Mateu 28:7 - ꞌRe Ihâimana Uꞌâsi Mono Zadawa Wasuꞌu

⁷ Taha parip si, te za sa'ẽtẽ ane wa'wa za, isiré 're inomro mono norĩ ma, wasu'u wa'aba da. Ãne te za tãma iwasu'u za'ra wa'wa za: “Ma tô hâiwa'udu. Galiléa u ma tô duré asõwab za'ra wa'aba hã mo. Tamep si te za asiwi i'madâ'â 'wa za.” Ãne na ĩmreme na hã ãma aipo're simrami aba tõ za. Tô'ã!

Mateu 28:7 ပူးပေါင်းရင်းမြစ်များ

Mateu 24:25

Ãne hã wa aima waihu'u siromo za'ra wa'wa, zahadu romhâimana õ ré. Tahawa, ma'ãpé ãma 're asõpré u'âsi aba mono za, ãne na hã.

Mateu 26:32

Tane nherẽ, asiwi ĩrẽme aba nherẽ, ab're hawi apâ ĩhâiwa'utu parip si, wa za aiwana za'ra wa'aba ĩmorĩ 'wa za, Galiléa u, tamomo ĩnhopẽtẽ za'ra wa'aba da.

Mateu 28:10

Tawamhã Zezusi te tãma nharĩ zahuré, ãne: — Aipahi wa'aba tõ. Mo oto ane wa'aba, ĩsisãnawã norĩ ma, ĩwasu'u wa'aba da, Galiléa u ĩzarina ãma si'aba'ré da. Tamep si te za siwi ĩ'madâ za.

Mateu 28:8

Tahawa, te sa'ẽtẽ oto asamro zahuré ab're hawi, pahi te. Pahi zahuré nherẽ, tãma rowẽ zahuré di, pi'õ norĩ ma hã. Zezusihi siré 're inomro mono norĩ ma, te te rowasu'u zahuré da, te asamro zahuré.

Marcu 14:28

Tane nherẽ, ab're hawi apâ ĩhâiwa'utu parip si, wa za aiwana ĩmorĩ 'wa, Galiléa u, tamomo ĩnhopẽtẽ za'ra wa'aba da.

Marcu 16:10

Tawamhã Zezusihi siré 're inomro mono norĩ u, te mo Maria Madaréna hã, te te tãma rowasu'u za'ra da. Tãma robzei'õ za'ra di. Pẽ'ẽzé uptabi za'ra wa, te aiwa'õ za'ra. Ãne ré, ma tô itẽme tiwisi za'ra, Maria Madaréna hã.

Marcu 16:13

Tawamhã apâ te tineb zahuré, Zezusihi siré 're inomro mono norĩ ma, te te rowasu'u zahuré da. Tane nherẽ, te te tãma rowasu'u za'ra nherẽ, te te ãma saze za'ra õ di duré.

Luca 24:34

— Tô sena, ma tô Wanhib'apito hã hâiwa'udu. Simahã ma, ma tô sihâi'ré.

Zuwã 14:29

Apâ itẽme ĩmorĩ õ ré, wa aima ĩsiwasu'u siromo za'ra wa'wa. E marĩ da. Te ĩsina irotizé hã te ĩsina uwaimrami wapsi, ãma ĩzaze za'ra wa'aba da.

Zuwã 16:4

Ãne, wa aima waihu'u siromo za'ra wa'wa, da te dasiwi 're ai'ruiwapari za'ra wa'aba mono wapsi, ĩmreme na 're aipo're pu'u u'âsi za'ra wa'aba mono da, marĩ zô asipibu ma, 're asõpré wa'aba mono tõ da. Tawamhã ãne ma tô duré tãma waihu'u za'ra: — Ãne na te aima 're rowasu'u za'ra wa'aba mono õ di aré tô, zahadu ai'rata 're ĩhâimana za'ra wa'aba mono wa.

1 Corĩtu 15:6

Taha parimhã, ma duré tizazei'wa norĩ nho'a sihâi'ré, 500 na ihâiba za'ra norĩ nho'a, aihĩni norĩ siré ta norĩ hã si'ubumroi ré. Ta norĩ hã te zahadu dâ'â ãna 're hâimana za'ra. Ni'wam norĩ si, ma tô tidâ'â za'ra, umro na.