Mateu 4:22 - ꞌRe Ihâimana Uꞌâsi Mono Zadawa Wasuꞌu

²² Sô hârâ zahuré wamhã, awa'awi ma tô tinhimiromhuri ma hã marẽme zahuré. Taha wamhã, timama zama hã ma duré oto rẽme zahuré, Zezusihi siré si 're neb zahuré da oto.

Mateu 4:22 ပူးပေါင်းရင်းမြစ်များ

Mateu 10:37

— Ni'wam norĩ hã te te 're ĩzawi za'ra mono zém nhipai u, timama norĩ hã te te 're sawi pese za'ra mono wamhã, ĩ'ãma 're nomro waihu'u mono õ di za. Duré ni'wam norĩ hã ĩzawi nhipai u ti'ra norĩ te te 're sawi pese za'ra mono wamhã, ĩ'ãma 're nomro waihu'u mono õ di za duré.

Mateu 4:21

Tawamhã suru na sina pahâ wi, ma duré 'madâ'â zahuré, Tiagu norĩ Zuwãhã me. Ta norĩ hã Zebedehe 'ra zahuré. Timama siré te abazipara sisinarĩ hã te te apâ ãma a'rã'õtõ zahuré, uba're wa. Tawamhã te duré sô tihârâ zahuré ta norĩ zô hã.

Mateu 4:23

Tawamhã daza'rui mono bâ te 're mo Zezusi hã, Galiléa ãma hã. zudeu norĩ te, rowahutuzé mono bâ, ma tô te te dama 're rowahutu. 'Re ihâimana u'âsi mono, da'ãma 're isib'a'uwẽ mono zé wasu'u na te duré te te dama 're rowasu'u, iwasu'uwẽ na. Duré dahâzé da te 're isépata za'ra mono bâ hã ma da'apese. Hâzé u'âsi wa, sib'uware na 're inomro mono norĩ zama ma duré apese, Zezusi hã.

Marcu 1:20

Tawamhã Zezusi te duré ta norĩ zô hã tihârâ zahuré, isiré neb zahuré da. Ãhã wamhã, õne haré ma tô timama zahuré hã, duré tite zahuré romhuri'wa norĩ hã sisa'u rẽme za'ra, uba're 're isi'ubumro norĩ hã, Zezusihi siré si oto 're neb zahuré da.

Luca 14:26

— Ãté, ni'wam norĩ hã te za we ĩtẽme ai'aba'ré, ĩzazei'wa, 're nomro mono da. Tawamhã te za te te 're ĩzawi pese za'ra, timama zawi nhipai u, duré tina zawi nhipai u, duré timro zawi nhipai u, duré ti'ra norĩ zawi nhipai u, duré tisisãnawã norĩ zawi nhipai u, duré tihâimanazém nhipai u.

Luca 5:11

Tawamhã uba're, ma tô sani za'ra, rob'ré u. Uburé ma tô marĩ hã rẽme za'ra, tinhimiromhuri za'ra zé hã, Zezusihi siré oto 're nomro mono da.

2 Corĩtu 5:16

Ãne wa, ti'ai ãma isazei'õ'wa norĩ nhimirosa'rata zarina, wa te da'ãma 're rosa'rata za'ra mono õ di za oto, 're idahâimana za'ra mono zém na hã. Wa hã bété. Isazei'õ'wa norĩ nhimirosa'rata zarina, wa tô aré te 're rosa'rata, Cristu 're ihâimana mono zém na hã, taré newa. Tane nherẽ, taha zarina, te ãma 're rosa'rata mono õ di oto, wa hã.