Mateu 5:26 - ꞌRe Ihâimana Uꞌâsi Mono Zadawa Wasuꞌu

²⁶ Dazazéb 're, da te ai'manherẽ aba wamhã, marĩ hã dawi i'mai'manharĩ wasété aba wa'rãmi, dama asi'maiwa'âbâ 'rãsutu pese aba õ nherẽ, ta hawi ai'maiwatobro waihu'u aba õ di za. Tô sena, wa ãne na hã aima rowasu'u za'ra wa'wa.

Mateu 5:26 ပူးပေါင်းရင်းမြစ်များ

Mateu 10:29

Sire wa'â hã wa'âbâ surure nherẽ, uburé Damama zadawa para õ nherẽ, 're si'utõrĩ mono da hã, mare di, sire norĩ hã.

Mateu 18:34

— Tawamhã isib'apito hã ma tô ab'rui pese. Sib'rui wa, ma tô dama ti'ru, dazazéb 're da te sẽrẽ da, da te tãma 're irob'manharĩ u'âsi za'ra mono zém na, tame te te 're robzépata mono da. Rob'uiprazé te te tiwi 're i'awaptẽrẽ mono nhowa're're tinhib'apito ma hã, te te tãma sõmri wapsi, te za apâ dasiwi wazere ni za.

Mateu 25:41

— Tawamhã isimi'e niwĩ isimasam norĩ ma, te za oto nharĩ za'ra, ãne: “A norĩ wa'wa hã ma tô 'Re ihâimana u'âsi mono hã te te siwi 're aiwẽ'õ pese za'ra wa'wa. Mo oto ĩnhiti ai'aba'réi wa'aba, unhama ro'o u'âsi u, wa'uburé norĩ zô 'Re ihâimana u'âsi mono te te ipisutuzéb u, duré ta norĩ nhib'apito zô zama.

Mateu 25:46

— Tawamhã ta norĩ hã te za oto ai'aba'ré, 'Re ihâimana u'âsi mono nhiti, isimihâzém na za te te 're irobzépata u'âsi za'ra mono zéb u. 'Re ihâimana u'âsi mono nhimiroti te te 're i'madâ'â pese za'ra mono norĩ si, te za i'rata 're hâimana u'âsi za'ra, rowẽ u'âsi ãma.

Marcu 12:42

Taha ré, ma tô wi pi'õi mrotõ hã, isibrob'õ hã. Tawamhã rob'uiprazé isapotore hã ma tô tiza, surure nherẽ.

Luca 12:59

Te te asẽrẽ wamhã, asiwa'âbâ 'rãsutu pese õ nherẽ, ta hawi aiwatobro waihu'u õ di za. Ãne, wa aima waihu'u za'ra wa'wa, asina 're roti wẽ za'ra wa'aba mono da, iwẽ hã 're 'manharĩ za'ra wa'aba mono da.

Luca 16:26

Duré, ab're 'rehâ hã isa'ẽne hã te 're sa'wari, wawa'wa. Tahawa, wa te ãma 're saprĩ waihu'u za'ra mono õ di, wa norĩ hã atẽme wa'aba hã. Duré a norĩ wa'wa hã we 're saprĩ waihu'u za'ra wa'aba mono õ di, watẽme hã.”

2 Tesalonita 1:9

Ta norĩ hã te za sisiti satõrĩ za'ra, isiti 're si'ubumroi u'âsi mono da, rowẽ'õ u'âsi ãma. Taha na te za te te 're robzépata u'âsi za'ra. Tawamhã Wanhib'apito nhiti 're dahâimana za'ra mono wamhã, tiwaihu'u pese na marĩ hã rowẽ uptabi na, te te 're da'apawapto mono õ di za. Taha ré 're dahâimana za'ra mono õ di za. Ãne, sena na te za dama arowairébé.

Tiagu 2:13

Nimahã bâtâ na dahâimanazém na te te da'awaihu'u wapsi, da'ãma 're ipẽ'ẽzé za'ra mono õ norĩ ãma, pẽ'ẽzé õ di za, 'Re ihâimana u'âsi mono hã, ti'ab ré da'ãma 're isiwamri za'ra mono õ norĩ ãma hã. Da'ãma 're ipẽ'ẽzé u'âsi za'ra mono norĩ ãma si, te za ãma 're pẽ'ẽzé za'ra.