Mateu 5:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zezusi hã da'ahâ uptabi na te te da'madâ'â wamhã, ẽtẽ 'rãihâ na ma tô sai'u, tame a'â sãmra da. Tawamhã isiré 're inomro mono norĩ hã ma tô 'râwi itẽme ubumro.

Mateu 5:1 ပူးပေါင်းရင်းမြစ်များ

Mateu 13:2

Tawamhã da'ahâ uptabi na ma tô itẽme dasito, da te wapari za'ra da. Duré da'ahâ uptabi na da te dasiwi uirĩ wa, ma tô uba're wa dawi ãzé, Zezusi hã. Uba're wa, te oto nhamra. Tawamhã isõ'u zaihâ na te hâiwi dapara na i'ratamhã aimasam ni.

Mateu 15:29

Tawamhã ta hawi te oto mo Zezusi hã, Galiléa na isõ'u zapoto nhisi u. Ta hawi te duré sa'a u mo, sa'a nhisi ãma sãmra da.

Mateu 4:25

Tahawa, ma tô da'ahâ uptabi na isarina dasi'ré, Galiléa hawimhã, duré Decapori hawimhã, duré Zeruzalẽ hawimhã, duré Zudéa na danhipti'a nho'õmo nhisi hawimhã. Duré Zodã pa zara niwĩ 're idasi'ubumroi mono norĩ zama ma tô itẽme hã dasito.

Mateu 5:2

Taha wamhã, tame ma tô Zezusi hã tinhimirowahutu na tãma ãma sãna'rata za'ra, ãne:

Marcu 3:13

Tawamhã ẽtẽ 'rãihâ na, ma tô sai'u Zezusi hã. Tame te te sima iwẽzéb uwaibaba, te sitẽme sô tihârâ za'ra, aibâ norĩ zô. Sitẽme sô hârâ za'ra wa, ma tô itẽme aihutu 'râwi.

Marcu 3:20

Tawamhã Zezusi hã 'ri tẽme oto morĩ wamhã, da'ahâ na ma duré itẽme dasito. Itẽme dasito mono wa, Zezusi norĩ hã saihuri waihu'u õ di.

Marcu 4:1

Tawamhã Zezusi hã te duré dama rowahutu, Galiléa ãma, isõ'u zapoto 'rata. Da'ahâ uptabi na itẽme dasito mono wa, ma uba're wa ãzé, â zada'ré prã na.

Luca 6:12

Tawamhã ẽtẽ 'rãihâ na ma tô Zezusi hã sai'u, 'Re ihâimana u'âsi mono ma, mreme da. Tawamhã mara bâre te tãma mre.

Luca 6:17

Tawamhã Zezusi norĩ hã ma tô sa'a hawi si'ra za'ra. Tawamhã ti'ai haré u sihutu õ ré, te a'â nhamra, sõnhihâpâ ãma, tizazei'wa norĩ me. Isazei'wa norĩ hã ahâ di. Tame duré da'ahâ uptabi na, te sô ai'ubumro ni. Daro mono bâ, ma tô iwana sô tasi'rã'õtõ ni, Zudéa na danhipti'a nho'õmo nhisi hawi, duré Zeruzalẽ hawi, duré Tiru na 'ri nho'õmo nhisi hawi, duré Sidõ hawib zama. Â zaihâ na Tiru hã, duré Sidõ, 'ri nho'u hã.

Luca 6:20

Tawamhã Zezusi hã te tisiré 're inomro mono norĩ hã 'madâ'â pese za'ra. Tahawa, te ãne tãma nharĩ za'ra: — Ãté asibrob ãna, te oto 're anomro aba mo. Tane nherẽ, aima 're robze za'ra wa'aba mono di za. 'Re ihâimana u'âsi mono hã, Danhib'apito uptabi. Tahawa, isib'a'uwẽ 're anomro aba mono wa, aima 're robze za'ra wa'aba mono di za.

Luca 9:28

Romhuri hã misi ãma si'utõrĩ pari, ma tô Zezusi hã te te siré simro, Pedru norĩ hã Zuwã norĩ me, Tiagu norĩ me, 'Re ihâimana u'âsi mono ma, mreme da. Ẽtẽ 'rãihâ na, ma tô sai'uri za'ra.

Zuwã 6:15

Tawamhã Zezusi, damreme hã ma tô sina waihu'u. Tahawa, te siwaprosi sa'a nhisi u mo apâ, danhiti.