Mateu 27:43 - ꞌRe Ihâimana Uꞌâsi Mono Zadawa Wasuꞌu

⁴³ Õ hã ma tô 'Re ihâimana u'âsi mono hã te te sina 're umnhasi, isiré 'râwi 're imorĩ u'âsi na. Ma tô duré dama 're siwasu'u, 'Re ihâimana u'âsi mono 'ra na. Ma'ãpé ãhã na 'Re ihâimana u'âsi mono te te sõ'reptu oto, wanho'a.

Mateu 27:43 ပူးပေါင်းရင်းမြစ်များ

Salmu 14:6

Ĩsibrob'õ norĩ te te sima 're irowa'õtõ za'ra mono zé hã te za iwasété norĩ hã te te tiwi 're 'wa'rutu za'ra, te te ãma sima 're uwaimrami za'ra mono tõ da. Tane nherẽ, te Uburé Danhib'apito i'wawib za'ra 're isimapa mono 'wa na hã 're hâimana.

Salmu 22:8

Te duré te te ĩma 're nharĩ za'ra ãne: “A hã, ma tô Uburé Danhib'apito hã asina 're i'umnhasi mo. Ma'ãpé ta hã te te asõ'reptu. Taha ma, sena na asawi di pâ, pé te te asõ'reptu.”

Mateu 27:40

Ãma dawa'ẽ sina, te duré nasi ãne tãma nharĩ za'ra ni: — Oro a hã asima roti za, 'ri hã sãmra da, 'Re ihâimana u'âsi mono nhorõwa hã, duré apâ 'ri da, si'ubdatõ bâdâ hã ai'ãma si'utõrĩ õ ré. A hã tô sena 'Re ihâimana u'âsi mono 'ra wamhã, ma'ãpé asisõ'reptu na. Duré ma'ãpé wedepo'o nhonhi'rãmi hawi we si'ra na, atâ'â tõ da.

Mateu 27:54

Tawamhã Zezusi te te dawi i'madâ'â za'ra norĩ hã da'wapéi'wa norĩ hã, duré da'wapéi'wa norĩ wada'uri'wai me, ti'a isãsã iwatobro hã te te 'madâ'â za'ra wamhã, duré uburé ropipa iwairébé mono te te 'madâ'â za'ra wamhã, ma tô tipẽ'ẽwara pese za'ra. Tawamhã ãne te sima nharĩ za'ra: — Nare õ hã, tô sena 'Re ihâimana u'âsi mono 'ra.

Luca 23:35

Zezusi norĩ hã simnhatã ré, te zudeu norĩ hã i'rata asimro, te te 'madâ'â za'ra da. Tahawa, te roti'wa norĩ hã sima nharĩ za'ra, ãne: — Ma tô te te 're da'anho'reptu aré. Tô sena Danho'reptui'wa da, 'Re ihâimana u'âsi mono te te pisutu wamhã, ma'ãpé sisõ'reptu.

Luca 23:37

Ãne te tãma nharĩ za'ra: — A hã zudeu norĩ nhib'apito wamhã, ma'ãpé asisõ'reptu na.

Zuwã 10:30

Wa norĩ hã aiwa wawaihu'u pese di, Ĩmama me.

Zuwã 19:7

Tahawa, te asa tãma nharĩ za'ra, dama ipire norĩ hã, ãne: — Ti'ai ãma poto nherẽ, ma tô dama 're siwasu'u, 'Re ihâimana u'âsi mono 'ra na. Mreme wẽ'õre di. Wahi'rata norĩ hã ma tô dama roti za'ra, ãne ni'wa, 're siwasu'u mono wamhã, wa te wasiwi wĩrĩ da.