Mateu 8:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Zezusi hã da'ahâ uptabi na da te dasiwi i'uirĩ za'ra norĩ hã ma tô 'madâ'â za'ra. Te te da'ab'madâ'â wamhã, ma tô tisiré 're inomro mono norĩ ma rob'ru za'ra, isõ'u na te te saprĩ za'ra da, zara u.

Mateu 8:18 ပူးပေါင်းရင်းမြစ်များ

Mateu 14:22

Tawamhã Zezusi hã ma tô tãma 'ru za'ra, tisiré 're inomro mono norĩ ma, uba're wa, sisisi da, iwana zara u isõ'u na te te saprĩ za'ra da, isa'u za'ra te te dama rob'rui pibui pese da, darob u apâ da te ropéi mono da.

Mateu 8:1

Tawamhã Zezusi hã ma tô ẽtẽ 'rãihâ hawi si'ra. Te te si'rai wamhã, da'ahâ uptabi na ma tô isarina ai'aba'ré ni.

Marcu 4:35

Tawamhã Zezusi hã bara na ma tô satõrĩ za'ra, tisiré 're inomro mono norĩ hã: — Oto zara u, wa te saprĩ za'ra wa'aba.

Marcu 5:21

Tawamhã Zezusi hã ma tô apâ saprĩ, zara u. Da'ahâ na, ma itẽme tasi'rã'õtõ ni, â zaihâ u hã.

Marcu 6:45

Taha pari, ma tô Zezusi hã tãma rob'ru za'ra, tisiré 're inomro mono norĩ ma, uba're wa sisisi da, iwana te te saprĩ za'ra da zara u, Besada na 'ri wa'õtõ nhisi u, si'aba'ré da, iwana. Tawamhã Zezusi hã te a'â isa'u tizab za'ra, te te dama rob'ru da, danhorõwa u, da te ropéi mono da.

Marcu 8:13

Taha pari, te tiwi timorĩ za'ra. Uba're wa, ma oto ãzé, zara u te te saprĩ da apâ.

Luca 8:22

Tawamhã bâtâ na, te Zezusi hã tãma nharĩ za'ra, ãne: — Oto zara u, wa te saprĩ za'ra wa'aba. Tawamhã uba're wa, ma tô asisi, zara u te te saprĩ za'ra da, isõ'u na.

Zuwã 6:15

Tawamhã Zezusi, damreme hã ma tô sina waihu'u. Tahawa, te siwaprosi sa'a nhisi u mo apâ, danhiti.