Mateu 5:32 - ꞌRe Ihâimana Uꞌâsi Mono Zadawa Wasuꞌu

³² Ãne na roti hã tô sena nherẽ, wa za oto wa hã aimawi aima waihu'u za'ra wa'wa, tô õhõ rotizém na hã. Pi'õ norĩ hã aibâ aimawi na 're simisaihuri za'ra mono õ nherẽ, imro te te 're rẽme za'ra mono wamhã, tiwasédé hã te za te te 're 'manharĩ za'ra, aibâ norĩ hã. E marĩ wa. Pi'õ norĩ hã imro te te 're rẽme za'ra mono nherẽ, aibâ aimawi na duré apâ 're mro zahu za'ra mono wamhã, tawapsi te za tiwasédé hã te te 're 'manharĩ za'ra, pi'õ norĩ hã. Tahawa, aibâ norĩ hã tiwasédé te te tãma 're i'manharĩ za'ra mono zém hawi wa, te za duré õ norĩ zama aibâ aimawi na 're mro za'ra mono wa, tiwasédé hã te te 're 'manharĩ za'ra. Duré aibâ norĩ hã, pi'õ, da te 're irẽme za'ra mono na 're mro za'ra mono wamhã, tawapsi, te za duré ta norĩ zama tiwasédé hã te te ãma 're 'manharĩ za'ra, aibâ norĩ hã.

Mateu 5:32 ပူးပေါင်းရင်းမြစ်များ

Mateu 5:28

Ãne na roti hã tô sena nherẽ, wa za oto wa hã aimawi aima roti za'ra wa'wa, tô õhõ rotizém na hã. Ni'wam norĩ hã pi'õ, titõmo na te te 're 'madâ'â ze za'ra mono wa, te te 're waibui mono da, te te sima ãma 're rosa'rata za'ra mono wamhã, taha na zama te za tiwasédé hã te te 're 'manharĩ za'ra, tinhimirosa'rata na si nherẽ.

Luca 16:18

— Ni'wa hã aibâ hã timro te te rẽme wamhã, duré pi'õ aimawi na mro wamhã, te za tiwasédé hã 'manha, aibâ hã. Duré, pi'õ, da te ime na aibâ mro wamhã, te za duré 'manharĩ wasété, ta hã.

Luca 9:30

Tawamhã aibâ hã maparane, ma tô itẽme sihâi'ré zahuré, Mozési norĩ hã, Eliasihi me. Ihâiba na hã rowa'a sa'ẽtẽ zahuré di. Ta norĩ hã Zezusihi me, te sima rowasu'u za'ra, 'Re ihâimana u'âsi mono te te tãma ipisutuzéb zarina, za idâ'âzém na Zeruzalẽ ãma.

Luca 9:35

Hâiwa nhirõtõ hawi, te we 'Re ihâimana u'âsi mono hã tãma nharĩ za'ra, ãne: — Ã hã ĩ'ra, te ipisudu. Ma'ãpé isimiroti hã 're wapari pese za'ra wa'aba mono za.

Roma 7:3

Tane nherẽ, pi'õ norĩ hã imro hã tiwi 're dâ'â za'ra mono õ nherẽ, aibâ aimawi ré 're hâimana za'ra mono wamhã, 'Re ihâimana u'âsi mono nhimiroti zarina 're hâimana za'ra mono õ wa, te za ipo're'õ hã da te ãma 're sa'ra za'ra, pi'õ norĩ ãma hã, tihâiba na tiwasédé te te 're 'manharĩ za'ra mono wa. Imro tiwi 're dâ'â za'ra mono wapsi, te za oto 're mro za'ra, aibâ aimawi na. Tawapsi tihâiba na tiwasédé hã te te 're 'manharĩ za'ra mono õ di za, apâ 're mro za'ra mono wa. Ãne hã aima waihu'u pese za'ra wa'aba di.

1 Corĩtu 7:4

Pi'õ norĩ hã 're mro za'ra mono wamhã, ihâiba hã itei õ di oto. Imro te hã za oto, ihâiba hã. Tane duré aibâ norĩ hã 're mro za'ra mono wamhã, itei õ di oto, ihâiba hã. Imro te hã oto, ãne hã aiwa.