Mateu 7:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã Zezusi hã ãne na te te dama rowasu'u parimhã, ma tô ãma tatob'uzu za'ra ni, te te dama irowahutuzém na hã.

Mateu 7:28 ပူးပေါင်းရင်းမြစ်များ

Salmu 45:2

Apito, a hã uburé aibâ norĩ nhipai u i'ai'madâ'â zei uptabi. Duré aimreme iwapari iwẽ iwapari ze. 'Re ihâimana u'âsi mono, ma tô iwẽ hã õne u'â te te aima 're pisutu.

Mateu 11:1

Tawamhã 12 na isiré 're inomro mono norĩ ma, ãne na te te tãma roti za'ra pari, ma tô Zezusi hã mo, dama isãmrazém hawimhã, 'ri nho'õmo mono bâ te te dama rowahutu mono da hã.

Mateu 19:1

Tawamhã ãne na Zezusi te te rowasu'u parimhã, ma tô Galiléa hawi mo, Zudéa na danhipti'a nho'õmo nhisi u morĩ da, Zodã pa, pa zara u hã.

Mateu 22:33

Tawamhã ãne hã da'ahâ uptabi na da te wapari za'ra wa, ma tô ãma tatob'uzu za'ra ni, isimirowasu'u na hã.

Mateu 26:1

Tawamhã Zezusi hã tinhimiroti na uburé ãne na te te dama rowahutu parimhã, ma tô tãma nharĩ za'ra, tisiré 're inomro mono norĩ ma, ãne:

Mateu 7:29

'Re ihâimana u'âsi mono nhimiroti 'rata na rob'ui'éré na dama rowahutu'wa norĩ, simirowasu'u wapure na te te dama 're irowahutu za'ra mono ne, te te dama 're rowahutu mono õ di, Zezusi hã. Simirowahutu pire uptabi na ma tô te te dama 're rowasu'u. Tahawa, ma ãma tatob'uzu za'ra ni, dama iwaihu'u'õ hã te te dama wasu'u wa.

Marcu 1:22

'Re ihâimana u'âsi mono nhimiroti 'rata na rob'ui'éré na dama rowahutu'wa norĩ nhimirowasu'u nei õ di, Zezusi te te dama 're irowahutu mono zé hã. Simirowahutu pire na te dama hã rowahutu. Simirowasu'u wẽ wa, ma tô duré ãma tatob'uzu za'ra ni.

Marcu 11:18

Tawamhã aibâ norĩ hã ma tô iwasu'u hã wapari za'ra, sasedoti ipire norĩ hã, rowahutu'wa norĩ zama. Ãne hã te te wapari za'ra wamhã, ma tô ta norĩ hã sima ãma rosa'rata za'ra, te te siwi wĩrĩ da. Tane nherẽ, Zezusihi nhimiroti na, da'ahâ na ãma 're dawata za'ra mono wa, te te sima danhimimnhasi za'ra wa, te te siwi wĩrĩ õ di a'â.

Marcu 6:2

Tawamhã datẽme sihutu wamhã, zudeu norĩ te, romhuri zahârizém na te oto dama rowahutu, sabadu na, rowahutuzéb ãma. Da'ahâ na da te wapari za'ra wamhã, ma tô ãma tatob'uzu za'ra ni, isimirowasu'u na hã. Ãne te duré ãma tasisadanharĩ za'ra ni: — Pra. E ma hawimhã, ma uburé marĩ hã awaihu'u, waihu'u pese na, te te dama 're irowasu'u mono da hã. E niha bété õhõ ma si waihu'u pese di, marĩ dama i'manharĩ waihu'u'õ te te dama 're i'ab'manharĩ wẽ mono zéb da hã. Õ hã wede'é na romhuri'wa, Mariaha 'ra. Ino norĩ hã Tiagu, duré Zuzé, duré Zuda, duré Sima. Ihidiba norĩ hã te duré wa'rata 're hâimana za'ra. Ãne wa, Zezusihi zô datob'uzu za'ra õ di, dama waihu'u pese wa, ãne na hã. Tahawa, ma ãne dama waihu'u, Zezusi hã: — 'Re ihâimana u'âsi mono zadawa 'mahârâ'wa norĩ hã daro mono bâ datẽme 're nomro mono wamhã, isimiroti na wazép sina, te za sô 're datob'uzu za'ra. Isipti'ai ãma si sô 're datob'uzu za'ra mono õ di za, isipti'ai ãma wa. Isisãnawã norĩ zama, sô 're tob'uzu za'ra mono õ di za, isõrõwa ãma isiré 're idahâimana za'ra mono norĩ zama.

Luca 19:48

Tane nherẽ, Zezusi te te siwi wĩrĩ da nherẽ, te te siwi wĩrĩ õ di. E marĩ wa. Te te 're iwapari za'ra mono norĩ hã ahâ wa, te te siwi wĩrĩ waihu'u õ di.

Luca 2:47

Zezusi hã roti te te waihu'u pese wa, ma tô ãma tatob'uzu za'ra ni, isimirowaihu'u na hã.

Luca 4:22

Tawamhã isimirowasu'u hã wẽ wa, aihĩni te ãma tawata za'ra ni. Mreme wẽ uptabi wa, ma ãma tatob'uzu za'ra ni. Tazahã, te dasima nharĩ za'ra ni, ãne: — E niha õ hã simirowasu'u waihu'u pese di, Zuzéhé 'ra nherẽ.

Luca 4:32

Tawamhã mreme pire na te te dama rowasu'u wamhã, ma ãma tatob'uzu za'ra ni.

Luca 7:1

Tawamhã te te dama roti parimhã, te oto mo Zezusi hã, Cafanau u. Tawamhã ma tô wi.

Zuwã 7:15

Tawamhã dama ipire norĩ hã imreme te te wapari za'ra wamhã, ma tô ãma titob'uzu za'ra. Ãne te sima rowasu'u za'ra: — Õ hã watẽme 're zasi mono õ di, 'Re ihâimana u'âsi mono nhimiroti, wa te tãma 're waihu'u za'ra mono da. E niha ma tô waihu'u pese, te te dama 're irowasu'u mono zéb da hã.

Zuwã 7:46

Tawamhã ma te asa ãma tãma wa'rãmi za'ra, ãne: — Ni'wa te te ãma wabzu õ di, isimiroti wẽ na hã. Tahawa, wa te wasiwi âri õ di, wa te wei wasiwi saprõni da, atẽme za'ra wa'aba hã.