Mateu 27:37 - ꞌRe Ihâimana Uꞌâsi Mono Zadawa Wasuꞌu

³⁷ Tawamhã Zezusihi 'rã nho'õmoi baba ma tô siwi sasõ, wedepo'o na rob'ui'éré hã, iwasédé hã da te ãma ihirizéb ui'éré ré hã. Ãne ãma irob'ui'éré hã: “Ã hã Zezusi, zudeu norĩ nhib'apito.”

Mateu 27:37 ပူးပေါင်းရင်းမြစ်များ

Mateu 27:38

Zezusihi me ma tô aibâ norĩ hã dasiwi sasõmri zahuré ni, isiré dâ'â zahuré da. Danhibrob zô dapãrĩ'wa, aibâ norĩ hã. Te ãma aiwa'aba zahuré isimire niwĩ, duré isimi'e niwĩmhã.

Mateu 27:42

— Oro õ hã Izaraéu nhihudu norĩ nhib'apito za. E niha hã bété, tinhimiromhõsi na te te 're da'anho'reptui mono nherẽ, 'râwi sisõ'reptu waihu'u õ di bété oto. Ãhã na wedepo'o nhonhi'rãmi hawimhã, we pé te te si'ra, wa te wasina 're i'umnhasi za'ra mono zéb da hã wa te ãma waihu'u za'ra da.

Marcu 15:26

Zezusihi 'rãi uwaibaba wedepo'o na rob'ui'éré hã ma siwi tété, da te dasiwi iwẽ'õ za'ra zém na, da te dasiwi ãma waihu'u za'ra da. Ãne ãma irob'ui'éré hã: Ã hã, zudeu norĩ nhib'apito.

Luca 23:38

Zezusihi 'rãi uwaibaba, te da'o, ãma irob'ui'éré ré hã. “Ã hã, zudeu norĩ nhib'apito.” Ãne ãma irob'ui'éré hã.