Mateu 8:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã ma tô sib'rata upi, Zezusi hã. Te te sib'rata upi wamhã, ma tô tiwahâ. Taha wamhã, pi'õ hã ma tô wahudu. Wahutu wamhã, ma tô isa hã tãma tisõ Zezusihi ma, sa da.

Mateu 8:15 ပူးပေါင်းရင်းမြစ်များ

Mateu 14:36

Tawamhã ma tô ihâzé ré norĩ hã tiwi waptẽrẽ za'ra, i'uza nhisutu si te te tiwi upi za'ra da. Tawamhã i'uza nhisutu si te te nasi upi za'ra nherẽ, ma tô uburé ihâzé ré norĩ hã, awa'awi tizéptâ'â za'ra.

Mateu 20:34

Tawamhã Zezusi hã ma tô ãma tipẽ'ẽzé zahuré, itob'a norĩ ãma. Tahawa, ma tô tõmo upi zahuré, apâ tõmo wẽ zahuré da. Te te tõmo upi zahuré wi, awa'awi ma tô tito pese zahuré. Te te rob'madâ'â wẽ zahuré di oto. Tawamhã Zezusihi zarina te oto tineb zahuré, awa'awi.

Mateu 8:14

Tawamhã Zezusi hã Pedruhu nhorõwa u ma tô mo. Morĩ wamhã, imaprewa hã ma tô sabu, wa'ro na waptâ wa hâzé ré, inomro hã.

Mateu 8:16

Tawamhã bâdâ sébrézéb u, ma tô wa'uburé ré 're idanomro mono hã da te simro, Zezusihi u, ahâ uptabi na. Tawamhã misi si te nasi dama azatõ wa'uburé hã, misi haré timreme na. Uburé ihâzé ré norĩ zama te duré apese.

Mateu 8:3

Tawamhã Zezusi ma tô tinhib'rada hã wahutu, te te ãma upi da. Te te upi wamhã, te ãne tãma tinha: — Tane tô. Wa tô ĩsima aiwẽ tô, te aipese da hã. Tahawa tâibâ oto aihâzé hã. Taha wamhã, awa'awi ma tô i'wa're hã tãma ai'utõ.

Mateu 9:20

Tawamhã morĩ ré, te we pi'õ hã isarina mo, ibabarãi hawi. Pi'õ hã ihâzé te te isazâri'õ, 12 na ma tô ãma tiwahu, ihâzé te te 're 'manharĩ mono ré hã. We isarina morĩ wamhã, ma tô i'uza hânhisudu hã tiwi upi.

Mateu 9:29

Tawamhã Zezusi hã ma tô tõmo upi zahuré. Te duré tãma nharĩ zahuré ãne: — Asina ĩ'umnhasi aba zéb zarina, wa za tô ato pese 'wa.

Marcu 1:29

Taha pari, ma tô Zezusi norĩ hã rowahutuzém hawi wairé, Sima Pedru norĩ nhorõwa u si'aba'ré da. Tisiséme me, Ãdréhé me, te siré 're simasisi zahuré, Sima Pedru norĩ hã. Ta norĩ hã, Tiagu norĩ me, Zuwã norĩ me hã, ma asisi 'ri para u, Zezusihi siré.

Marcu 1:41

Tawamhã Zezusi hã ãma pẽ'ẽzé wa, ma tô tinhib'rada hã wahutu, te te ãma upi da. Te te upi wamhã, ãne te tãma tinha: — Tane tô. Wa tô ĩsima aiwẽ, te aipese da. Tâibâ oto aihâzé hã.

Luca 8:54

Tazahã, te te damreme 'madâ'â õ di, Zezusi hã. Ma tô pa'â. Mreme 'rãihâ na, te tãma tinha, ãne: — Azaruture, aiwahutu.