Mateu 27:51 - ꞌRe Ihâimana Uꞌâsi Mono Zadawa Wasuꞌu

⁵¹ Dâ'â wi, zazahâ ihâpa hã 'ri 're wa'wa nhitobzé hã ma uihâ na hâihaipo'o aiwa, hâimo hawi pi'reba, 'Re ihâimana u'âsi mono nhorõwa ãma hã. Ti'a hã te duré sãsã'ã. Sãsã'ã wamhã, ẽtẽ tõmo wawẽ hã ti'a 're isimi'wara mono zama ma tõmo sipo'o.

Mateu 27:51 ပူးပေါင်းရင်းမြစ်များ

Ezodu 40:21

Taha parimhã, wedehâ're 'manharĩ hã ma tô oto duré 'ri para u hã tisẽ. Duré Uburé Danhib'apito te te iwaihu'uzéb zarina ma tô zazahâ hâi wawẽ waré hã i'wawimhã sasõ, 'Re ihâimana u'âsi mono nhimiroti te, wedehâ're, da te 're 'madâ'â zahu za'ra mono tõ da oto.

Mateu 27:54

Tawamhã Zezusi te te dawi i'madâ'â za'ra norĩ hã da'wapéi'wa norĩ hã, duré da'wapéi'wa norĩ wada'uri'wai me, ti'a isãsã iwatobro hã te te 'madâ'â za'ra wamhã, duré uburé ropipa iwairébé mono te te 'madâ'â za'ra wamhã, ma tô tipẽ'ẽwara pese za'ra. Tawamhã ãne te sima nharĩ za'ra: — Nare õ hã, tô sena 'Re ihâimana u'âsi mono 'ra.

Mateu 28:2

Tawamhã simiza'rese õ ré, ma tô ti'a hã iré 're tiwara zahuré, hâiwa hawi Wanhib'apito ma romhuri'wa hã itẽme wisi zahuré wamhã. Tawamhã hâiwa ãma romhuri'wa hã ma tô ab're nhitobzé hã sa'ré, ẽtẽ tõmo wawẽ hã. Te te sa'réi wamhã, ma tô duré isisiwi nhamra.

Marcu 15:38

Zezusi hã dâ'â wi, zazahâ ihâpa hã 'ri 're wa'wa nhitobzé hã ma uihâ na hâihaipo'o aiwa, hâimo hawi pi'reba, 'Re ihâimana u'âsi mono nhorõwa ãma hã.

Luca 23:45

Bâdâ sipra wi, ma tô zazahâ hã hâihaipo'o, 'ri 're wa'wa nhitobzé hã, 'Re ihâimana u'âsi mono nhorõwa ãma hã.

Luca 23:47

Tawamhã aibâ hã ma tô tinhowẽ, da'wapéi'wa norĩ wada'uri'wa hã, romanu hã. Sõwẽ wamhã, te ãma tiwata, 'Re ihâimana u'âsi mono ãma. Ãne te tinha: — Nare õ hã, aibâ 're imorĩ wẽ tô.

Hebreu 6:19

Uba're tétézé hã âi ba da te mei wamhã, te za tété uba're hã, wara tõ da. Tane duré, iwẽ uptabi zô wasina 're iwanhimipari u'âsi za'ra mono hã. Taha zô si wasina 're wanhimipari za'ra mono wamhã, wanhiptete u'âsi wa za ãma 're wanomro, wapẽ'ẽ na wa te ãma 're wawã za'ra mono ãna. Zezusi hã wa te wasina 're i'umnhasi za'ra mono hã sô 're iwanhimipari za'ra mono hã ma tô ãzé 'ri para u, 'Re ihâimana u'âsi mono nhorõwa u, hâiwa ãma hã. Zazahâ ihâpa na 'ri 're wa'wa nhitobzé wa'wai baba ma tô ãzé, 'ri 're wa'wa iwẽ uptabi u, 'Re ihâimana u'âsi mono, dazô 're isãmra mono zéb u hã.

Hebreu 9:3

Duré zazahâ ihâpa na 'ri 're wa'wa nhitobzé babarã niwĩ, 're ihâimana mono hã maparane ãma 'ri 're wa'wa hâiba amo nhisi hã, 'Re ihâimana u'âsi mono te, danhipai u iwẽ uptabi hã, iwa 're isãmra mono zém na taha nhisi hã.

Apocalipsi 11:13

Tawamhã zasi zahuré wi, awa'awi te za sa'ẽtẽ uptabi ti'a sãsã hã watobro. Watobro wamhã, 'ri hã nima norĩ hã te za sina, Zeruzalẽ ãma, 'ri nho'õmo 'remhã 're isimasa mono hã. 10 na 'ri 'maihâimana wamhã, te za misi si dawi rere'e. Te za duré 7 miu na tadâ'â za'ra ni, ti'a sãsã'ã na hã. Tawamhã dadâ'â ãna idasi'atarẽme mono hã te za tapahi uptabi za'ra ni. 'Re ihâimana u'âsi mono ãma te za tawata za'ra ni, hâiwa ãma 're isãmra mono ãma, simi'manharĩ waihu'u pese uptabi wa.

Apocalipsi 11:19

Tawamhã hâiwa ãma 'Re ihâimana u'âsi mono nhorõwa 'ri ãma hã, ma tô ni'wa hã 'ridawa hã 'ridawa. Te te 'ridawa wamhã, te oto wedehâ're hã sõ'awi 'ri para za. Wedehâ're 're, te ẽtẽpo i'ui'éré ré hã da'wa, duréihã 'Re ihâimana u'âsi mono te te tinhib'a'uwẽ ma iropisutuzéb ui'éré ré hã. Tawamhã ma tô tãiwapsa hã watobro, tãirãrã'ã zama, tãsi'ubuzi zama. Ti'a hã ma tô duré sãsã'ã. Tãzâ hã ma duré asa'wa, ipire hã.