Mateu 28:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã hâiwa ãma romhuri'wa hã ma tô tãma nharĩ zahuré, pi'õ norĩ ma, ãne: — Ĩma aipahi wa'aba tõ. Zezusi hã da te dasiwi wĩrĩ wa, wedepo'o nhonhi'rãmi na da te dasiwi isasõmri zô robzabui wa'aba da, te we ane wa'wa. Wa hã wa tô aiwaihu'u 'wa, we sô irobzabui wa'aba mono na hã.

Mateu 28:5 ပူးပေါင်းရင်းမြစ်များ

Daniéu 10:12

Ãne te ĩma tinha: — Daniéu, aipahi tõ. 'Re ihâimana u'âsi mono ma tô aimreme hã wapa, tiwi irowaptẽrẽzé hã, imorĩ'rata na asina tãma ti'awi wa, rowaihu iwẽ hã te te aima isõmri zô, isõ're i'aihâimana hawim haré. Tahawa, tiwi irowaptẽrẽzém na te te ãma i'asada'âbâzéb ré wa tô we atẽme mo.

Daniéu 10:19

Ãne te ĩma tinha: — 'Re ihâimana u'âsi mono ma hã tãma asawi uptabi di. Tahawa, aipahi tõ. 'Re ihâimana u'âsi mono hawi rowẽzé aima ihâimana da si iwẽ hã. Tahawa, sada asib'ru na! Duré asiptete na aihâimana! Ãne te te ĩma nharĩ wa, oto apâ ĩnhiptete wamhã, wa tô ãma sada'â ãne: — Ma'ãpé oto ãma ĩma rowasu'u na. A hã ĩnhiptede hã ma tô apâ ĩma isõ.

Mateu 14:27

Ãhã wamhã, awa'awi ma tô Zezusi hã tãma si'mahârâ za'ra, ãne: — Wa hã wa we atẽme ĩmorĩ za'ra wa'wa. Ĩma aipahi za'ra wa'aba õ di za.

Mateu 28:10

Tawamhã Zezusi te tãma nharĩ zahuré, ãne: — Aipahi wa'aba tõ. Mo oto ane wa'aba, ĩsisãnawã norĩ ma, ĩwasu'u wa'aba da, Galiléa u ĩzarina ãma si'aba'ré da. Tamep si te za siwi ĩ'madâ za.

Mateu 28:4

Tawamhã ab're 'madâ'â'wa norĩ hã ma tô tipahi za'ra. Pahi uptabi za'ra wa, ma tô duré tirẽrẽ'ẽ za'ra. Tawamhã ti'ai u ma tô tãma ana. Dadâ'â wa, darési ãna 're idanhimi'wara mono ne, ma tô rési ãna daba'wara.

Marcu 16:6

Tawamhã ãne te tãma nharĩ za'ra, pi'õ norĩ ma: — Ĩma aipahi za'ra wa'aba tõ. Zezusi hã Nazaré ãma aré iprédu hã wedepo'o nhonhi'rãmi na, da te dasiwi isasõmri zô robzabu za'ra wa'aba da, te we ai'aba'réi wa'wa. Ãne na, wa tô aiwaihu'u za'ra wa'wa. Ãme hâimana õ di oto. Apâ ma tô hâiwa'udu. Ma'ãpé, inomrozé hã sabu za'ra wa'aba. Robaba di.

Luca 1:30

Tawamhã te duré tãma tinha, hâiwa ãma romhuri'wa hã: — Maria, aipahi tõ. 'Re aimorĩ wẽ na, ma tô 'Re ihâimana u'âsi mono hã aiwẽsã.

Luca 24:5

Tahawa, ma tô pi'õ norĩ hã tãma tipahi za'ra. Pahi te, ma tô aiwẽ'ẽ za'ra, ti'ai u. Tahawa, te ãne tãma nharĩ za'ra, pi'õ norĩ ma hã: — E niha da, te ihâiba zô irob'madâ'â za'ra wa'wa, inomrozéb ãmamhã. Apâ ma tô hâiwa'udu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:24

Tane nherẽ, 'Re ihâimana u'âsi mono hã ma tô hâiwa'utu, ab're hawi watobro da, dâ'â uptabi nherẽ. Ma tô duré pawapto, dâ'â u'âsi nomro tõ da. Idâ'âzé tãma wapure wa, dâ'â u'âsi nomro waihu'u õ di, Zezusi hã.

Hebreu 1:14

E niha tawamhã, hâiwa ãma romhuri'wa norĩ 're ihâimana za'ra mono zé hã. Ta norĩ hã ihâiba'õ, 'Re ihâimana u'âsi mono ma, romhuri'wa norĩ. Ta norĩ si ma tô 'Re ihâimana u'âsi mono hã te te 're satõrĩ za'ra ti'ai u, za te te isõ'reptu za'ra norĩ hã te te 're pawaptob za'ra mono da, ti'ab ré. Taha na si, ta norĩ nhimiromhurizé hã te tãma 're hâimana za'ra.