiri da, hâiwa'utu da, duré ĩma 're morĩ da apâ a'â.

Luca 4:27

Duré wahi'rada Elizeu hã 're morĩ ré hã, da'ahâ na te 're danomro, i'wa're ré hã, Izaraéu 'remhã. Tane nherẽ, aibâ misi, ma tô pese, Na'ama na isisi hã, Siria na 're ihâimana mono hã zudeu'õ hã.

Zuwã 9:38

Tawamhã ma tô aibâ hã Zezusihi ma tinha, ãne: — Apito, wa za oto asaze. Tahawa, hi'rãtitõ ma tô tãma nhamra, Zezusihi ãma wata da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:14

Tawamhã asa te tãma tinha, ãne: — Ĩnhib'apito, mare uptabi di. Marĩ iwasétére hã te 're 'masi mono õ di, wahi'rada Mozési hã te te wawi isawi zahi za'ra hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:25

'Ri para u sébré õ ré, ma tô sina uzusi 'ridawa u, Coneliu hã. Tawamhã Coneliu hã 'rã po sina, ma tô aime ipapara hi'rãtitõ, Pedruhu papara, tãma wapu wa, ãma wata da.

1 Corĩtu 14:25

'Râwi sima si, te te 're irosa'rata za'ra mono zé hã te za oto tiwi waihu'u za'ra ni, imana'rãmi hawimhã. Tawamhã 'Re ihâimana u'âsi mono hã, tãma ipire za'ra na te te oto sina waihu'u za'ra wa, te za oto hi'rãtitõ tãma ana, ãma wata za'ra da. Tawamhã ãne te za oto ta norĩ hã 'Re ihâimana u'âsi mono hã te te aima 're wasu'u za'ra wa'wa: “'Re ihâimana u'âsi mono hã te nare asõ'a wa'aba, aima 're hâimana za'ra wa'wa.” Ãne te za te te aima 're wasu'u za'ra wa'wa, isazei'õ'wa norĩ hã.

Apocalipsi 19:10

Tawamhã tô õ hã hâiwa ãma romhuri'wa papara, wa tô ĩhi'rãtitõ aime, ãma ĩwata da aré. Tane nherẽ, te ĩma tinha, ãne: — Tô'ã. Ãne hã 'manharĩ tõ. Wa hã asine hã, 'Re ihâimana u'âsi mono ma romhuri'wa, wa 're ĩhâimana, duré asisãnawã norĩ ne hã, duré asiré isazei'wa norĩ ne hã. Ta norĩ hã roti tô sena uptabi hã, Zezusi te te dama 're i'awaihu'u mono hã te te 're iwapari pese za'ra mono. Ta norĩ ne hã, wa 're ĩhâimana, wa hã. Ma'ãpé 'Re ihâimana u'âsi mono ãma si 're aiwata mono. 'Re ihâimana u'âsi mono zadawa 'mahârâ 'rata 'wa norĩ hã, Ipẽ'ẽzani te te tãma 're iwaihu'u za'ra mono zéb zarina si, te ta norĩ hã te te dama 're sadawa wasu'u za'ra. E marĩ na te bété te te dama 're sadawa wasu'u za'ra. Tô õhõ na, Zezusi, ti'ab ré uburé te te dama 're i'awaihu'u mono na si, te ta norĩ hã te te dama 're sadawa wasu'u za'ra, 'Re ihâimana u'âsi mono hã.