Mateu 27:2 - ꞌRe Ihâimana Uꞌâsi Mono Zadawa Wasuꞌu2 Tawamhã sasedoti ipire norĩ zadawa para, ma tô Zezusi hã dasiwi pawasisi ni, da te dasiwi saprõni da, Pilatuhu u. Ta hã Zudéa ãma da'madâ'â'wa, romanu norĩ nhib'apito uptabi nhimipisudu. Tawamhã itẽme da te dasiwi ãwisi wamhã, ma tô tãma hâiba nhomri ni, Zezusi hã, Pilatuhu ma. အခန်းကိုကြည့်ပါ။ |
Mateu 27:2
25 ပူးပေါင်းရင်းမြစ်များ
Taha zarina te za oto zudeu'õ norĩ ma siwi hâiba nho. Tawamhã te za ãma tiwa'ẽ za'ra, zudeu'õ norĩ hã. Te za ãma wasété za'ra ni duré. Te za duré da te dasiwi 're pré'é. Taha parip si, te za wedepo'o nhonhi'rãmi na dasiwi sasõmri ni hâiwi, dâ'â da. Tane nherẽ, bâdâ maparane ãma si'utõrĩ õ ré, te za apâ hâiwa'udu.
Tawamhã Zezusi te te dama rowasu'u ré, ma tô ni'wam norĩ hã itẽme aihutu. Tahawa, te tãma rowasu'u za'ra, ãne Zezusihi ma: — A'uwẽ norĩ hã ma tô simro ni, Galiléa tede'wa norĩ hã. Pilatuhu nhimiwada'uri zarina, ma tô dasiwi hã simro ni. 'Re ihâimana u'âsi mono ma, tinhimizama te te simroi ré, ma tô uprosi ni. — Ãne te Zezusihi ma rowasu'u za'ra.
Tahawa, ma tô taré a'â ãma 're sõpré. Ãne te aibâ norĩ ma tãma ãma roti za'ra: — Zezusihi u te za ai'aba'réi wa'wa, marĩ na asiwi sadanharĩ za'ra wa'aba da, tô sena, marĩ asiwi waihu'u za'ra wa'aba dai õ nherẽ, isimirowasu'u na hã. Tawapsi te za asiwi isadanharĩ za'ra wa'wa, tinhimirowasu'u na te te ãma upa zô, te te ãma upai wa, wanhib'apito u, wa te wasiwi saprõni da, marĩ te te tãma 'manharĩ wasété da. Tawamhã ma tô rob'uiprazém na tãma wa'âbâ za'ra, Zezusi za te te siwi isadanharĩ'wa norĩ ma.
Tawamhã 15 na ma tô ãma tiwahu, Tibériuhu ãma, danhib'apito na 're hâimana mono ré, Roma ãma hã. Isadawa para, te Põsiu Pilatu hã te te dama 're roti, Zudéa ãma. Duré Erodi hã te te dama 're roti isadawa para, Galiléa ãma. Duré Erodihi no hã Filipi hã te te dama 're roti, isadawa para, Itureza na danhipti'a nho'õmo nhisi ãma, duré Taraconiti na danhipti'a nho'õmo nhisi ãma. Duré Risãniza hã te te dama 're roti, isadawa para, Abireni na danhipti'a nho'õmo nhisi ãma.
Tawamhã Caifasihi nhorõwa hawi ma tô Zezusi hã siwi saprõni, zudeu norĩ hã, romanu nhorõwa u robza'rã ré. Roti'wa dama ipire uptabi romanu hã, Pilatu na isisi hã. Te te itẽme siwi ãwisi wamhã, 'ri para u te te siwi 'mazébré õ di, Pilatuhu u. Rowi te iré aimasa. E marĩ wa. 'Re ihâimana u'âsi mono nhimiroti waihu'u'õ'wai wa, Pilatu hã. Tawamhã Pascowa na dato nhisi bâtâ na, dasi'rã'õtõ ré, sisisi õ di za, siwasété za'ra tõ da. Siwasété za'ra 'wa'âhã, aré dame saihuri waihu'u õ di.
Pedru hã Erodi te te dama i'ruzé hã romhuture di oto, da'ãma rowairébé'wa nho're sab da hã. Taha wamhã, awẽpsi te za dasiwi wazere ni, danho'a te te siwi ãma rowairébé da, niha wamhã, duré da te dasiwi wĩrĩ da. Tawamhã te Pedru hã oto nhono, bara na. Ãhã wamhã, da'wapéi'wa norĩ wa'wa, maparane isi'uwazi nhorõ rutu ré te nhono, pawasisi ré. 'Ridawa i'madâ'â'wa norĩ hã te duré ãhã wamhã aima'wara zahuré.
Tawamhã ma tô siwi hiwasisi, isi'uwazi nhorõ rutu na te te siwi 're pré'é mono da hã. Ãhã wamhã, Paulu hã ma tô da'wapéi'wa norĩ nhib'apito zadawa para dawada'uri'wai ma tinha, ãne: — E ĩwasété na asiwi ĩwaihu'u aba wa, ma tô asiwi 're ĩpré'é aba mo. E tô i'uwaibaba ãne hã, wa hã romanu na ĩwamri nherẽ.
Tawamhã maparane ma tô ãma tiwahu, Sezariza ãma sãmra ré, dazazéb 're, Paulu hã. Tawamhã Posiu Festu hã te za oto si'apito, Peresihi nhowa're're. Tahawa, apito Peresi hã sisa'u ma tô tizadawa ãma tirẽ, dazazéb 're, hâimana u'âsi da Paulu hã, isa'u. Zudeu norĩ ma, rowẽzéb da, ma tô ãne hã tizadawa hã ãma tirẽ.
'Re ihâimana u'âsi mono, wahi'rata norĩ nhib'apito, Abra'ãhã nhib'apito, duré Izaquihi nhib'apito, duré Zacoho nhib'apito. Ta hã ma tô Zezusi hã wẽsã, tãma iromhuri wẽ 'wa hã. Tane nherẽ, Zezusi hã ma tô asiwi iwẽ'õ za'ra wa'wa. Ma tô asiwi isõmri 'wa, Pilatuhu ma. Taha nho'a, ma tô asiwi iwẽ'õ za'ra wa'wa, te te sima wẽ nherẽ Pilatu hã, morĩ da apâ, dazazém hawi.
Ta hã rob'ui'éré Damascu na 'ri nho'õmo nhisi u te te âri da, ma tô tiwi waptẽ, tame zudeu norĩ te, rowahutu'wa norĩ ma, te te sõmri za'ra da, sasedoti ipire zadawa para itẽme imorĩ za'ra na rob'ui'éré hã. Tawamhã Wanhib'apito 're ihâimana mono zém na 're inomro mono norĩ hã, rob'ui'éré'wa zadawa para te za Saulu hã we te te simro, Zeruzalẽ u pawasisi ré, aibâ norĩ hã, pi'õ norĩ zama.
Ãhã na, wa za aima pisutu, uburé te aima iroti mono zé hã asina 're 'madâ'â u'âsi mono da. 'Re ihâimana u'âsi mono nho'a, wa aima pisutu, ti'ai ãma 're idanomro mono zé hã te te dama 're i'apisutu mono nho'a. Cristu Zezusihi nho'a zama wa aima pisutu, Põsiu hã Pilatuhu ma, tihâimanazém na isiwaihu'u wẽ nho'a zama. Uburé te aima iroti mono zé hã te za asina 're i'madâ'â u'âsi mo, apâ we imorĩzéb u, Wanhib'apito Zezu Cristu hã. Asina 're 'madâ'â u'âsi mono wamhã, tawamhã da te aima 're nharĩ za'ra mono õ di za, asina 're i'madâ'â mono õ zém na hã.
Tawamhã Wanhib'apito wasu'uwẽ na te dama 're rowasu'u mono 'ru te, wa oto te 're robzépata. Ĩwasédé hã te 're 'manharĩ mono newa, wa oto 're ĩza, dazazéb 're, isi'uwazi nhorõ rutu na ĩpawasisi ré. Tane nherẽ, 'Re ihâimana u'âsi mono zadawa wasu'u hã pawasisi ãna ne, te 're hâimana u'âsi. Te za da te dama ãma 're rowasu'u u'âsi za'ra.
Duré wasiré isazei'wa norĩ ãma te za 're aipo're pu'u u'âsi za'ra wa'aba mo, dazazéb 're, 're isimasa mono norĩ ãma hã, ta norĩ hã asiwi 're pawaptob za'ra wa'aba mono da. Dazazéb 're, ta norĩ siré 're aimasa wa'aba mono ne, te za ãma 're aipo're pu'u u'âsi za'ra wa'aba mo. Duré marĩ na te te 're irobzépata za'ra mono norĩ ãma zama, te za duré 're aipo're pu'u u'âsi za'ra wa'aba mo, ta norĩ siré duré 're irobzépata za'ra wa'aba mono ne.
— Taré, wa te tô wasiwi aipaihi wasisi da si, wa we ãwamhã asô ai'aba'ré ni, taha pari filisteu norĩ ma, wa te wasiwi asõmri da, isib'ratab za'ra. — Ãne te duré tãma nharĩ za'ra asa. Tawamhã Sãsã, ma te ãne duré ãma sada'âbâ za'ra: — Ma'ãpé a norĩ wa'wa asiwi ĩwĩrĩ aba tõ da hã ĩma ropisutu za'ra wa'aba.
ကြော်ငြာတွေ