Mateu 28:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Zezusi hã te te siwi sãmri wamhã, ma tô ãma tiwata za'ra. Tane nherẽ, nima norĩ hã ma tô wawã za'ra, õ hãi õ newa.

Mateu 28:17 ပူးပေါင်းရင်းမြစ်များ

Salmu 2:12

Ãnei õ wamhã, si'aba'ré na asada sahi za'ra wa'aba wamhã, te za ai'utõrĩ 'wa. Ni'wam norĩ hã 'Re ihâimana u'âsi mono, i'wawi 're isimapa za'ra mono zéb zô 're isõpré mono norĩ si, te za to sina hã 're hâimana u'âsi za'ra.

Salmu 45:11

A hã ai'madâ'â zei wa, te za apito hã sima ai'madâ'â ze pese. Ta hã te za 're iwazé wẽ mo, tô asib'apito wa.

Mateu 16:28

Tô sena wa aima rowasu'u za'ra wa'wa. A norĩ wa'wa hã ni'wam norĩ si ai'matâ'â aba õ ré, te za i'madâ'â za'ra wa'wa ti'ai ãma Dasiré Ipodo hã, uburé Danhib'apito uptabi na apâ we morĩ wamhã.

Mateu 28:9

Tawamhã sisamroi ré, ma tô Zezusi hã sõpẽtẽ zahuré, pi'õ norĩ hã. Duré simiza'rese ãna sisamroi ré, ma sõpẽtẽ zahuré. Tawamhã Zezusi hã ma tô sawi zahuré, ãne: — Rowẽ na 're aihâimana aba mono. Tawamhã pi'õ norĩ hã ma tô oto 'râwi itẽme aima'wara zahuré. Tinhib'rata na te te para zawi zahuré sina, ma tô ãma tiwata zahuré, tãma pire zahuré wa.

Marcu 16:11

Tawamhã Zezusi apâ 're imorĩ na, duré itẽme iwisizém na hã te te tãma rowasu'u za'ra wamhã, te te ãma saze za'ra õ di.

Marcu 16:13

Tawamhã apâ te tineb zahuré, Zezusihi siré 're inomro mono norĩ ma, te te rowasu'u zahuré da. Tane nherẽ, te te tãma rowasu'u za'ra nherẽ, te te ãma saze za'ra õ di duré.

Marcu 16:14

Tawamhã Zezusi hã tisiré 're inomro mono norĩ u ma duré wi, sai ma, si'ubumroi ré, 11 na ihâiba za'ra u. Tawamhã timreme ma tô tãma pẽtẽ za'ra, siwi isabui'wa norĩ nhimirowasu'u hã te te saze za'ra õ wa, apâ ihâiwa'utuzém na da te iwasu'u na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:3

Zezusi hã dâ'â nherẽ, hâiwa'utu wamhã, tihâiba na u'âsi te tô nasi tãma sihâi'ré za'ra, tizadawa wasu'u'wa norĩ ma hã. Nasi itẽme isihâi'ré za'ra zém na hã, 40 na ma tô bâdâ hã ãma ne. Tô sena, Zezusi hã hâiba ré za oto apâ 're imorĩ na te te ãma waihu'u za'ra da, te nasi itẽme sihâi'ré za'ra, taré newa, te te nasi ãma siwi wawã tõ da. 'Re ihâimana u'âsi mono, da'ãma 're isib'a'uwẽ mono zém na ma tô duré tãma rowasu'u za'ra.

1 Corĩtu 15:6

Taha parimhã, ma duré tizazei'wa norĩ nho'a sihâi'ré, 500 na ihâiba za'ra norĩ nho'a, aihĩni norĩ siré ta norĩ hã si'ubumroi ré. Ta norĩ hã te zahadu dâ'â ãna 're hâimana za'ra. Ni'wam norĩ si, ma tô tidâ'â za'ra, umro na.