Mateu 27:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Zuda, dama ihâiba nhomri'wa hã, Zezusi dâ'â da, da te dasiwi ipisutu na siwaihu'u wamhã, ma tô si'ruiwapa. Tahawa, 30 na rob'uiprazé isapotore hã ẽtẽ waipo prã prata 'manharĩ hã ma tô apâ tãma sõmri za'ra, sasedoti ipire norĩ ma, duré zudeu norĩ ma roti'wa norĩ ma zama.

Mateu 27:3 ပူးပေါင်းရင်းမြစ်များ

Zuwã 13:2

Tawamhã tisa, te te huri da hã, ma tô asimro bara na, Zezusihi siré 're inomro mono norĩ hã. Tisa hã te te huri õ ré, ma tô Zuda Icarioti hã rosa'rata, Zezusihi zô te te danhimroi mono da, te te dama hâiba nhomri da. Wa'uburé nhimirosa'rata hawim na, te ãne sima ãma rosa'rata. Simahã 'ra, Zuda hã.

Zuwã 13:27

Te te tãma sõmri pari, ma oto Satanasihi nhimiroti hã wapari pese Zuda hã, ipẽ'ẽ 're, oto sébré wa. Tahawa, te Zezusi hã Zudaha ma tinha, ãne: — Marĩ hã 'manharĩ su'u pé.

Zuwã 18:3

Tahawa te te oto sô danhimro, tamomo. Da'wapéi'wa norĩ hã te sô te te simro, ahâ na. Zeruzalẽ ãma 'Re ihâimana u'âsi mono nhorõwa 'ri 'madâ'â'wa norĩ zama te sô te te simro, sasedoti ipire norĩ zadawa para, duré farizeu norĩ zadawa para. Tawamhã rob'uiwẽzéb ré, te sô ai'aba'ré ni, duré 'rãsitõ ré zama. Danhiwãi ré zama te duré sô ai'aba'ré ni, sib'ézé 'wapa ré zama.

2 Corĩtu 7:10

Isazei'õ'wa norĩ hã 're inomro wasété mono zéb zarina, robzei'õ u'âsi 're hâimana za'ra mono wa, te ta norĩ hã dâ'â u'âsi ne 're hâimana za'ra, tipẽ'ẽ 're. Tane nherẽ, 'Re ihâimana u'âsi mono te te dama 're i'apisutu mono zéb zarina si, dawi 're robzei'õ pese za'ra mono wamhã, tawapsi te za dawasété wi 're dasipizari za'ra. Taha zarina si, te za oto 'Re ihâimana u'âsi mono hã te te 're da'anho'reptu. Ãne wamhã, 're idahâimana wasété za'ra mono zém na 're dasiwẽ'õ za'ra mono õ di za oto.