Mateu 4:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Zezusi hã Galiléa na isõ'u nhisi zaihâi baba 're morĩ wamhã, ma tô aibâ norĩ hã sãmri zahuré, tepe mrami na romhuri'wa norĩ hã, tisisãnawãi me: Sima na isisi hã, Pedru na isisi amo hã. Duré ino hã Ãdré na isisi hã. Isõ'ui wa, te nasi ta norĩ hã abazipara hã wabzuri zahuré, tepe zô.

Mateu 4:18 ပူးပေါင်းရင်းမြစ်များ

Ezodu 3:1

Tawamhã Mozési te oto pone'ẽrebâ te te 're a'madâ'â, timaprebaba ma, Zetru sasedoti Midiã na romnhisi ãma 're isãmra mono ma. Tawamhã nimahã bâtâ na ma tô pone'ẽrebâ te te simro, ti'a zada'ré amoi u, rop si 're irosa'wari mono wa'wai baba. Taha wamhã, ẽtẽ 'rãihâ iwazéb zahi, Sina'i na isisi na 're ihâimana mono u ma tô oto wi.

Ezodu 3:10

Tahawa ma'ãpé aimorĩ. Wa hã wa za Ezitu te apito u hã asatõ, ĩnhib'a'uwẽ Izaraéu nhihudu norĩ, isipti'ai hawi sani za'ra da hã.

Mateu 10:2

Isisi za'ra hã, ãne: Sima, isisi amo hã Pedru na. Duré ino nhisi hã Ãdré na. Duré Tiagu, duré isisãnawã, Zuwã. Ta norĩ hã Zebedehe 'ra zahuré.

Mateu 15:29

Tawamhã ta hawi te oto mo Zezusi hã, Galiléa na isõ'u zapoto nhisi u. Ta hawi te duré sa'a u mo, sa'a nhisi ãma sãmra da.

Mateu 16:18

Pedru, ãne wa za aima waihu'u. Ẽtẽ na, wa ai'ãma simiré'é. Ni'wa hã ẽtẽ nhisiwi te za 'ri na'rada hã 'manha, 'ri hã siptete na tãma 're sa mono da. Õne na 'Re ihâimana u'âsi mono te te ĩpisutu na, ma tô a hã ĩwaihu'u na'ra. Tahawa, ni'wa hã ẽtẽ nhisiwi te te i'ri ne, te za oto ĩwaihu'u na'rata zém hawim na ĩwaihu'u za'ra ni, za da te 're ĩzaze za'ra mono norĩ hã. 'Re idadâ'â za'ra mono zé hã dama siptete nherẽ, duré dama pire nherẽ, ĩzazei'wa norĩ ãma hã te te ai'uté waihu'u za'ra õ di za.

Mateu 4:19

Tawamhã Zezusi hã te sô tihârâ zahuré ãne: — We ane wa'aba, ĩsiré 're ane wa'aba da oto, romhuri na aima ĩsisanho wa'aba da, ĩma 're ida'awaibui wa'aba mono zéb da na.

Marcu 7:31

Tawamhã Zezusi norĩ hã Tiru 'rata, hâimana za'ra pari, ma tô ai'aba'ré. Sidõ na daza'ru nhisi wa'wai baba, ma tô ro'rahâri za'ra. Duré Decapori na danhipti'a nho'õmo nhisi wa'wai baba, ma tô ro'rahâri za'ra, 10 na daza'ru wa'wai baba. Tawamhã Galiléa ãma â zaihâ u, ma tô aihutu, isõ'ui u.

Luca 6:14

Ta norĩ nhisi za'ra hã ãne: Sima Pedru, ino Ãdréhé me. Pedru na te za sisi té, Zezusi hã. Duré Tiagu norĩ hã tisisãnawã Zuwãhã me, duré Filipi norĩ hã, Batolomeuhu me,

Zuwã 21:1

Tawamhã Zezusi hã ma tô duré tãma sihâi'ré za'ra, tisiré 're inomro mono norĩ u. Isõ'u zaihâ u ma tô itẽme sihâi'ré za'ra. Tiberiadi na 'ri nho'õmo nhisi 'rata, isõ'u hã te 're hâimana. Ãne duré itẽme isihâi'ré za'ra zé wasu'u hã.

Zuwã 6:1

Tawamhã Zezusi hã ma tô uba're na saprĩ, isõ'õmo na. Galiléa ãma, isõ'u te 're hâimana. Tiberiadi na isõ'õmo nhisi hâiba amo nhisi hã.

Zuwã 6:8

Tahawa, Zezusihi siré 're imorĩ hâiba amo hã ma tô duré tãma tinha, Ãdré Sima Pedruhu no hã ãne: — 'Watébrémi te, i'u'ẽtẽ wapu hã te tihâiba, arozum ne u'ẽne hã. 5 na ihâiba hã. Duré pe'a hã maparanere. Ãhã wamhã, aihĩni dasaihuri õ di za.