Mateu 28:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Zezusi te tãma nharĩ zahuré, ãne: — Aipahi wa'aba tõ. Mo oto ane wa'aba, ĩsisãnawã norĩ ma, ĩwasu'u wa'aba da, Galiléa u ĩzarina ãma si'aba'ré da. Tamep si te za siwi ĩ'madâ za.

Mateu 28:10 ပူးပေါင်းရင်းမြစ်များ

Mateu 14:27

Ãhã wamhã, awa'awi ma tô Zezusi hã tãma si'mahârâ za'ra, ãne: — Wa hã wa we atẽme ĩmorĩ za'ra wa'wa. Ĩma aipahi za'ra wa'aba õ di za.

Mateu 25:40

— Tawamhã Uburé Danhib'apito hã te za ta norĩ ma ãne tãma rowasu'u za'ra: “Tô sena wa aima rowasu'u za'ra wa'wa. Ĩsisãnawã norĩ hã ti'ab ré ãne na te te 're robzépata za'ra mono wamhã, dama wapu na 're hâimana za'ra mono nherẽ, marĩ iwẽ hã tô õhõ na hã tãma 're 'manharĩ wẽ za'ra wa'aba mono wamhã, ta norĩ hâiba u'âbâ ma tô ĩma 're i'manharĩ wẽ za'ra wa'aba mo.” Ãne na te za ta norĩ ma waihu'u za'ra.

Mateu 25:45

— Tawamhã ta norĩ ma, te za duré ãne rowasu'u za'ra: “Tô sena wa aima rowasu'u za'ra wa'wa. Ti'ab ré, ã norĩ hã dama wapu na 're ihâimana za'ra mono norĩ hã ãne na te te 're robzépata za'ra mono ré hã, marĩ iwẽ na 're pawaptob za'ra wa'aba mono õ di. 'Re pawaptob za'ra wa'aba mono õ wamhã, ta norĩ hâiba u'âbâ, asiwi 're ĩpawaptob za'ra wa'aba mono õ di duré.” Ãne te za ta norĩ ma, tãma waihu'u na wa'rãmi za'ra, isimi'e niwĩ isimasam norĩ ma hã.

Mateu 26:32

Tane nherẽ, asiwi ĩrẽme aba nherẽ, ab're hawi apâ ĩhâiwa'utu parip si, wa za aiwana za'ra wa'aba ĩmorĩ 'wa za, Galiléa u, tamomo ĩnhopẽtẽ za'ra wa'aba da.

Mateu 28:16

Tawamhã Zezusihi siré 're inomro mono norĩ hã ma tô ai'aba'ré Galiléa u, 11 na ihâiba za'ra hã. Ẽtẽ 'rãihâ u te ai'aba'ré, Zezusi te te tãma ipisutu za'ra zéb u.

Mateu 28:5

Tawamhã hâiwa ãma romhuri'wa hã ma tô tãma nharĩ zahuré, pi'õ norĩ ma, ãne: — Ĩma aipahi wa'aba tõ. Zezusi hã da te dasiwi wĩrĩ wa, wedepo'o nhonhi'rãmi na da te dasiwi isasõmri zô robzabui wa'aba da, te we ane wa'wa. Wa hã wa tô aiwaihu'u 'wa, we sô irobzabui wa'aba mono na hã.

Mateu 28:7

Taha parip si, te za sa'ẽtẽ ane wa'wa za, isiré 're inomro mono norĩ ma, wasu'u wa'aba da. Ãne te za tãma iwasu'u za'ra wa'wa za: “Ma tô hâiwa'udu. Galiléa u ma tô duré asõwab za'ra wa'aba hã mo. Tamep si te za asiwi i'madâ'â 'wa za.” Ãne na ĩmreme na hã ãma aipo're simrami aba tõ za. Tô'ã!

Mateu 28:9

Tawamhã sisamroi ré, ma tô Zezusi hã sõpẽtẽ zahuré, pi'õ norĩ hã. Duré simiza'rese ãna sisamroi ré, ma sõpẽtẽ zahuré. Tawamhã Zezusi hã ma tô sawi zahuré, ãne: — Rowẽ na 're aihâimana aba mono. Tawamhã pi'õ norĩ hã ma tô oto 'râwi itẽme aima'wara zahuré. Tinhib'rata na te te para zawi zahuré sina, ma tô ãma tiwata zahuré, tãma pire zahuré wa.

Marcu 16:7

Tahawa, te za oto apâ ai'aba'réi wa'wa, Pedru norĩ ma tãma rowasu'u za'ra wa'aba da, ãne: “Zezusi hã aiwana te za, u, timorĩ 'wa, Galiléa u. Tame te za, u, isõpẽtẽ za'ra wa'wa, aima isiwaihu'u za'ra wa'aba zéb zarina.”

Zuwã 20:17

Tawamhã Zezusi te tãma tinha, ãne: — Ĩtété õ di za. Zahadu apâ ĩmorĩ õ di, Ĩmama u hã. Mo oto aimorĩ, ĩsisãnawã norĩ u tãma ĩzadawa wasu'u za'ra da. Ĩmama u, wa za oto mo apâ hâiwa u, Aimama aba u. Ĩnhib'apito u, wa za oto mo, Asib'apito za'ra wa'aba u. Ãne tãma ĩzadawa wasu'u za'ra na za.

Zuwã 6:20

Ãhã wa, Zezusi ma tô tãma si'mahârâ za'ra, ãne: — Wa hã wa we atẽme ĩmorĩ 'wa. Ĩma aipahi za'ra wa'aba tõ.

Roma 8:29

Duréihã marĩ õ ré hã, 'Re ihâimana u'âsi mono te te sima ãma irotizéb zarina, te te sima 're iwa'apisutu mono norĩ hã, i'ra ne, tô Zezusihi ne, oto 're wahâimana za'ra mono da, ma tô duré te te 're wa'apisutu siro. Ta hã uburé isazei'wa norĩ dub'rada, 're hâimana mono da, ma tô ãne te te 're wa'apisutu siro, sima.

Zuize 10:16

Tahawa Izaraéu nhihudu norĩ, tisiré a'uwẽ'õ norĩ te ihâiba'õ norĩ hã ma tô oto siwi sãmra, Uburé Danhib'apito ãma si oto 're wata za'ra mono da. Tahawa ma tô oto duré itõmo na ãma aiwamri pese za'ra, ropire tãma 're ihâimana za'ra mono zém na.