Mateu 4:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã Wa'uburé ma tô ihawi oto mo. Morĩ wamhã, hâiwa ãma romhuri'wa norĩ hã ma tô we itẽmemhã oto aihutu, te te siwi pawaptob da, Zezusi hã.

Mateu 4:11 ပူးပေါင်းရင်းမြစ်များ

Mateu 26:53

Te ĩsima wẽ 'wa'âhã, wa aré Ĩmama wi waptẽ, hâiwa ãma tãma iromhuri'wa norĩ hã ahâ uptabi na te te we ĩtẽme satõrĩ za'ra da, ãhã na ĩ'ãma sisaprĩ za'ra da, dawi. E ãne na ĩ'ãma rosa'rada hã waihu'u ã bâ bété.

Mateu 4:6

Tawamhã ãne te tãma tinha, Wa'uburé hã: — Sena a hã 'Re ihâimana u'âsi mono 'ra wamhã, ma'ãpé atobro, ti'ai u. 'Re ihâimana u'âsi mono, te za, u, hâiwa hawi we atẽme satõrĩ za'ra, tãma iromhuri'wa norĩ hã, te te ai'madâ'â za'ra da. Tinhib'rata na te za, u duré siwi asapa, ẽne hã te te ai'u'a õ'umnhasite, aipara wi. Ãne 'Re ihâimana u'âsi mono zadawa 'mahârâ'wa nhimi'ui'éré hã, duréihã, ibaihâ na hã.

Marcu 1:13

Tawamhã a'ubuni wi sãmra ré, bâdâ hã ahâ na ma ãma si'utõrĩ, 40 na. Tame sãmra ré, Satanasi hã te aré nasi wada'u, isimiroti na te te saze da. A'ubuni ãma abaze zahi hã te 're hâimana za'ra. Tane nherẽ, te taha wamhã 'Re ihâimana u'âsi mono ma romhuri'wa norĩ hã hâiwa hawimhã we siwi 'madâ'â pese.

Luca 22:43

Tawamhã ma itẽme sihâi'ré, hâiwa ãma romhuri'wa hã, te te pawaptob da, siptete na 're morĩ da, Zezusi hã.

Luca 22:53

Bâtâ sidâpâsi, wa tô asõ'a wa'aba nasi aimasisi, 'Re ihâimana u'âsi mono nhorõwa 'ri ãma. E niha bâ tameb ré, asiwi ĩ'âri aba õ di bété. Ãhã na ma tô bâdâ hã iwa waptãrã, asiwi ĩ'âri aba zéb da hã, robra tede'wa hã pire na 're imorĩzéb da hã.

Luca 4:13

Tawamhã Wa'uburé hã taré te te Zezusi hã pibui mono pari, te oto isiti mo, isimiroti na te te sazei õ wa, a'â sadawa utu da.

Zuwã 14:30

Aima ĩmreme suru aba di za oto. E marĩ wa. Ĩzazei'õ'wa norĩ wada'uri'wa, we ĩzô morĩ wa, Wa'uburé hã. Ta hã ĩma pire õre di. Ĩma pire õ nherẽ, itẽme wasi'aba'réi wa'aba, Ĩmama te te ĩ'ãma irotizé hã te ĩsina uwaimrami da. Tawamhã te ĩsina uwaimrami wapsi, Ĩmama te 're isawi pese mono na te za da te 're ĩwaihu'u za'ra.

1 Timotiu 3:16

Tô sena Zezu Cristuhu wasu'uwẽ hã wẽ uptabi di, aré dama sa'rese õ nherẽ, Wamama hã te te oto dama ihâi'ré hã wa te 're isaze za'ra mono zé hã, ãma 're iwanomro wẽ mono zéb da hã. Ãne te te dama iwaihu'uzé hã: “A'uwẽ na ma podo, ti'ai ãma. Duré tô sena i'ra 're imorĩ wẽ uptabi na, ma tô Tipẽ'ẽzani na dama waihu'u za'ra. Duré hâiwa ãma 'Re ihâimana u'âsi mono ma romhuri'wa norĩ hã ma tô titõmo na 'madâ'â za'ra. Duré a'uwẽ mono bâ 're idahâimana za'ra mono norĩ hã ma tô iwasu'uwẽ na da te 're dapo're pu'u za'ra, daro mono bâ. Ma tô duré da te dasina 're umnhasi za'ra. Duré rowẽ uptabi u ma tô mo, hâiwa u.”

Hebreu 1:14

E niha tawamhã, hâiwa ãma romhuri'wa norĩ 're ihâimana za'ra mono zé hã. Ta norĩ hã ihâiba'õ, 'Re ihâimana u'âsi mono ma, romhuri'wa norĩ. Ta norĩ si ma tô 'Re ihâimana u'âsi mono hã te te 're satõrĩ za'ra ti'ai u, za te te isõ'reptu za'ra norĩ hã te te 're pawaptob za'ra mono da, ti'ab ré. Taha na si, ta norĩ nhimiromhurizé hã te tãma 're hâimana za'ra.

Hebreu 1:6

Ãne te duré tinha, 'Re ihâimana u'âsi mono hã ti'ra hã ti'ai u za te te we isatõrĩzém na, da'ra hã dama 're ipoto 'rata za'ra mono ne, poto da: “Uburé hâiwa ãma 'Re ihâimana u'âsi mono ma, romhuri'wa norĩ hã za tô ãma 're iwata u'âsi za'ra mono da si, wa ti'ru.”