Mateu 4:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã ãne te tãma tinha, Wa'uburé hã: — Sena a hã 'Re ihâimana u'âsi mono 'ra wamhã, ma'ãpé atobro, ti'ai u. 'Re ihâimana u'âsi mono, te za, u, hâiwa hawi we atẽme satõrĩ za'ra, tãma iromhuri'wa norĩ hã, te te ai'madâ'â za'ra da. Tinhib'rata na te za, u duré siwi asapa, ẽne hã te te ai'u'a õ'umnhasite, aipara wi. Ãne 'Re ihâimana u'âsi mono zadawa 'mahârâ'wa nhimi'ui'éré hã, duréihã, ibaihâ na hã.

Mateu 4:6 ပူးပေါင်းရင်းမြစ်များ

Salmu 34:20

Ta hã te duré ihâiba na ihi mono hã te te tãma 're ab'madâ'â pese, 'maihisihâri tõ da hã.

Salmu 34:7

Hâiwa ãma Uburé Danhib'apito ma, Romhuri'wa te uburé te te 're iwazéb za'ra mono norĩ 'wawimhã 're hâimana, marĩ isimimnhasi wi, te te 're a'madâ'â mono da.

Mateu 4:4

Tawamhã Zezusi asa te tãma tinha, ãne: — 'Re ihâimana u'âsi mono mreme na rob'ui'éré hã ãne: “Dasa na si 're danhiptete za'ra mono õ di za. 'Re ihâimana u'âsi mono te te dama 're i'awaihu'u mono zém na zama, te za duré 're danhiptete za'ra.”

2 Corĩtu 11:14

Tô ibâre, te ta norĩ hã ãne hã te te 're 'manharĩ za'ra. E marĩ wa. Satanasihi nhimiroti na si, te te dama 're romhuri za'ra mono wa, ta norĩ hã. Duré Satanasihi ma hã waihu'u pese di, tihâiba na rowa'a na dama 're isihâi'ré mono da hã, hâiwa ãma 'Re ihâimana u'âsi mono ma romhuri'wa newa, da te ãma 're saze za'ra mono da.

Hebreu 1:14

E niha tawamhã, hâiwa ãma romhuri'wa norĩ 're ihâimana za'ra mono zé hã. Ta norĩ hã ihâiba'õ, 'Re ihâimana u'âsi mono ma, romhuri'wa norĩ. Ta norĩ si ma tô 'Re ihâimana u'âsi mono hã te te 're satõrĩ za'ra ti'ai u, za te te isõ'reptu za'ra norĩ hã te te 're pawaptob za'ra mono da, ti'ab ré. Taha na si, ta norĩ nhimiromhurizé hã te tãma 're hâimana za'ra.