Mateu 8:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zezusi hã ma tô ẽtẽ 'rãihâ hawi si'ra. Te te si'rai wamhã, da'ahâ uptabi na ma tô isarina ai'aba'ré ni.

Mateu 8:1 ပူးပေါင်းရင်းမြစ်များ

Mateu 12:15

Tawamhã Zezusi hã ma tô sina waihu'u, farizeu norĩ te te sima ãma iroti za'ra zé hã te te siwi wĩrĩ da. Tahawa, ma tô ihawi timorĩ za'ra. Ihawi morĩ za'ra wamhã, da'ahâ na ma tô isarina ai'aba'ré ni. Tawamhã daro mono bâ 're morĩ ré, ma tô uburé dahâzé ré idahâimana za'ra hã da'apese, Zezusi hã.

Mateu 15:30

Tame sãmra ré, ma tô da'ahâ uptabi na duré itẽmemhã aihutu ni. Ihâzé ré norĩ hã ma tô itẽme da te simro, imorĩ'õ norĩ hã, duré itob'a norĩ hã, duré i'rãtẽire norĩ hã, duré imreme'õ norĩ hã. Uburé siwa'ru ma tô ihâzé ré norĩ ãma dasito, ipapara da te sõré da. Tawamhã uburé ma tô da'apese, Zezusi hã.

Mateu 19:2

Taha wamhã, da'ahâ uptabi na te isarina hã ai'aba'ré ni. Tawamhã Zudéa u wisi wamhã, ma tô tame ihâzé ré norĩ hã apese.

Mateu 20:29

Tawamhã Zezusihi siré 're inomro mono norĩ hã ma tô isiré ai'aba'ré, Zerico hawi. Si'aba'réi wamhã, da'ahâ na ma tô isarina za'ra ai'aba'ré ni.

Mateu 4:25

Tahawa, ma tô da'ahâ uptabi na isarina dasi'ré, Galiléa hawimhã, duré Decapori hawimhã, duré Zeruzalẽ hawimhã, duré Zudéa na danhipti'a nho'õmo nhisi hawimhã. Duré Zodã pa zara niwĩ 're idasi'ubumroi mono norĩ zama ma tô itẽme hã dasito.

Mateu 7:29

'Re ihâimana u'âsi mono nhimiroti 'rata na rob'ui'éré na dama rowahutu'wa norĩ, simirowasu'u wapure na te te dama 're irowahutu za'ra mono ne, te te dama 're rowahutu mono õ di, Zezusi hã. Simirowahutu pire uptabi na ma tô te te dama 're rowasu'u. Tahawa, ma ãma tatob'uzu za'ra ni, dama iwaihu'u'õ hã te te dama wasu'u wa.

Mateu 8:18

Tawamhã Zezusi hã da'ahâ uptabi na da te dasiwi i'uirĩ za'ra norĩ hã ma tô 'madâ'â za'ra. Te te da'ab'madâ'â wamhã, ma tô tisiré 're inomro mono norĩ ma rob'ru za'ra, isõ'u na te te saprĩ za'ra da, zara u.

Mateu 8:2

Taha wamhã, aibâ i'wa're ré hã ma tô itẽme wi. Itẽme wisi wamhã, ma tô hi'rãtitõ, ipaparamhã nhamra. Ãhã wamhã, te ãne tãma tinha: — Apito, ĩma aiwaihu'u pese di, asimipese waihu'u pese na hã. Tahawa, asima ĩwẽ wamhã, te za ĩpe.

Marcu 3:7

Tawamhã Zezusi norĩ hã te ai'aba'ré, Galiléa na isõ'u nhisi u. Da'ahâ uptabi na te isarina hã ai'aba'ré ni, Galiléa hawimhã, duré Zudéa hawib zama, duré Zeruzalẽ hawimhã, duré Idumeza hawimhã, duré Zodã pa zara hawimhã, duré Tiru hawimhã, duré Sidõ hawimhã. Zezusihi wasu'u hã ma tô wapari za'ra ni aré, te te 're ida'apawapto mono zé wasu'u na hã. Tahawa, ma tô itẽme dasito, daro mono bâ.

Luca 5:15

Tane nherẽ, ma tô Zezusihi wasu'u hã wapari za'ra ni, daro mono bâ. Tahawa, ma tô da'ahâ na itẽme 're dasihutu, da te 're wapari za'ra mono da. Duré te te 're da'apese mono da, ma tô itẽme 're dasihutu.