Mateu 4:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã Zezusi hã Zuwã da te isẽrẽzé wasu'u te te wapari wa, ma tô mo, Galiléa u.

Mateu 4:12 ပူးပေါင်းရင်းမြစ်များ

Mateu 11:2

Tawamhã Zuwã Batista, dazazéb 're sãmra ré, ma tô Cristuhu wasu'u hã wapa, marĩ te te dama 're i'ab'manharĩ wẽ mono zém na hã. Te te wapari wamhã, ma tô isiré 're inomro mono norĩ hã 'mazatõrĩ za'ra, Zezusi hã te te siwi 'mazadanharĩ da.

Mateu 14:3

Ãne ma tô apito Erodi hã Zezusihi wasu'u na tãma rowasu'u za'ra. Ta hã ma tô aré tinoi mro zô rowasutu, Erodiza na pi'õ nhisi zô. Ino nhisi hã Filipi na isisi. Zuwã Batista hã ma tô aré te te tãma 're roti u'âsi, ãne: “'Re ihâimana u'âsi mono nhimiroti 'rata na rob'ui'éré hã te te ãma roti õ di, asisãnawãi mro na aimro da hã. Tãma wẽ õ di, 'Re ihâimana u'âsi mono ma hã.” — Ãne ma tô te te tãma 're roti u'âsi, Erodihi ma. Tane nherẽ, ma tô apito Erodi hã tinoi mro na tiwi ãma ai'ré. Tahawa, ma tô dama ti'ru, Zuwã Batista hã da te âri da, da te pawasisi da, duré da te sẽrẽ da, dazazéb 're.

Marcu 1:14

Tawamhã Zezusi hã te mo, Galiléa u. Zuwã Batista hã dazazéb 're, da te dasiwi sẽrẽ pari, te Zezusi hã mo. Tawamhã rowasu'u wẽ hã, 'Re ihâimana u'âsi mono te te tãma isõmri na, te Zezusi hã te te dama 're rowasu'u oto.

Marcu 6:17

Erodi hã ma tô aré dama ti'ru, Zuwã Batista da te dasiwi pawasisi da, da te dasiwi sẽrẽ da, dazazéb 're, 're sa mono da. Ãne ma tô Erodi hã Zuwãhã ma, rob'manharĩ wasété. E marĩ da. Imro ma, tãma rowẽ da, Erodizaha ma. Tinoi wi, ãma isi'ré na, ma timro, Filipihi mro na, Erodi hã. Ãma mro wa, Zuwã ma tô Erodihi ma tinha: “'Re ihâimana u'âsi mono nhimiroti hã ãne: ‘Asisãnawãi mro na hã tiwi ãma 're ai'ré za'ra wa'aba mono õ di za.’ ” — Ãne ma tô Erodihi ma waihu'u, 'Re ihâimana u'âsi mono nhimiroti hã.

Luca 23:5

Tane nherẽ, te mreme tete na asa tãma nharĩ za'ra, ãne: — Tinhimirowasu'u na, ma tô te te dawi 're ro'wa'rutu, daza'rui mono bâ, Zudéa ãma. Galiléa ãma, ma tô roti na sãna'rata. Ãhãta ma tô wei wi oto ãwa.

Luca 3:20

Tahawa, Erodi hã ma tô Zuwã hã dama ti'ru, dazazéb 're, da te sẽrẽ da. Ãne wamhã, ma tô isipai u tiwasédé hã 'manha, oto Erodi hã.

Luca 4:14

Tawamhã apâ te mo Galiléa u, Zezusi hã. 'Re ihâimana u'âsi mono pẽ'ẽzani ré, te 're mo. Iré 're morĩ wa, te waihu'u pese na 're mo. Tawamhã ma tô iwasu'u hã wapari za'ra ni, Galiléa ãma daro mono bâ.

Luca 4:31

Tawamhã Cafanau na 'ri nho'õmo nhisi u, te mo Zezusi hã. Galiléa ãma, Cafanau hã te 're hâimana. Tame sabadu na te dama rowahutu, zudeu norĩ te, rowahutuzéb ãma.

Zuwã 1:43

Tawamhã awẽm na Galiléa na danhipti'a nho'õmo nhisi u morĩ da, te Zezusi hã sina ropisutu. Ãhã wamhã, wa isiré hã ai'aba'ré ni. Wasi'aba'réi ré, wa tô aibâ hã sõpẽtẽ za'ra ni, Filipi na isisi hã. Tawamhã Zezusi te tãma tinha, ãne: — We aimorĩ, ĩsiré 're aimorĩ da oto. Tahawa, te oto isiré mo.

Zuwã 2:11

Ãne hã marĩ dama i'manharĩ waihu'u'õ hã te te dama i'manharĩzém na ma tô Zezusi hã dapawaptom na sãna'rata, tiwaihu'u pese na, Cana na 'ri nho'õmo nhisi ãma. Galiléa 'remhã, Cana hã. Tahawa, waihu'u pese wa, ma tô oto sina umnhasi za'ra, isiré 're inomro mono norĩ hã.

Zuwã 4:43

Tame sãmra pari, te oto apâ mo Galiléa u, Zezusi hã.

Zuwã 4:54

Ãne Galiléa ãma ma tô tiwaihu'u pese na marĩ i'manharĩ waihu'u'õ hã dama 'manha Zezusi hã, Zudéa hawi wisi wi. Ãne dapawaptom na ma tô ãma sahu, 'Re ihâimana u'âsi mono we te te isatõrĩ na, da te ãma waihu'u za'ra da hã.