Mateu 5:47 - ꞌRe Ihâimana Uꞌâsi Mono Zadawa Wasuꞌu

⁴⁷ Duré 'Re ihâimana u'âsi mono waihu'u'õ'wa norĩ hã te te 're saze za'ra mono õ nherẽ, te tisiwadi norĩ ma, marĩ iwẽ hã te te tãma 're 'manharĩ za'ra, siré 're ihâimana za'ra mono norĩ ma hã. A norĩ wa'wa hã bété, asiré 're aihâimana za'ra wa'aba mono norĩ ma si, marĩ iwẽ hã tãma 're 'manharĩ za'ra wa'aba mono wamhã, aiwapsi te aiwasété na dame 're aihâimana za'ra wa'aba mo, 'Re ihâimana u'âsi mono waihu'u'õ'wa norĩ siré.

Mateu 5:47 ပူးပေါင်းရင်းမြစ်များ

Mateu 10:12

Danhorõwa u 're asisisi aba mono wamhã, ãne te za 're idazawi za'ra wa'aba mo: “Rowẽ na 're aihâimana za'ra wa'aba mono.” Ãne te za 're idazawi za'ra wa'aba mo.

Mateu 5:20

Ãne wa za duré aima waihu'u za'ra wa'wa. Farizeu norĩ hâimanazém nhipai u, duré 'Re ihâimana u'âsi mono nhimiroti na rob'ui'éré na dama rowahutu'wa norĩ hâimanazém nhipai u, Wamama te te sima 're i'aiwẽ za'ra wa'aba mono zéb zarina si, 're aihâimana wẽ za'ra wa'aba mono wamhã, tawapsi, te za dame 're asisisi aba mo, 'Re ihâimana u'âsi mono, da'ãma 're isib'a'uwẽ mono zéb u hã.

Mateu 5:46

Rob'uiprazé arĩ ubumroi'wa norĩ hã bété. Ta norĩ hã dawi 're simisaihuri u'âsi za'ra mono wa, te 're nomro wasété. Ta norĩ hã te tizawi pese 'wa norĩ si te te 're sawi za'ra. Tawamhã asawi pese 'wa norĩ si, 're sawi pese za'ra wa'aba mono wamhã, e te za 'Re ihâimana u'âsi mono hã iwẽ hã te te aima 're sõmri za'ra wa'wa. Mare di. Iwẽ hã te te aima 're sõmri za'ra wa'aba mono õ di za.

Mateu 5:48

Tahawa, te za a norĩ wa'wa hã uburé 're idazawi pese za'ra wa'aba mo, 'Re ihâimana u'âsi mono hã te te da'ãma 're a'upai mono ãna, uburé te te 're ida'azawi pese mono ne.

Luca 6:32

— Siwa'ru, te za 're idazawi pese za'ra wa'aba mo. Dawasété na 're idanomro mono hã, tizawi pese 'wa si, te te 're sawi pese za'ra. Tanei õ di, a norĩ wa'wa hã za. Ãne wamhã, iwẽ na te te 're asawi za'ra wa'aba mono õ di za, 'Re ihâimana u'âsi mono hã. Tahawa, te za uburé 're idazawi pese za'ra wa'aba mo.

Colosu 4:14

Luca hã, dawede'wa wama isawi pe hã te duré ãma asawi za'ra wa'wa. Demasihi zama hã te duré ãma asawi za'ra wa'wa.

Colosu 4:15

Ma'ãpé, duré wasisãnawã norĩ hã wama sawi za'ra wa'aba, Laudiséa ãma 're isi'ubumroi mono norĩ hã. Duré Nipaha zama wama sawi wẽ za'ra wa'aba. Duré taha nhorõwa ãma Cristuhu zazei'wa, siré 're isi'rã'õtõ u'âsi mono norĩ zama, wama sawi wẽ za'ra wa'aba.

1 Pedru 2:20

Marĩ hã 're 'manharĩ wasété za'ra wa'aba mono wa, da te 're aihâ za'ra wa'aba mono wamhã, ari'iwi 're aihâimana za'ra wa'aba mono nherẽ, e te za ai'ãma 're dawata za'ra wa'wa. Mare di. Aihâimana wẽ na dama 're aihâimana za'ra wa'aba mono nherẽ, da te aima 're rob'manharĩ za'ra wa'aba mono wamhã, ari'iwi te za 're isépata za'ra wa'aba mo. Tawamhã 'Re ihâimana u'âsi mono si te za te te 're aiwẽsãmri za'ra wa'wa.