Mateu 3:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Zezusi hã ma tô mo, Galiléa hawi, Zodã pa u, tame Zuwã Batista, â dawabzuri hã te te tãma 'manharĩ da.

Mateu 3:13 ပူးပေါင်းရင်းမြစ်များ

Mateu 2:22

Tane nherẽ, ma tô wapa Aterazu, apito Erodihi 'ra wasu'u hã, timama nhowa're're isébré na hã Zudéa ãma te te 're ida'ab'madâ'â mono da hã. Tahawa, pahi di, tame iré 're ihâimana zahuré mono da hã. Tawamhã sõtõ 'rowi ma tô tãma waihu'u na sahu, hâiwa ãma 'Re ihâimana u'âsi mono ma romhuri'wa hã, Zuzéhé ma, Zudéa u neb zahuré tõ da, Galiléa na danhipti'a nho'õmo nhisi u si neb da. Tahawa, ma tô tamomop si tineb zahuré, Zuzé norĩ hã.

Mateu 3:14

Tane nherẽ, Zuwã Batista, isimirosa'rada te te ãma tiwi saprĩ da, ma tô aré pibu, â dawabzuri te te tãma 'manharĩ tõ da. Tahawa te ãne tãma tinha: — E marĩ da, te ĩma aipire uptabi nherẽ, ĩma asi'ru, â dawabzuri te aima 'manharĩ da. A hã te aré ĩma i'manha.

Mateu 3:6

Tahawa, dawasété na sõ'awimhã ma tô 're dasiwẽ'õ za'ra 'râwi, 'Re ihâimana u'âsi mono ma. Dawasété na 're dasiwẽ'õ za'ra mono sidâpâsi, ma tô Zuwã Batista â dawabzuri hã te te dama 're ab'manharĩ, Zodã pa ãma.

Zuwã 1:31

Wa hã te duré waihu'u õ di aré, 'Re ihâimana u'âsi mono te te ipisutu na hã Danho'reptui'wa da. Tazahã, wa norĩ hã Izaraéu nhihudu hã wa te waihu'u za'ra da, wa â dawabzuri hã te dama 're ab'manharĩ.