Mateu 26:73 - ꞌRe Ihâimana Uꞌâsi Mono Zadawa Wasuꞌu

⁷³ Tawamhã suru na ãma ronomro wi, ma duré i'rata isimasam norĩ hã 'râwi itẽme aimasa Pedruhu u, te te tãma nharĩ za'ra da, ãne: — Galiléa ãma 're idamreme zusi mono ne, aimreme hã. Tahawa, wa tô wasiwi aiwaihu'u ni, Galiléa ãma aré 're i'asãmra mono na. Tahawa, tô sena wa tô duré wasiwi aiwaihu'u ni, Zezusihi siré 're inomro mono norĩ siré 're i'aimorĩ na.

Mateu 26:73 ပူးပေါင်းရင်းမြစ်များ

Neemia 13:24

Tahawa i'ra norĩ aiwa ãma isipo'o na, te Asidodi mreme na hã, duré damreme ihâiba amo na hã 're mreme zusi. Tahawa duré zudeu norĩ mreme na hã 're mreme zusi waihu'u mono õ di.

Mateu 26:72

Tawamhã Pedru te duré dawi ai'udâ, ãne: — Tô sena, wa aima ĩsiwasu'u za'ra wa'wa, 'Re ihâimana u'âsi mono nho'a. Ta hã ĩma sa'rese õ di, aibâ hã.

Mateu 26:74

Tawamhã Pedru te asa tãma nharĩ za'ra, ãne: — Mare di. Tane na ĩwaihu'u nherẽ, õ hã ĩma sa'rese õ di. Tô sena te aiwi udâ za'ra wa'aba di pâ, 'Re ihâimana u'âsi mono hã te te ĩ'azâri pé. Tawamhã ãne na dama siwasu'u wi, ma tô si'a hã hârâ watobro, awa'awi.

Marcu 14:70

Tawamhã Pedru te duré tiwi ai'udâ. Tawamhã ãma ronomro õ ré, te duré tãma nharĩ za'ra, i'rata isimasam norĩ hã: — Tô sena, a hã Zezusi norĩ siré, te 're aimo. A hã tô, Galiléa ãma 're i'aihâimana mono.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:7

Tawamhã ãne te dasima rowasu'u za'ra ni: — Pra. E niha, wa bété wamreme mono bâ wapari za'ra ni, õ norĩ hã, Galiléa ãma 're hâimana za'ra mono nherẽ. E niha, ma tô bété õ norĩ hã wamreme hã waihu'u za'ra.

Zuize 12:6

ma tô ãne damreme hã tãma 'ru za'ra: “Ma'ãpé nharĩ ãne: Chiboléti na”. Tawamhã isadawa parab za'ra “Siboléti na”, damreme õhõ zarina si te te nasi nharĩ za'ra wamhã, ma tô nasi waibu ni. Ma tô duré nasi simro ni, tô tame â zaihâ na. Tahawa, Efraĩhĩ nhihudu norĩ, tô tamemhã ma tô ai'utõ, 42 miu na.