Mateu 28:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Zezusi hã ma tô 'râwi itẽme timorĩ za'ra oto. Taha wamhã, ma tô tãma nharĩ za'ra, ãne: — Ĩmama hã ma tô ĩma pisutu, isadawa para dama ĩpire na 're ĩhâimana mono da, ti'ai ãma, duré hâiwa ãma zama.

Mateu 28:18 ပူးပေါင်းရင်းမြစ်များ

Salmu 89:19

Duréi uptabi hã, asib'a'uwẽ sena na ai'ãma 're inomro mono ma sõtõ 'rowim ne sõ'awi tãma asihâi'ré za'ra wamhã, ma tô ãne tãma inharĩ za'ra: “Wa hã dasi'wapé 'manharĩ'wai ma, wa tô isiptetezé hã tãma tisõ. Duré pire na dama 're sa mono da hã, wa tô aibâ te ipisutu ma hã tãma tisõ, a'uwẽ wa'wamhã.

Salmu 89:27

Wa za duré ĩ'ra ĩma ipoto'rata ne hã pisutu, ta hã. Duré uburé apito norĩ nhipai u dama sa'ẽtẽ na 're hâimana mono da hã wa za tãma pisutu.

Provébiu 8:15

Ĩnhimiwaihu'u pese zarina danhib'ihâ'a norĩ nhimi'madâ'âzé hã. Wa duré dama i'rãnho'õmo norĩ hã te 're apawapto, roti iwẽ te te dama 're 'manharĩ za'ra mono da ãma.

Mateu 11:27

— Ĩmama ma tô ĩma waihu'u, uburé za 're ihâimana mono zé hã. Ni'wam norĩ hã si'uihâ na te te 're ĩwaihu'u za'ra mono õ di, 're ĩhâimana mono zém na hã. Ĩmama si ma tô ti'ra na ĩwaihu'u pese, 're ĩhâimana mono zém na hã. Duré dasi'uihâ na Ĩmama, da te 're waihu'u za'ra mono õ di za. Ĩwétési wa tô Ĩmama hã waihu'u pese, 're ihâimana mono zém na hã. Te ĩsima 're i'awẽ mono zéb uwaibaba si, wa za ni'wam norĩ ma si te 're awaihu'u, ta norĩ zama Ĩmama hã te te 're waihu'u za'ra mono da, 're ihâimana mono zém na hã.

Mateu 16:28

Tô sena wa aima rowasu'u za'ra wa'wa. A norĩ wa'wa hã ni'wam norĩ si ai'matâ'â aba õ ré, te za i'madâ'â za'ra wa'wa ti'ai ãma Dasiré Ipodo hã, uburé Danhib'apito uptabi na apâ we morĩ wamhã.

Mateu 26:64

Tawamhã Zezusi te asa tãma tinha, ãne: — Tahata ma te tô tane hã ãma iwaihu. Ãne wa za duré aima waihu'u za'ra wa'wa. Ti'a ãma Dasiré Ipodo hã te za asiwi 'madâ'â za'ra wa'wa za, iwaihu'u pese uptabi nhimire niwĩ 're isãmra mono na, dama pire na. Duré hâiwa'a na apâ we morĩ wamhã, te za ãne na i'madâ'â za'ra wa'wa.

Luca 10:22

— Ĩmama ma tô ĩma waihu'u, uburé 're ihâimana mono zé hã. Ni'wam norĩ hã si'uihâ na te te 're ĩwaihu'u za'ra mono õ di, 're ĩhâimana mono zém na hã. Ĩmama si ma tô ti'ra na ĩwaihu'u pese, 're ĩhâimana mono zém na hã. Duré dasi'uihâ na Ĩmama, da te 're waihu'u za'ra mono õ di za. Ĩwétési wa tô Ĩmama hã waihu'u pese, 're ihâimana mono zém na hã. Te ĩsima 're i'awẽ mono zéb uwaibaba si, wa za ni'wam norĩ ma, te 're awaihu'u, ta norĩ zama Ĩmama hã te te waihu'u za'ra da, 're ihâimana mono zém na.

Zuwã 13:3

Zezusi hã ma tô Imama hã pisutu, dama pire da. Uburé marĩ ma, pire da, ma tô pisutu, ti'ai ãma hâiwa ãma zama. 'Re ihâimana u'âsi mono hawi, ma tô wei mo. Apâ te za oto itẽme mo. Ãne ma tô sina waihu'u siro, Zezusi hã.

Zuwã 17:2

A hã ma tô ĩma 're ida'apisutu mo, ĩzazei'wa 're danomro mono da. Wa hã ma tô duré ĩpisu, uburé dama ĩpire uptabi da. E marĩ da. Ĩzazei'wa norĩ ma, te 're apisutu mono da, robzei u'âsi ĩ'ãma 're nomro u'âsi mono da, duré 're dâ'â za'ra mono ãna, ai'rata 're hâimana u'âsi za'ra mono da, hâiwa ãma.

Zuwã 3:31

Hâiwa hawi we imorĩ hã, uburé dama pire uptabi di. Wa norĩ hã ti'ai ãma a'uwẽ wa, marĩ hã ti'ai ãma, wa te 're i'madâ'â za'ra mono si, wa wa te dama 're wasu'u za'ra. Hâiwa hawi we imorĩ si, uburé dama pire uptabi di.

Zuwã 3:35

Ti'ra te te 're sawi pese uptabi, 'Re ihâimana u'âsi mono hã. Tawamhã ma tô pisutu, uburé dama pire uptabi da. Duré uburé marĩ ma pire da, ma tô ti'ra hã pisutu, hâiwa ãma ti'ai ãma zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:36

'Re ihâimana u'âsi mono zadawa wasu'u hã ma tô iwaihu'u za'ra wa'wa. Tizadawa wasu'u hã ma tô wama waihu'u za'ra, wasiré Izaraéu nhihudu norĩ ma. Zezu Cristu hã ma tô watẽme satõrĩ za'ra, te te wama rowasu'u za'ra da, 'Re ihâimana u'âsi mono ãma rowẽ na 're idanomro mono zém na hã. Zezu Cristu hã, uburé Danhib'apito uptabi. Taha wasu'u ma tô iwaihu'u za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:36

Tahawa, wa hã wa aima rowasu'u za'ra wa'wa, waihu'u pese za'ra wa'aba da oto, duré uburé wasiré Izaraéu nhihudu norĩ te te waihu'u pese za'ra da. Zezusi hã da te dasiwi sasõmri da, dama i'ru za'ra wa'wa hã, ta hã 'Re ihâimana u'âsi mono te te ipisudu, uburé Danhib'apito da hã, duré uburé Danho'reptui'wa da hã. Ma'ãpé ãhã wasu'u hã tô sena na waihu'u pese za'ra wa'aba.

Roma 14:9

Cristu hã dâ'â nherẽ, ma tô apâ hâiwa'udu, hâiba ré 're ihâimana za'ra mono norĩ nhib'apito da hã, duré 're idâ'â za'ra mono norĩ nhib'apito da zama. Uburé isazei'wa norĩ nhib'apito da, ma tô hâiwa'udu apâ. Tahawa, wa isib'a'uwẽ 're wahâimana u'âsi za'ra oto, simisutu.

1 Corĩtu 15:27

Duréihã apito Dawi hã ma tô ãne na ãma rob'ui'éré siro, Cristuhu ãma: “Ta hã ma tô 'Re ihâimana u'âsi mono hã pisutu, uburé marĩ hã pire na te te 're ab'madâ'â mono da, siwaprosi.” E tawamhã, pire na dama 're ihâimana mono zéb da, Cristuhu pisutu'wai ma zama, te za pire na tãma 're hâimana, 'Re ihâimana u'âsi mono ma. Mare di. Taha ma zama, te te wasu'u õ di, ãne hã. Tizapari'wai ma si, ma tô pisutu, 'Re ihâimana u'âsi mono hã. Ãhã wasu'u hã wama pibui pese za'ra di oto.

Colosu 2:10

Tane duré a norĩ wa'wa hã, Cristuhu ãma 're anomro aba mono wa, marĩ zô aiwi 're rowaptâ'â za'ra wa'aba mono õ di, rowẽ na ãma 're i'anomro u'âsi aba mono zéb da hã. Cristu hã uburé ihâiba'õ norĩ 'madâ'â'wa norĩ nhipai u, te pire uptabi na õhõ si 're hâimana u'âsi, siwaprosi.

Hebreu 1:2

Tane nherẽ, ti'ra si ma tô oto pisutu, isadawa nhipai u te te oto wama ãma 're irowasu'u za'ra mono zéb da hã, rob'rãsutuzéb u romhutu na za 're iwahâimana za'ra mono norĩ ma. Taha si ma tô Timama zadawa para uburé te te ro'apoto. Taha si ma tô duré pisutu Imama hã, niwapsi uburé roptede'wa na 're hâimana mono da oto.

Hebreu 2:8

Ma tô duré dama ipisu oto, uburé marĩ hã niwapsi da te 're 'madâ'â za'ra mono da, dapire na.” 'Re ihâimana u'âsi mono hã ma tô oto dama pisutu, niwapsi uburé marĩ hã da te 're i'madâ'â za'ra mono zéb da hã, dapire na. Marĩ hã taré 're 'maihâimana mono õ di za, da te 're i'madâ'â za'ra mono õ na hã. Tane nherẽ, zahadu uburé marĩ hã da te 're 'madâ'â za'ra mono õ di, ti'a 're dahâimana za'ra mono ré hã.

1 Pedru 3:22

Cristu hã hâiwa u morĩ wa, te oto pire na Timama nhimire niwĩ 're sãmra, Danho'reptui'wa hã. 'Re ihâimana u'âsi mono ma romhuri'wa norĩ 'madâ'â'wa, te 're hâimana. Uburé hâiwa nho're ãma, pire na duré waihu'u pese na 're ihâimana za'ra mono norĩ ma zama, te pire uptabi na hã tãma 're hâimana za'ra.

Apocalipsi 11:15

Tawamhã 7 ãma hâiwa ãma romhuri'wa hã ma tô tinhimnhihârâzém na amnhihârâ. Simnhihârâ wi, hâiwa ãma damreme 'rãihâ hã wa tô wapa. Ãne te nharĩ za'ra: — Satanasihi nhimi'madâ, 're danomro mono da, ma tô da te dasima 're wẽ za'ra aré, daro mono bâ. Tane nherẽ, ropâ te za oto 'Re ihâimana u'âsi mono nhimi'madâ'â si 're danomro, Wanhib'apito nhimi'madâ hã. Danho'reptui'wa da, te te ipisutu nhimi'madâ'â zama te za 're dahâimana za'ra oto. Wanhib'apito hã te za tô te te 're da'ab'madâ'â u'âsi oto, õne u'âsi.

Apocalipsi 17:14

Te za duré ropoto siwamnarĩ siré siwi 'wapé, Pone'ẽrebâ hã. Tane nherẽ, te za Pone'ẽrebâ hã ãma ai'uté za'ra. Ta hã Pone'ẽrebâ danhipai u Uburé Danhib'apito uptabi na 're hâimana mono wa, duré danhipai u dama pire na 're hâimana mono wa, te za ãma ai'uté za'ra. Ni'wam norĩ hã isirã zarina si 're nomro mono da, Pone'ẽrebâ te te 're i'apisutu mono norĩ hã, duré simi'ẽ na õhõ ãma si 're inomro mono norĩ hã, te za Pone'ẽrebâ siré ãma ai'uté za'ra, ropoto siwamnarĩ norĩ ãma hã.

Apocalipsi 19:16

Tawamhã duré i'uza hâpa na isisi na rob'ui'éré, duré izada'õtõ na zama. Ãne isisi na rob'ui'éré hã, uburé danhipai u Danhib'apito. Duré isisi amo na rob'ui'éré hã, Danhipai u dama ipire.