Mateu 28:3 - ꞌRe Ihâimana Uꞌâsi Mono Zadawa Wasuꞌu

³ Tã si'ubuzi ne ihâiba hã. I'uza hã duré rã uptabi di.

Mateu 28:3 ပူးပေါင်းရင်းမြစ်များ

Salmu 104:4

A hã te duré rowa'u'u ma, asadawa wasu'u'wa da hã tãma 're i'apisutu mo. Te duré tã si'ubuzi ma, aima romhuri'wa da, tãma 're i'apisutu mo.

Daniéu 7:9

Wa hã zahadu te isahoi mono 're, rob'madâ'â na te ãma uzusi mono ré, ma tô danhib'apito simasisizé hã dasiwi sãrĩ ni. Tawamhã nimahã dasimasisizém na te oto we Duréi 're Ihâimana mono hã ãma nhamra. I'uza hã ihâirã uptabi. Duré iséré hã, irã uptabi, pone'ẽrebâ zéré ne hã. Isimasisizé hã duré isimasisizé para hã tô unhama ro'o zoto ne i'manharĩ hã.

Mateu 17:2

Tawamhã tame si'ubumroi ré, ma tô Zezusi hã isõ'a za'ra aimawi tihâiba na hã saprĩ. Ma tô ti'uburã pese, bâtâ ro'o ne. Duré i'uza hã hâ zarob'a uptabi di, bâtâ ro te te 're irowa'a pese mono ne.

Mateu 28:4

Tawamhã ab're 'madâ'â'wa norĩ hã ma tô tipahi za'ra. Pahi uptabi za'ra wa, ma tô duré tirẽrẽ'ẽ za'ra. Tawamhã ti'ai u ma tô tãma ana. Dadâ'â wa, darési ãna 're idanhimi'wara mono ne, ma tô rési ãna daba'wara.

Marcu 16:5

Tawamhã ab're 're, sisisi wamhã, ma tô aibâ hã siwi sõpẽtẽ iprédupté hã, uza hâirã ré isãmra hã. Inomrozé nhimire niwĩ te nhamra. Tahawa, pi'õ norĩ hã ma tãma tipẽ'ẽwara za'ra.

Marcu 9:3

I'uza hã ma tô tihâirã uptabi. Rowa'a za'ẽtẽ ne, ma ai'ubuzi, rã uptabi na. Da'uza hã da te 're hâ upsõi pese za'ra mono nherẽ, hâirã prã ti, Zezusihi uza ma hã.

Zuwã 20:12

Siwẽ'ẽi wa, ma tô aibâ hã 'madâ'â zahuré, 'Re ihâimana u'âsi mono ma romhuri'wa norĩ hã, hâiwa hawi we ine hã. Zazahâ ihâirã ré te aimasisi zahuré, siwanhizari. Zezusihi 'rã nomrozéb ãma te ihâiba amo hã nhamra. Ihâiba amo hã ite nomrozéb ãma te duré nhamra.

Apocalipsi 10:1

Tawamhã wa tô duré 'madâ, hâiwa ãma 'Re ihâimana u'âsi mono ma romhuri'wa aimawi hã isimiwada'uri pire hã. Hâiwa hawi ma we si'ra, hâiwa'a na ubu ré. Tãiwaipore te duré i'rã nhisiwimhã za. Duré i'ubu hã aiwa bâtâ ro'o ne. Duré unhama ro'o nhoto pa ne, iza hã.

Apocalipsi 18:1

Taha pari, wa tô duré 'madâ, hâiwa ãma 'Re ihâimana u'âsi mono ma romhuri'wa aimawi hã. Hâiwa hawi te wei mo, isimiwada'uri pire hã. Ihâiba hã te rowa'a za'ẽtẽ, ti'ai mono bâ.