Mateu 7:19 - ꞌRe Ihâimana Uꞌâsi Mono Zadawa Wasuꞌu

¹⁹ Rowede hã 're 'rã za'ra mono õ wa, te za da te 're sãna'rata nhihâri za'ra, unhama u da te 're sãmra mono da.

Mateu 7:19 ပူးပေါင်းရင်းမြစ်များ

Daniéu 4:14

Ta hã ma tô mreme 'rãihâ na tinha ãne: ‘Ma'ãpé wede hã asiwi 'morõwĩrĩ aba. Asiwi 'morõwĩrĩ aba wamhã, te za ipanhipti asiwi isihâri aba mo. Te za duré isu hã asiwi isinarĩ aba mo. Duré i'rã asiwi sãmra aba wamhã, te za ãma asiwi iropéi wa'aba mo. Iwede awã zahâpâ abaze norĩ 're iwa'utu za'ra mono hã te za duré ta hawi asiwi iwano'õ aba mo, si norĩ ipanhipti na 're isimasa mono norĩ zama.

Mateu 3:10

Hâtâra hã te za oto ni'wa hã sarõtõ, wedepa nhihârizéb da hã. Uburé wede hã 're i'rãi pese za'ra mono õ hã te za te te ãma 're anhihâri. Tawamhã unhama u te za te te 're anhamra. — Ãne te dama ãma simiré'é Zuwã hã, 'Re ihâimana u'âsi mono nhimihâzém na hã.

Luca 3:9

Hâtâra hã ma tô ni'wa hã sarõtõ oto, wede te te ãma sari nhihâri da. Uburé wede hã 're i'rãi pese za'ra mono õ hã te za te te ãma 're anhihâri. Tawamhã unhama u te za te te 're anhamra.

Titu 3:14

Wa tô ĩsima wẽ, wasiré isazei'wa norĩ hã marĩ zô dawi 're ro'wanhi'riti za'ra mono wamhã, te te 're dapawaptob za'ra mono da, taré 're hâimana za'ra mono tõ da, dapawaptob ãna.

Hebreu 6:8

Tazahã, ro'wa si duré wab'ru zama, ãma 're poto za'ra mono wamhã, marĩ dai õ di, ti'a hã. Tahawa, ãté te za 'Re ihâimana u'âsi mono hã siwi wẽ'õ pese. Ãne wamhã, unhama ro'o na te za uprosi, ti'a hã. Ãne 're idahâimana za'ra mono zém na romnhimiré hã.

Zuda 1:12

A norĩ wa'wa hã te asiré isazei'wa norĩ me 're asisawi za'ra wa'aba mono sina, asa hã asima 're i'manharĩ za'ra wa'aba mo, simisutu. Tane nherẽ, te iwasété norĩ hã atẽme 're sihutu 'wa, asa hã asima 're 'manharĩ za'ra wa'aba mono ré. Siséb za'ra õ zarina te ta norĩ hã te te aiwi 're ro'wa'rutu za'ra wa'wa, siwa'ru. A norĩ wa'wa hã zazahâ ihâirã ne te 're aihâimana wẽ za'ra wa'aba mo, iwẽ na si. Tane nherẽ, ta norĩ hã zazahâ ihâirã, da te 're ihâ'uptob za'ra mono ne, te 're hâimana wasété za'ra, sima si te te 're rosa'rata wasété za'ra mono wa. Ta norĩ hã hâiwa nhirõno hã, tã ihawi 're ta'a za'ra mono ãna, rowa'u te te 're i'mapraba za'ra mono ne, marĩ iwẽ hã te te 're 'manharĩ za'ra mono õ di. Duré rob'rã, 're i'rã prédu mono zéb u, wede hã 'rãi ãna 're isimasa mono ne, duré da te oto 're sariza'o'o za'ra mono wa, 're i'ré pese za'ra mono ne, marĩ iwẽ hã te te 're 'manharĩ za'ra mono õ di, ta norĩ hã.