Mateu 26:74 - ꞌRe Ihâimana Uꞌâsi Mono Zadawa Wasuꞌu

⁷⁴ Tawamhã Pedru te asa tãma nharĩ za'ra, ãne: — Mare di. Tane na ĩwaihu'u nherẽ, õ hã ĩma sa'rese õ di. Tô sena te aiwi udâ za'ra wa'aba di pâ, 'Re ihâimana u'âsi mono hã te te ĩ'azâri pé. Tawamhã ãne na dama siwasu'u wi, ma tô si'a hã hârâ watobro, awa'awi.

Mateu 26:74 ပူးပေါင်းရင်းမြစ်များ

Mateu 10:28

Dahâiba te te dawi 're isimroi mono norĩ ma hã, tãma 're aipahi za'ra wa'aba mono õ di za, dapẽ'ẽzani hã te te dawi 're simroi waihu'u mono dai õ wa. 'Re ihâimana u'âsi mono si te za asima 're ipipa za'ra wa'aba mo. Taha ma si waihu'u pese di, dahâiba hã duré dapẽ'ẽzani zama, te te dawi 're i'a'uprosi mono zéb da hã.

Mateu 26:34

Tawamhã Zezusi te asa tãma tinha, Pedruhu ma, ãne: — Tô sena wa za ãhã na hã aima rowasu'u. Ãma aipo're pu'u za duré ĩmreme na hã. Ã bara na si'a hârâ õ ré, te za si'ubdatõ dawi ĩ'udâ, aima ĩza'rese õ na hã.

Mateu 26:73

Tawamhã suru na ãma ronomro wi, ma duré i'rata isimasam norĩ hã 'râwi itẽme aimasa Pedruhu u, te te tãma nharĩ za'ra da, ãne: — Galiléa ãma 're idamreme zusi mono ne, aimreme hã. Tahawa, wa tô wasiwi aiwaihu'u ni, Galiléa ãma aré 're i'asãmra mono na. Tahawa, tô sena wa tô duré wasiwi aiwaihu'u ni, Zezusihi siré 're inomro mono norĩ siré 're i'aimorĩ na.

Mateu 26:75

Tawamhã Zezusi te te tãma iwaihu'uzém na ma sina po're puru, Pedru hã. Ãne Zezusi te te tãma iwaihu'u siromo zé hã, isõwa: “Si'a hã hârâ õ ré, si'ubdatõ te za dawi ĩ'udâ, ĩzadawa para õ nherẽ.” Tawamhã ãne na oto imreme na sina po're pu'u wamhã, ma tô watobro rob u, Pedru hã. Tahawa, te oto aiwa'õ, sina pẽ'ẽzé uptabi wa.

Mateu 27:25

Tawamhã asa te tãma nharĩ za'ra ni, ãne: — Wẽ di tô. Wa te wasiwi iwaptẽrẽzéb zarina, da te dasiwi wĩrĩ wamhã, 'Re ihâimana u'âsi mono te te tô pé wahâ za'rare, wa'ra norĩ zama, duré wanhihudu norĩ zama hã pé tô te te hâ za'ra, wawasédé hã wa te ãma 'manharĩ za'ra di pâ.

Marcu 14:30

Tawamhã Pedruhu ma, te Zezusi hã asa tinha, ãne: — Tô sena wa za aima waihu'u. Ã bara na, si'a hã tihârâ na te te sahu õ ré, te za si'ubdatõ dawi ĩ'udâ, aima ĩza'rese õ na.

Marcu 14:68

Tawamhã Pedru te asa, ãne tãma tinha: — Tane na ĩwaihu'u nherẽ, õ hã ĩma sa'rese õ di. Tawamhã 'ri nhi'riti u te oto mo, 'ridawa u morĩ da, dapusizéb u. Tawamhã si'a hã ma te oto hâ.

Luca 22:60

Tahawa, te duré Pedru hã asa tãma tinha, ãne: — Mare di. Tane ĩma inharĩ hã, te waihu'u õ di. Sa'rese õ di. Ãne na timreme hã te te 'rãsutu wi, ma awa'awi si'a hã hâ.

Zuwã 18:27

Tahawa, ma tô duré Pedru hã tiwi ai'udâ. Tiwi si'udâ parip si, ma tô si'a hã awa'awi hâ.

1 Corĩtu 16:22

Wanhib'apito zawi'õ'wa norĩ ma, 'Re ihâimana u'âsi mono hã, rowẽ'õ te te tãma 're apisutu mono za. Wanhib'apito, apâ we aimorĩ su'u za.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.

Zuize 17:2

Tawamhã ta hã te tina ma tinha ãne: — Nimahã na ate 1.100 na ẽtẽ waipo prã prata isapotore, da te aiwi simi'uri za'ra wamhã, ma tô a hã isimisaihuri ma, iwẽ'õ hã tãma ipisu. Ãne na wa hã wa tô wapa. Tane nherẽ, i'uptabi na hã te ẽtẽ waipo prã prata ĩ'ratamhã nomro. Wa hã wa tô ti'â. — Ĩ'ra, Uburé Danhib'apito iwẽ si te te tô aima 're ipisutu mono da si, ĩma wẽ di!

Zuize 21:18

Tane nherẽ, wa'ra norĩ sipi'õ na 're mro za'ra mono da, wa te tãma 're isõmri za'ra mono da hã, mare di za. E marĩ wa, ma tô ãne hã sima nharĩ za'ra. Ta norĩ hã ma tô aré ãne ropisudu hã siwi 'manha: Ni'wa hã Bẽzamihĩ nhihudu ma, pi'õ te te tãma isõmri ma hã te za ropire hã niha na hã da te tãma 're pisutu.