Mateu 27:60 - ꞌRe Ihâimana Uꞌâsi Mono Zadawa Wasuꞌu

⁶⁰ Te te hâiba ubu pari, ma oto tite ab're siromo wa tisẽ Zuzé hã, sa'a zahâpâ da te aré tãma i'ab're siromo wa. Taha pari ma tô ẽtẽ tõmo zapodo hã te te pizari, ab're te te ãma iré sitob da. Tawamhã te te iré sito pari, ma tô oto mo, õne haré.

Mateu 27:60 ပူးပေါင်းရင်းမြစ်များ

Zenezi 50:5

“Ĩmama hã tidâ'âzéb u ma tô ĩwi waptẽ, te tãma ropisutu da, ti'ai wa'õtõ nho'u Cana'ã ãma ti'a te te sima i'maipisutu ãma, te sẽrẽ da. Tahawa, a'â ĩma rowairébé, ĩmama ãma te ti'a da ĩmorĩ da. Taha parip si wa za we apâ ĩsina siri.”

Mateu 27:59

Tawamhã Zuzé hã Zezusihi hâiba, ma tô ti'â. Taha pari ma tô ubu, zazahâ ihâirã na.

Mateu 27:66

Tawamhã ab're u te oto ai'aba'ré, da'wapéi'wa norĩ siré. Tawamhã ẽtẽ tõmo zapodo hã, ab're nhitobzé hã marĩ na ma tô siwi upto, sitop tete na iré sab da, da te dasiwi sa'ré tõ da. Da'wapéi'wa norĩ ma, ma tô duré roti za'ra, ab're nhitobzéb 'rata simasab da, te te siwi 'madâ'â u'âsi za'ra da, sõtõ za'ra ãna.

Mateu 28:2

Tawamhã simiza'rese õ ré, ma tô ti'a hã iré 're tiwara zahuré, hâiwa hawi Wanhib'apito ma romhuri'wa hã itẽme wisi zahuré wamhã. Tawamhã hâiwa ãma romhuri'wa hã ma tô ab're nhitobzé hã sa'ré, ẽtẽ tõmo wawẽ hã. Te te sa'réi wamhã, ma tô duré isisiwi nhamra.

Luca 24:2

Ab're u sihutu wamhã, ẽne ma tô 'madâ'â za'ra, ab're nhitobzé hã. Ni'wa hã ma tô ab're nhiti sa'ré. Tahawa te 'ridawa sitob õ na 'ridawa haré oto za.

Zuwã 11:38

Tawamhã Zezusi hã ma tô apâ ipẽ'ẽzé uptabi hã iwab ãzé. Tahawa te mo, ab're u, sa'a zahâpâ ab're ihâimana u. Tawamhã ab're u wisi wamhã, da te dasiwi ãma sitom haré, te ẽne hã za, itõmo za'ẽne hã.

Zuwã 11:41

Tawamhã isitobzé ma tô dasiwi sa'ré ni. Ãhã wamhã, te hâimo oto rob'madâ, Timama ma mreme da, Zezusi hã. Ãne te tawamhã tãma tinha: — Ĩmama, da'ãma aima 're ĩmreme mono wamhã, ĩmreme te ĩma ãma 're i'a'uwaimrami u'âsi mo. Ãhã na te za duré ĩmreme hã iwapa. Ãne wa, ĩma rowẽ di. Tahawa, wa duré danho'a, ãne aima rowasu'u, aima ĩmreme ré, da te ĩwapari za'ra da. E marĩ da. Aibâ ãma aima ĩmremezé hã ãma ĩma uwaimrami wamhã, a hã we ĩzatõrĩ'wa na dama 're ĩsiwasu'u mono zém na, da te 're ĩzaze za'ra mono da.

Zuwã 19:41

Zezusihi za'ozéb ãma te wede hã 're simasa, rob'rere wede hã. Tame sa'a zahâpâ, te ab're hã 're sa'wari, ab're siro hã, i'ubuni hã, ni'wa iwa da te isẽrẽ õ hã.

Zuwã 20:1

Tawamhã pi'õ Maria Madaréna te robza'rã ré dumigu na ab're u hã mo. Tawamhã ab're u morĩ wamhã, ab're nhitobzé ẽne hã, baba di. Ni'wa ma tô iwana isiti hã sa'ré.