Mateu 27:66 - ꞌRe Ihâimana Uꞌâsi Mono Zadawa Wasuꞌu

⁶⁶ Tawamhã ab're u te oto ai'aba'ré, da'wapéi'wa norĩ siré. Tawamhã ẽtẽ tõmo zapodo hã, ab're nhitobzé hã marĩ na ma tô siwi upto, sitop tete na iré sab da, da te dasiwi sa'ré tõ da. Da'wapéi'wa norĩ ma, ma tô duré roti za'ra, ab're nhitobzéb 'rata simasab da, te te siwi 'madâ'â u'âsi za'ra da, sõtõ za'ra ãna.

Mateu 27:66 ပူးပေါင်းရင်းမြစ်များ

Daniéu 6:17

Tawamhã ẽtẽ tõmo wawẽ na ma tô ab're zadawa hã iré siwi sito. Taha pari, ma tô apito hã tinhiptõmohi tétézém na, duré dama ipire norĩ nhiptõmohi wasisi za'ra zém na zama ãma tob'rata to, Daniéu ma, iromhâimanazém na hã ni'wa te te ãma saprĩ tõ da.

Mateu 27:60

Te te hâiba ubu pari, ma oto tite ab're siromo wa tisẽ Zuzé hã, sa'a zahâpâ da te aré tãma i'ab're siromo wa. Taha pari ma tô ẽtẽ tõmo zapodo hã te te pizari, ab're te te ãma iré sitob da. Tawamhã te te iré sito pari, ma tô oto mo, õne haré.

Mateu 27:65

Tawamhã Pilatu te asa tãma nharĩ za'ra, ãne: — Tane tô. Da'wapéi'wa norĩ hã wa za tô pisutu za'ra, asiré si'aba'réi wa'aba da, ab're u. Mo oto itẽme ai'aba'réi wa'aba pé, da'wapéi'wa norĩ ma, 'ru za'ra wa'aba da, ab're nhitobzé hã te te siwi 'madâ'â pese za'ra da, dawi.

Mateu 28:11

Tawamhã Maria Madaréna norĩ hã zahadu neb zahuré ré, ma tô ab're 'madâ'â'wa norĩ ni'wam norĩ hã ai'aba'ré, Zeruzalẽ u. Zahadu te duré taha wamhã ni'wam norĩ hã asimro, ab're 'rata. Tawamhã Zeruzalẽ u isi'aba'ré norĩ hã, sasedoti ipire norĩ ma, ma tô rowasu'u za'ra, uburé iromhâimana mono zém na hã.

Mateu 28:2

Tawamhã simiza'rese õ ré, ma tô ti'a hã iré 're tiwara zahuré, hâiwa hawi Wanhib'apito ma romhuri'wa hã itẽme wisi zahuré wamhã. Tawamhã hâiwa ãma romhuri'wa hã ma tô ab're nhitobzé hã sa'ré, ẽtẽ tõmo wawẽ hã. Te te sa'réi wamhã, ma tô duré isisiwi nhamra.

Marcu 16:4

Ab're nhitobzé hã ẽne hã tõmo wawẽ uptabi wa, ma ãne sima waihu'u za'ra. Tane nherẽ, sihutu wamhã, ẽne da te isa'ré na ma tô 'madâ'â za'ra.

Zuwã 20:1

Tawamhã pi'õ Maria Madaréna te robza'rã ré dumigu na ab're u hã mo. Tawamhã ab're u morĩ wamhã, ab're nhitobzé ẽne hã, baba di. Ni'wa ma tô iwana isiti hã sa'ré.

2 Timotiu 2:19

Tane nherẽ, ẽtẽ 'manharĩ na 'ri na'rada hã, siptete na 're ihâimana mono ne, te za 'Re ihâimana u'âsi mono nhimiroti hã pire na 're hâimana u'âsi. Ãne isimiroti na rob'ui'éré hã: “Wanhib'apito hã te za tinhib'a'uwẽ norĩ hã tite na te te 're awaihu'u.” Ãne duré ãma irob'ui'éré hâiba amo hã: “Ni'wam norĩ hã Wanhib'apito nhib'a'uwẽ na dama 're siwasu'u za'ra mono wamhã, te za tiwasédé hã rẽme pese za'ra, 're nomro wẽ mono da oto.” Ãne isimiroti na rob'ui'éré hã.

Zozué 10:18

Tawamhã Zozué te ãne dama tinha: — Nima norĩ ẽtẽ tõmo wawẽ hã ma'ãpé pizari za'ra wa'aba mono, ẽtẽ na ab're dawa u. Duré i'mairob'madâ'â za'ra wa'aba da hã niha asi'manhimizusi aba.

Apocalipsi 20:3

Taha da, ma tô oto time, ab're 'rehâ u. Taha wamhã, ma tô duré oto iré sito. Ma tô duré iré upto, miu na wahub u daro mono bâ sadawa nhipese na te te 're da'a'rãmi tõ mono da. miu na wahub 'rãsutu parip si, te za 'Re ihâimana u'âsi mono zadawa para tãma wasihu ni, suru na a'â 're morĩ da, te te sima iwẽzéb zarina.