Mateu 27:42 - ꞌRe Ihâimana Uꞌâsi Mono Zadawa Wasuꞌu

⁴² — Oro õ hã Izaraéu nhihudu norĩ nhib'apito za. E niha hã bété, tinhimiromhõsi na te te 're da'anho'reptui mono nherẽ, 'râwi sisõ'reptu waihu'u õ di bété oto. Ãhã na wedepo'o nhonhi'rãmi hawimhã, we pé te te si'ra, wa te wasina 're i'umnhasi za'ra mono zéb da hã wa te ãma waihu'u za'ra da.

Mateu 27:42 ပူးပေါင်းရင်းမြစ်များ

Mateu 2:2

Tawamhã ta norĩ hã te sô anharĩ za'ra, ãne Zezusihi zô hã: — E mahãta 'watébrémi, zudeu norĩ nhib'apito da, ipodo hã. Wasi, wa norĩ hã wa tô 'madâ'â za'ra ni, bâtâ pusizém niwĩmhã, zudeu norĩ nhib'apito da, ipotozé te te iwasu'u hã. Tahawa, wa tô we ai'aba'ré ni, ãma wawata za'ra da.

Mateu 27:37

Tawamhã Zezusihi 'rã nho'õmoi baba ma tô siwi sasõ, wedepo'o na rob'ui'éré hã, iwasédé hã da te ãma ihirizéb ui'éré ré hã. Ãne ãma irob'ui'éré hã: “Ã hã Zezusi, zudeu norĩ nhib'apito.”

Mateu 27:40

Ãma dawa'ẽ sina, te duré nasi ãne tãma nharĩ za'ra ni: — Oro a hã asima roti za, 'ri hã sãmra da, 'Re ihâimana u'âsi mono nhorõwa hã, duré apâ 'ri da, si'ubdatõ bâdâ hã ai'ãma si'utõrĩ õ ré. A hã tô sena 'Re ihâimana u'âsi mono 'ra wamhã, ma'ãpé asisõ'reptu na. Duré ma'ãpé wedepo'o nhonhi'rãmi hawi we si'ra na, atâ'â tõ da.

Mateu 27:41

Sasedoti ipire norĩ zama te duré nasi ãma tiwa'ẽ za'ra, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã, duré dama roti'wa norĩ zama hã te nasi ãma tiwa'ẽ za'ra. Ãne te nasi ta norĩ hã ãma tiwa'ẽ za'ra:

Marcu 15:31

Duré sasedoti ipire norĩ hã te nasi ãma wa'ẽ sina, ãne sima nharĩ za'ra ãma, rowahutu'wa norĩ me: — Oro te te 're da'anho'reptui mono za, 'râwi sisõ'reptui õ di bété.

Marcu 15:32

Ma'ãpé, ãne ré, wedepo'o nhonhi'rãmi hawi we te te si'ra wanho'a, Danho'reptui'wa Izaraéu nhihudu norĩ nhib'apito hã wa te wasina ãma 're i'umnhasi za'ra mono zéb da hã. Tawamhã isiré isa'o zahuré zama, te nasi tãma nharĩ wasété zahuré, Zezusihi ma.

Luca 23:35

Zezusi norĩ hã simnhatã ré, te zudeu norĩ hã i'rata asimro, te te 'madâ'â za'ra da. Tahawa, te roti'wa norĩ hã sima nharĩ za'ra, ãne: — Ma tô te te 're da'anho'reptu aré. Tô sena Danho'reptui'wa da, 'Re ihâimana u'âsi mono te te pisutu wamhã, ma'ãpé sisõ'reptu.

Luca 23:37

Ãne te tãma nharĩ za'ra: — A hã zudeu norĩ nhib'apito wamhã, ma'ãpé asisõ'reptu na.

Zuwã 1:49

Tawamhã Natãnaéu asa te duré tãma tinha, ãne: — Rowahutu'wa, a hã 'Re ihâimana u'âsi mono 'ra. A hã uburé Izaraéu nhihudu norĩ nhib'apito.

Zuwã 12:47

Ãté ni'wam norĩ hã te za taré ĩmreme hã te te 're wapari za'ra. E tawamhã wa za ta norĩ hã awa'awi te 're ahâ za'ra. Mare di. Awa'awi te 're dahâ za'ra mono da, we ĩmorĩ õ di. Te 're da'anho'reptui mono da si, wa wei mo.

Zuwã 9:24

Tawamhã farizeu norĩ hã te sô tihârâ za'ra, te te ito pese zô, apâ itẽme sébré za'ra da. Itẽme sébré za'ra wamhã, te tãma nharĩ za'ra, ãne: — Zezusi hã 're morĩ wasété di. Ãne wama waihu'u pese za'ra di, wa norĩ hã. Ma'ãpé 'Re ihâimana u'âsi mono ãma si aiwata, taha si te te ato pese wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:14

Aibâ ihi'ré hã, Pedru norĩ te te ipese zahuré hã te isiré tizab zahuré, danho're. Tahawa, dama ipire za'ra norĩ hã asa te te tãma nharĩ waihu'u za'ra õ di oto.