Mateu 27:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã ãne ma tô tãma siwaihu'u za'ra: — Ĩwasédé hã wa tô 'manha, ãhã na hã. Marĩ hã te te 'manharĩ wasété õ nherẽ, wa tô aima hâiba nhomri za'ra wa'wa, asiwi wĩrĩ aba da. Tawamhã asa te tãma nharĩ za'ra, ãne: — E marĩ, wa te wasiwi ãma 'manharĩ da bâ. E wate za'ra bâ oto. Ta hã ate hã. Asiwaprosi ma aiwasédé hã ãma i'manha.

Mateu 27:4 ပူးပေါင်းရင်းမြစ်များ

Salmu 94:21

Sena na 're ihâimana za'ra mono norĩ zada, te ta norĩ hã tinhimirowa'õno te te sima 're 'manharĩ za'ra. Te duré iharé na si 're ihâimana za'ra mono norĩ ma, te te tãma 're rowairébé za'ra, 're dâ'â za'ra mono da hã, ibâi õ nherẽ.

Ezodu 12:31

Tawamhã tô ta bara na te apito Fara'o hã Mozési norĩ zô tihârâ zahuré, Arãhã me. Tawamhã te oto tãma rob'ru zahuré, sa'ẽtẽ ãne: — Ã hawi mo oto aiwairébé aba, uburé a norĩ wa'wa hã Izaraéu nhihudu norĩ me! Ĩte ti'ai wa'õtõ nho'u te za oto asiwi ĩré irẽme 'wa. A'ubuni u te za oto ai'aba'réi wa'wa, nasi ĩwi iwaptẽrẽ aba zéb zarina Uburé Danhib'apito uptabi ãma aiwata za'ra wa'aba da hã.

Ezodu 9:27

Tawamhã apito, Mozési norĩ zô, Arãhã me itẽme neb zahuré da, te te da'mazatõrĩ wa, oto itẽme neb zahuré wamhã, te ãne tãma siwasu'u zahuré: — Ãhã na wa hã wa tô ĩwasédé hã 'manha. Uburé Danhib'apito si te i'uwaibaba na 're hâimana. Tahawa wa norĩ hã ĩnhib'a'uwẽ norĩ me hã, marĩ na i'upai'wa na hã wa tô wahâimana za'ra ni.

Provébiu 12:8

I'rãi waihu'u wẽ norĩ hã te da te dasima 're wasu'u wẽ za'ra. Tane nherẽ, ipẽ'ẽ 'remhã wasété na 're ihâimana za'ra mono norĩ hã te za dama wazéb ãna 're hâimana za'ra.

Zona 1:14

Tahawa, te oto mreme zu, mreme 'rãihâ na ãne: — Uburé Danhib'apito, wahâ za'ra tõ, wasi'utõrĩ da hã, ãhã aibâ hâimanazé, wa te wasiwi i'uprosizém na hã. A hã Uburé Danhib'apito te ãne hã i'manha. Duré marĩ iwatobro hã asima iwẽzéb zarina hã.

Mateu 27:19

Tawamhã Pilatu hã te te 're ida'awaihu'u mono zéb da, roti ma, 're isimasisi mono zéb ãma sãmra ré, ma tô imro hã timreme hã tãma tisõ. Ãne ma te ihâiba na hã tãma waihu'u: — Ma'ãpé ãma rosazâri, aibâ ãma. Ta hã tiha te te 're ab'manharĩ mono õ di. Bara na hã ĩnhotõ 'rowi te isawẽrẽzém na hã wa tô ãma robzépata za'ẽtẽ, taha na hã. Ãma ĩpẽ'ẽzé uptabi di. Tahawa, te za ãma irosazâ.

Mateu 27:54

Tawamhã Zezusi te te dawi i'madâ'â za'ra norĩ hã da'wapéi'wa norĩ hã, duré da'wapéi'wa norĩ wada'uri'wai me, ti'a isãsã iwatobro hã te te 'madâ'â za'ra wamhã, duré uburé ropipa iwairébé mono te te 'madâ'â za'ra wamhã, ma tô tipẽ'ẽwara pese za'ra. Tawamhã ãne te sima nharĩ za'ra: — Nare õ hã, tô sena 'Re ihâimana u'âsi mono 'ra.

Luca 23:22

Tawamhã te Pilatu hã duré dama tinha, ãne: — E marĩ te te 're ab'manharĩ wasété mono bâ. Iwasété zô, te sadanharĩ wamhã, marĩ hã ãma hâimana õ di. E niha wa za bété taré dama ti'ru, da te dasiwi wĩrĩ da. Mare di. Taré wa za ti'ru, da te dasiwi 're pré'é mono da. Taha parip si, te za mo, ĩzadawa para. — Si'ubdatõ oto imreme hã ihâiba na hã.

Luca 23:41

Wa norĩ hã wawasété wa, ma tô wama rob'manharĩ ni. Tazahã, ã hã marĩ hã te te dama 'manharĩ wasété õ di.

Luca 23:47

Tawamhã aibâ hã ma tô tinhowẽ, da'wapéi'wa norĩ wada'uri'wa hã, romanu hã. Sõwẽ wamhã, te ãma tiwata, 'Re ihâimana u'âsi mono ãma. Ãne te tinha: — Nare õ hã, aibâ 're imorĩ wẽ tô.

Zuwã 19:7

Tahawa, te asa tãma nharĩ za'ra, dama ipire norĩ hã, ãne: — Ti'ai ãma poto nherẽ, ma tô dama 're siwasu'u, 'Re ihâimana u'âsi mono 'ra na. Mreme wẽ'õre di. Wahi'rata norĩ hã ma tô dama roti za'ra, ãne ni'wa, 're siwasu'u mono wamhã, wa te wasiwi wĩrĩ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:28

Zezusi hã marĩ iwasédé hã te te 'manharĩ õ nherẽ, ma tô õ norĩ hã siwi waptẽ, Pilatuhu wi, da'wapéi'wa norĩ hã te te siwi wĩrĩ da, wasété ré ne.

Roma 3:19

Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.

1 Timotiu 4:2

Wa'uburé nhimiroti hã te za te te datẽme 're ropé, aibâ norĩ zadawa hawi. Aibâ norĩ hã roti tô sena na te te dama 're rowasu'u za'ra mono newa, te sadawa nhipese na te te dama 're rowasu'u za'ra. Tane nherẽ, ta norĩ hã 'râwi 're siwaihu'u za'ra mono õ di, tizadawa nhipese na hã.

Titu 1:16

Ta norĩ hã te 're siwasu'u za'ra, 'Re ihâimana u'âsi mono te te iwaihu'u za'ra na. Tane nherẽ, 're nomro wasété mono wa, tô senai õ di, 're isiwasu'u za'ra mono zé hã. Te te 're ida'ruiwapari za'ra mono zép si, te tãma 're hâimana za'ra. Te duré po're'õ u'âsi hã 're nomro. Marĩ iwẽ hã te te 're 'manharĩ waihu'u za'ra mono õ di, duré ta norĩ hã.

Hebreu 7:26

Tahawa, te oto õhõ si sasedoti ipire uptabi na hã wama 're hâimana za'ra, Timama ma, te te wa'ãma 're romhuri mono da. Taha si te 're timorĩ wẽ uptabi. Õhõ si ma tô 'Re ihâimana u'âsi mono hã te te 're wẽsãmri, marĩ te te 're ab'manharĩ wasété mono õ wa. Tahawa, iwasédé hã sena na da te ãma 're sa'ra waihu'u za'ra mono õ di. 'Re ihâimana u'âsi mono hã ma tô tãma pisutu, ti'ai ãma dawasété na 're idanomro mono norĩ nhiti 're sãmra mono da oto, hâiwa ãma danhipai u dama pire uptabi na 're hâimana u'âsi mono da.

1 Pedru 1:19

Dazada idâ'âzém na si ma tô aiwa'âbâ za'ra wa'wa, iwapru hã tiwi ipu'uzém na. Ta hã te 're mo, pone'ẽrebâ iwẽ uptabi ne, da te dasiwi iwĩrĩ da hã, dawasété wa, dawa'âbâzéb da. Cristu hã wẽ uptabi na 're ihâimana mono hã ma tô tidâ'âzém na aiwasédé hã wa'âbâ za'ra wa'wa. Ta hã te te iwawa'âbâ za'ra zé hã wẽ uptabi di.

1 Zuwã 3:12

Duréihã Caĩ, tino te te i'ruiwapari ne, wa norĩ hã 're wasi'ruiwapari za'ra mono õ di za. Ta hã iwasété nhib'a'uwẽ te 're hâimana, Wa'uburé nhib'a'uwẽ. Ta hã ma tô tino hã tiwĩ. E marĩ wa. Ino si 're ihâimana wẽ mono zarina, 'Re ihâimana u'âsi mono hã te te wẽsãmri 'ru te.

Apocalipsi 11:10

Tawamhã ti'ai ãma daro mono bâ 're idahâimana wasété za'ra mono norĩ ma hã rowẽ za'ra di za, isadawa wasu'u'wa norĩ hã dâ'â zahuré wa. Tahawa, te za 're dato za'ra. Te za duré danhibzari na tasisawi za'ra ni. Isadawa wasu'u'wa norĩ hã dawasété wi 're dasipizari za'ra mono da, te te dama 're ropipa zahuré mono ré, dâ'â zahuré wa, te za 're dato za'ra.

1 Samuéu 15:24

Tawamhã Sau ma tô ãma tãma wa'rã ãne: — Wa tô ĩwasédé hã 'manha tô. 'Re ihâimana u'âsi mono Wanhib'apito nhimiroti hã te wapari õ di, a hã duré ĩma iwaihu'uzéb zama te wapari õ di. Izaraéu nhihudu norĩ ma hã wa tô ĩpahi. Tahawa, wa tô 'manha, te te sima iwẽ za'ra zé hã.

1 Samuéu 15:30

Tawamhã Sau timreme na hã ma tô duré ãma sahu ãne: — Wa hã wa tô ĩwasédé hã 'manha. Tane nherẽ, ma'ãpé ĩwazé na za, uburé danhib'ihâ'a norĩ nho'remhã, duré uburé Izaraéu nhihudu norĩ nho'remhã. Apâ ãma ĩsiré aimorĩ, Asib'apito 'Re ihâimana u'âsi mono ãma, ãma ĩwata da.

1 Samuéu 19:5

Õ hã sĩrĩtĩ zawi õ di. Gulia simimnhasi nherẽ, ma tô tiwĩ. Tahawa, Wanhib'apito 'Re ihâimana u'âsi mono nhisi na ma tô ãma ai'uté, Izaraéu nhihudu norĩ te te anho'reptu da hã. Duré te te ãma ai'uté ré hã a hã ma tô asi'uihâ na i'madâ. Tahawa, aima rowẽ di. Ĩmama, e marĩ wa, te za bété ãne nherẽ, iwasédé hã tãma i'manha. E marĩ te te 'manharĩ bâ te za Dawi hã iwĩ.