Tawamhã bâdâ ma tô iwa waptãrã, i'u'ẽtẽ duptoi'õ, da te 're ihuri mono zé hã, Pascowa na dato nhisi hã. Taha ré, ma tô Zezusihi siré 're inomro mono norĩ hã sina tété za'ra, te te siwi sadanharĩ da, ãne: — E momo ma tô asima irowẽ, asô iwanhipi za'ra zéb da hã, Pascowa na dato nhisi na iwasaihurizéb da hã.
Mateu 27:62 - ꞌRe Ihâimana Uꞌâsi Mono Zadawa Wasuꞌu62 Tawamhã oto ãma awẽ wamhã, sasedoti ipire norĩ hã, duré farizeu norĩ hã ma tô Pilatuhu nhorõwa u si'rã'õtõ, sabadu na romhuri zahârizém na. အခန်းကိုကြည့်ပါ။ |
Mateu 27:62
9 ပူးပေါင်းရင်းမြစ်များ
Sabadu u bâdâ 're ine mono u, te zudeu norĩ hã te te sima 're ropese za'ra, sabadu na hã te te 're romhuri za'ra mono õ na dâ'âsina. Tawamhã sabadu u oto hâiwahâ wa, romhuri 'rãsutuzéb ãma te Zuzé hã Pilatuhu u mo. Arimatéa ãma te aré 're hâimana, Zuzé hã. Zudeu norĩ ma roti'wa ipire, ta hã. Tahawa, te nasi si'rã'õtõ, siré dama roti'wa ipire za'ra norĩ me. Zuzé hã, 'Re ihâimana u'âsi mono da'ãma 're isib'a'uwẽ mono zéb zô, te 're simipari u'âsi. Tawamhã romhuri zahârizéb u, romhuture wa, ma tô sada aptete Zuzé hã, Pilatuhu u morĩ da, Zezusihi hâiba hã te te tiwi waptẽrẽ da, ab're siromo 're, te te sẽrẽ da.
Tawamhã dama ipire norĩ hã te Pilatuhu u ai'aba'ré, isõrõwa u. Itẽme sihutu wamhã, te ãma sadanharĩ za'ra, wedepo'o nhonhi'rãmi na isimnhana hã te te dama 'ru za'ra da, da te dasiwi hi'ẽ za'ra da. E marĩ da. Dâ'â su'u za'ra da, wedepo'o nhonhi'rãmi hawi da te dasiwi wamirĩ hâ. Ãne te ãma sadanharĩ za'ra. E marĩ wa. Romhuri zahârizém na simnhatã u'âsi wamhã, dama wẽ prã ti. Hâiwahâ pesere si te za bâdâ hã iwa waptãrã, romhuri zahârizé hã. Tawamhã romhuri zahârizéb u simnhatã ré, ãma hâiwahâ pese tõ za'ra da, te ãne ãma sadanharĩ za'ra, bâdâ hã dama pire uptabi wa, romhuri zahârizé hã.
ကြော်ငြာတွေ