Amnho hã aibâ te te i'anhamra mono hã, 'Re ihâimana u'âsi mono zadawa wasu'u, te wasu'u. Ni'wam norĩ hã 'Re ihâimana u'âsi mono, da'ãma 're isib'a'uwẽ mono zé wasu'u, tipo're na te te 're wapari za'ra mono nherẽ, te te ãma sima 're rosa'rata ze za'ra mono õ wamhã, te te ãma iwaihu'u pese za'ra da hã mare di za. Ta norĩ hã amnho bâdâdi zababa irere'e mono ne, te 're hâimana za'ra. Amnho hã sire te te i'uprosi mono ne, te za iwasété uptabi hã itẽme 're simasisi za'ra, 'Re ihâimana u'âsi mono zadawa wasu'u hã tipo're na taré te te 're iwapari za'ra mono hã te te tiwi 're awaibui mono da, Wa'uburé hã.
Mateu 5:37 - ꞌRe Ihâimana Uꞌâsi Mono Zadawa Wasuꞌu37 Marĩ hã dama 're 'manharĩ za'ra wa'aba mono da, asina dama 're ropisutu za'ra wa'aba mono wamhã, ãne si te za dama 're inharĩ za'ra wa'aba mo: “Ĩhe. Wa za tô 'manha.” Duré marĩ hã dama 're 'manharĩ za'ra wa'aba mono da, asima 're wẽ za'ra wa'aba mono õ wamhã, ãne si te za duré dama 're inharĩ za'ra wa'aba mo: “Mare di. Wa hã te 'manharĩ õ di za.” Ãne si te za dama 're inharĩ za'ra wa'aba mo. Ãne si dama 're nharĩ za'ra wa'aba mono õ wamhã, Wa'uburé nhimiwada'uri zarina te za aiwasédé hã 're i'manharĩ za'ra wa'aba mo. အခန်းကိုကြည့်ပါ။ |
Mateu 5:37
17 ပူးပေါင်းရင်းမြစ်များ
Duré ãne na dama 're ropisutu za'ra wa'aba mono õ di za: “Ĩ'rã hã tô sena ĩma 're ihâimana mono ne, wa duré wa hã tô sena aima ropisutu.” Ãne wasu'u zarina taré dama 're ropisutu za'ra wa'aba mono õ di za. E marĩ wa. Ai'rã za'ra wa'wa hã ate za'ra wa'aba õ wa, 'Re ihâimana u'âsi mono te si wa. Asi'uihâ na aséré hã asima 're 'rãdâ'â waihu'u za'ra wa'aba mono õ di. Duré asi'uihâ na 're asiséré'a waihu'u za'ra wa'aba mono õ di.
Aimama za'ra wa'wa hã, Wa'uburé. A norĩ wa'wa hã i'ra te 're anomro aba mo. Te te sima 're iwẽ mono zém na si, te asima 're iwẽ za'ra wa'aba mo, tãma ãma 're uwaimrami za'ra wa'aba mono da. Ta hã dapoto na'rata hawi dapãrĩ'wa te 're mo. Sadawa nhipese u'âsi wa, tô sena te te dama 're rowasu'u mono õ di. Tizadawa nhipese na ma tô sãna'rata. Simirosa'rata wasété u'âsi wa, sadawa nhipese u'âsi di. Tahawa, i'ra 're anomro aba mono wa, ĩnhimirowasu'u hã tô sena nherẽ, ãma 're ĩzaze za'ra wa'aba mono õ di.
Isazei'õ'wa norĩ ma, 're rowasu'u za'ra wa'aba mono wamhã, aimreme wẽ na si te za tãma 're irowasu'u za'ra wa'aba mo, tãma ãma 're rowẽ zani za'ra wa'aba mono da, aimreme wẽ na te te ãma 're aiwapari ze za'ra wa'aba mono da. Ãne wamhã, i'uwaibaba si te za tô aimreme na tãma ãma 're iwa'rãmi za'ra wa'aba mo, Cristuhu wasu'uwẽ na te te ãma 're asadanharĩ za'ra wa'aba mono zéb uwaibaba.
Ĩsisãnawã norĩ, ãhã na marĩ ipire hã wa za aima waihu'u za'ra wa'wa. Marĩ na dama 're ropisutu za'ra wa'aba mono wamhã, te za aimreme uptabi na si dama 're iropisutu za'ra wa'aba mo. Ãté ni'wa hã te za marĩ na dama ropisutu. Tawamhã ãté te za ãne dama tinha, tô sena na te te dama iropisutuzém na, da te ãma waihu'u za'ra da: “'Re ihâimana u'âsi mono hã hâiwa 'manharĩ'wa, ti'ai 'manharĩ'wa, uburé marĩ 'manharĩ'wa, te 're hâimana. Ta hã ma tô ĩwaihu'u, tô sena na te aima iropisutuzém na.” Ãté ãne te za ni'wa hã dama tinha, 'Re ihâimana u'âsi mono nhisi na hã, te te dama ãma waptob sina. Ãne dama 're nharĩ za'ra wa'aba mono õ di za. Aimreme uptabi na si, te za dama 're iropisutu za'ra wa'aba mo, 're sisi za'ra wa'aba mono ãna, aimreme hã tô senai õ wa, Wamama hã aiwasédé hã te te ai'ãma 're sa'ra za'ra wa'aba mono tõ da.
Ni'wam norĩ hã 'Re ihâimana u'âsi mono hã ãma 're 'ra za'ra mono wa, isib'a'uwẽ na oto 're nomro wẽ mono wamhã, tiwasédé hã te te oto duré 're i'manharĩ u'âsi za'ra mono da hã mare di za. 'Re ihâimana u'âsi mono 'ra hã, Zezusi hã oto ãma 're sisaprĩ u'âsi za'ra mono wa, tiwasédé hã te te 're 'manharĩ waihu'u za'ra mono õ di za tô oto duré. Tahawa, iwasété uptabi hã te te oto 're upi waihu'u za'ra mono õ di za, Wa'uburé hã. Ãne hã wama waihu'u pese za'ra di oto.
ကြော်ငြာတွေ