Mateu 28:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã sisamroi ré, ma tô Zezusi hã sõpẽtẽ zahuré, pi'õ norĩ hã. Duré simiza'rese ãna sisamroi ré, ma sõpẽtẽ zahuré. Tawamhã Zezusi hã ma tô sawi zahuré, ãne: — Rowẽ na 're aihâimana aba mono. Tawamhã pi'õ norĩ hã ma tô oto 'râwi itẽme aima'wara zahuré. Tinhib'rata na te te para zawi zahuré sina, ma tô ãma tiwata zahuré, tãma pire zahuré wa.

Mateu 28:9 ပူးပေါင်းရင်းမြစ်များ

Mateu 14:33

Tawamhã isiré 're inomro mono norĩ hã ma tô ãma tiwata za'ra, Zezusihi ãma. Ãne te ãma tiwata za'ra: — Wanhib'apito, a hã tô sena 'Re ihâimana u'âsi mono 'ra, te 're aimo.

Mateu 23:7

Te duré te te sima 're wẽ za'ra, dama ipire norĩ hã damreme ipire na da te 're isawi za'ra mono ne, dahâimana prédup sina da te 're sawi za'ra mono da, da'ahâ na 'ri nhi'riti wa, da te dasima 're irowede za'ra mono zéb ãma hã. Te duré te te sima 're wẽ za'ra, da te 're sawi za'ra mono wamhã, rowahutu'wa na da te 're sisi za'ra mono sina, da te 're sawi za'ra mono da, dama 're idapire za'ra mono norĩ 'mahârâzém na. Ãne te ta norĩ hã uburé marĩ hã te te sima 're wẽ za'ra, dama ipire zarina, da te 're 'madâ'â wẽ za'ra mono da.

Mateu 28:10

Tawamhã Zezusi te tãma nharĩ zahuré, ãne: — Aipahi wa'aba tõ. Mo oto ane wa'aba, ĩsisãnawã norĩ ma, ĩwasu'u wa'aba da, Galiléa u ĩzarina ãma si'aba'ré da. Tamep si te za siwi ĩ'madâ za.

Mateu 28:17

Tawamhã Zezusi hã te te siwi sãmri wamhã, ma tô ãma tiwata za'ra. Tane nherẽ, nima norĩ hã ma tô wawã za'ra, õ hãi õ newa.

Mateu 28:8

Tahawa, te sa'ẽtẽ oto asamro zahuré ab're hawi, pahi te. Pahi zahuré nherẽ, tãma rowẽ zahuré di, pi'õ norĩ ma hã. Zezusihi siré 're inomro mono norĩ ma, te te rowasu'u zahuré da, te asamro zahuré.

Luca 1:28

Tawamhã ma tô we itẽme wi, Mariaha u, hâiwa ãma romhuri'wa hã. Itẽme wisi wamhã, te tãma tinha, ãne: — Maria, rowẽ na 're aihâimana mono. 'Re ihâimana u'âsi mono, ma tô aiwẽsã, Wanhib'apito hã. Tahawa, te za aima tinhopru, iwẽ uptabi na.

Luca 24:52

Tawamhã isa'u, te Zezusihi ãma tiwata za'ra, hi'rãtitõ. To sina, te apâ ai'aba'ré, Zeruzalẽ u.

Luca 7:38

Tawamhã Zezusihi babarã na ma tô nhamra, wawa sina. Wawai wamhã, Zezusihi para nhisiwi, ma tô ti'upĩni a'a. Tahawa, te tizéré na tãma u'õ. Tawamhã da te 're idatob'rata hârâ za'ra mono ne, tizadawa na ma tô para hârâ. Ma tô wedewa'u zadaze hã ipara nhisiwimhã sa'wa, pi'õ hã.

Zuwã 12:3

Tawamhã Maria hã ma tô we ti'â, wedewa'u isadaze hã. Nadu na wedewa'u nhisi hã. Ta hã iwa'âbâ wawẽ. Zezusihi zô te we ti'â, te te ãma para u'ré wa, tãma rowẽ da. Tawamhã te te ãma para u'ré pari wamhã, ma tô para u'õ, tizéré na. Sadazei pire wa, ma tô 'ri 're zadaze sina.

Zuwã 20:19

Tawamhã tô taha bâtâ na dumigu na bâdâ sébré wi, ma tô si'rã'õtõ, Zezusihi siré 're inomro mono norĩ si. Dama ipire norĩ pipa te, ma tô siré 'rinhitop tete za'ra. Tame si'rã'õtõ ré, ma tô Zezusi hã tãma sihâi'ré za'ra. Taha wamhã, te iwa'wab za'ra za. Tawamhã te ãne tãma nharĩ za'ra: — Rowẽ na 're aihâimana za'ra wa'aba mono.

Zuwã 20:28

Tawamhã Tome te asa tãma tinha, ãne: — A hã, Ĩnhib'apito uptabi. A hã, 'Re ihâimana u'âsi mono. Ai'ãma si, wa za 're ĩwata u'âsi.

2 Corĩtu 13:11

Ĩsisãnawã norĩ, ĩnhimi'ui'éré na wa za oto aima ãma 'rãsutu za'ra wa'wa. 'Re aihâimana wasété za'ra wa'aba mono zé hã te za oto irẽme pese za'ra wa'wa. Te aima 're iroti za'ra wa'aba mono zé hã te za 're iwapari pese za'ra wa'aba mo. Tahawa, te za simisutu asimirosa'rata na 're asisazei pese za'ra wa'aba mo. Rowẽ na si asiré 're aihâimana u'âsi za'ra wa'aba mono da, te za duré asina 're irosa'rata wẽ u'âsi za'ra wa'aba mo. Ãne wamhã, 'Re ihâimana u'âsi mono hã isimizawi pe hã, te za 'râwi asiré 're hâimana u'âsi za'ra wa'wa, dama rowẽ nhomri'wa hã.

Apocalipsi 3:9

Ma'ãpé duré, waihu'u pese za'ra wa'aba. Satanasihi niwĩ 're ihâimana za'ra mono norĩ hã, e niha wa za tãma rob'manharĩ za'ra, ta norĩ ma hã. Ta norĩ hã zudeu nherẽ, zudeu norĩ hâimana wẽ zém na 're ihâimana za'ra mono na, dama 're siwasu'u za'ra mono zahã, te Satanasihi nhimiroti zarina si 're hâimana za'ra, sadawa nhipese na. Tahawa, wa za ãne tãma rob'manharĩ za'ra. Aipapara te za 're sina wa'wa, tãma aipire za'ra wa'aba wa. Tahawa, te za aiwaihu'u za'ra wa'wa, te 're i'asawi pese za'ra wa'aba mono na.