Mateu 27:17 - ꞌRe Ihâimana Uꞌâsi Mono Zadawa Wasuꞌu

^17-18 Zezusi hã iwẽ na si te te dama 're rowahutu mono 'ru te, ma tô zudeu norĩ ma ipire za'ra norĩ hã te te siwi 're 'ruiwapari, õ norĩ upana Zezusihi ãma si 're datob'uzu za'ra mono 'ru te. Ãne zarina ma tô siwi hâiba nho tãma, apito Pilatuhu ma. Ãne na da te dasiwi 're i'ruiwapari za'ra mono zéb zarina, da te tãma ihâiba nhomri na ma tô apito Pilatu hã ãma da'awaihu'u. Tahawa, te ãne ãma da'azadanha, da'ahâ na, itẽme dasi'rã'õtõ wa: — E 'wa hã te tawamhã asima iwẽ za'ra wa'wa, te tãma irob'ru da hã. E Barabasi. E Zezusi, Danho'reptui'wa da, 'Re ihâimana u'âsi mono te te ipisutu na da te 're isisi za'ra mono.

Mateu 27:17 ပူးပေါင်းရင်းမြစ်များ

Mateu 1:16

Zaco hã Zuzéhé mama. Zuzé hã Mariaha mro. Ta hawi Zezusi hã ipodo, Cristu na da te 're isisi za'ra mono.

Mateu 27:16

Aibâ hã dazazéb 're, te dame 're sa, Barabasi na isisi hã, ihâimana wasété na dama iwaihu'u pe hã.

Zuwã 19:15

Tawamhã dahârâ 'rãihâ na te nasi 'mahârâ za'ra ni asa, ãne: — Wedepo'o nhonhi'rãmi na da te dasiwi sasõmri, dâ'â da. Tawamhã Pilatu asa te tãma nharĩ za'ra, ãne: — E asib'apito za'ra wa'wa, wa za dama ti'ru, wedepo'o nhonhi'rãmi na da te dasiwi sasõmri da hã, dâ'â da. Tawamhã sasedoti ipire norĩ hã te asa tãma nharĩ za'ra, ãne, Pilatuhu ma: — Roma ãma apito Sézaha si, wanhib'apito za'ra hã.

Zuwã 4:25

Tawamhã pi'õ te duré tãma tinha, ãne: — Niwapsi te za we datẽme wi, Danho'reptui'wa da, 'Re ihâimana u'âsi mono te te ipisudu hã, Cristu na da te 're isisi za'ra mono hã. Wei wisi wapsi, te za uburé 'Re ihâimana u'âsi mono nhimiroti hã te te wama 're awaihu'u, wa te 're waihu'u za'ra mono da. Ãne na hã ĩma waihu'u pese di, iwasu'u hã.

Zozué 24:15

Tane nherẽ, Uburé Danhib'apito ma, 're anomro aba mono da, asima wẽ za'ra wa'aba õ wamhã, ãhã na awa'awi na hã asima pisutu za'ra wa'aba, nimahã ãma si 're anomro aba mono da wamhã. Niha hã wamhã, te za tô asima irowairébé za'ra wa'wa, aihi'rata norĩ hã Mezopotãmia ãma, ihâiba'õ ãma 're iwata za'ra mono ma si 're anomro aba mono da hã, niha wamhã, amoreu norĩ te ihâiba'õ norĩ ma hã, ã hã ti'ai 're, 're ihâimana za'ra mono zéb ãma hã. Tane nherẽ, wa za tô wa norĩ hã wanhorõwa 're, 're iwahâimana za'ra mono norĩ hã Uburé Danhib'apito ãmap si 're wanomro.