Mateu 27:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã nasi ãma wa'ẽ za'ra parimhã, zazahâ hâpa ihâpré hã ma tô apâ tiwi wazere za'ra. Apâ ma duré siwi ãma uza, 're isi'uza mono zém na. Taha pari, te oto siwi saprõ, te te siwi sasõmri da oto, wedepo'o nhonhi'rãmi ré.

Mateu 27:31 ပူးပေါင်းရင်းမြစ်များ

Mateu 20:19

Taha zarina te za oto zudeu'õ norĩ ma siwi hâiba nho. Tawamhã te za ãma tiwa'ẽ za'ra, zudeu'õ norĩ hã. Te za ãma wasété za'ra ni duré. Te za duré da te dasiwi 're pré'é. Taha parip si, te za wedepo'o nhonhi'rãmi na dasiwi sasõmri ni hâiwi, dâ'â da. Tane nherẽ, bâdâ maparane ãma si'utõrĩ õ ré, te za apâ hâiwa'udu.

Mateu 21:39

— Tawamhã wisi wi, ma tô siwi ti'â, buru tede'wai 'ra hã. Buru nhiti ma tô siwi waze. Tame ma tô oto siwi tiwĩ, buru 'madâ'â'wa norĩ hã.

Mateu 26:2

— Romhuture di oto, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi na hã. Awẽ amo na te za iwa waptãrã, bâdâ hã. Ãne hã aima waihu'u pese za'ra wa'aba di. Tawapsi te za oto dasiwi ĩhâiba nhomri ni, Danho'reptui'wa da 'Re ihâimana u'âsi mono te te ĩpisudu hã, da te dasiwi ĩzasõmri da hâiwi, wedepo'o nhonhi'rãmi na.

Marcu 15:20

Tawamhã nasi ãma wa'ẽ za'ra parimhã, tisi'ubuzém na te te siwi ãma ihâiba ubu hã ma tô apâ tiwi wazere za'ra. I'uza na ma oto apâ siwi uza. Taha pari, te oto rob u siwi saprõ, wedepo'o nhonhi'rãmi na te te siwi sasõmri da, 'ri nho'õmo nhiti.

Zuwã 19:16

Tawamhã da'wapéi'wa norĩ ma, te oto ti'ru Pilatu hã, wedepo'o nhonhi'rãmi na te te siwi sasõmri da, dâ'â da, Zezusi hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:58

Sa'ẽtẽ te siwi 'mapra, 'ri nho'õmo babarãi u, ẽtẽ na te te siwi wĩrĩ da. Tawamhã ti'uza isisiwimhã, ma tô sada sani za'ra, Estewãhã 'ruiwapari'wa norĩ hã te te nasi siwi ahâri pibui pese da. Saulu na aibâ ipréduptém nhisi 'rata, ma tô ti'uza hã sada sa'ra za'ra, ta hã te te sa 'madâ'â za'ra da.

Hebreu 13:12

Ãne wa, ma tô duré Zezusi hã 'ri 'wawi wa'razém nhiti dârâ, te te irobzépata za'ẽtẽ zarina, tiwapru na taha si te te oto 're da'a'upsõi mono da, dawasété hawi.