Mateu 26:72 - ꞌRe Ihâimana Uꞌâsi Mono Zadawa Wasuꞌu

⁷² Tawamhã Pedru te duré dawi ai'udâ, ãne: — Tô sena, wa aima ĩsiwasu'u za'ra wa'wa, 'Re ihâimana u'âsi mono nho'a. Ta hã ĩma sa'rese õ di, aibâ hã.

Mateu 26:72 ပူးပေါင်းရင်းမြစ်များ

Ezodu 20:7

— Ĩnhisi na asiwi 're ĩwazé wa'aba mono ãna taré ãma 're nharĩ za'ra wa'aba mono tõ. E marĩ wa. Wa hã Uburé Danhib'apito, ate wa'wa 'Re ihâimana u'âsi mono, wa ĩnhisi te te 're iwazéb za'ra mono õ norĩ ma te tãma 're arob'manharĩ.

Mateu 26:71

Tawamhã te oto mo, 'ri 'wawi wa'ra ãma 'ridawa u. Tame sãmra ré, ma tô duré pi'õ ihâiba amo hã tisã Pedru hã, 'Re ihâimana u'âsi mono ma da'ãma romhuri'wa norĩ nhib'apito ma romhuri'wa hã. Te te duré ta hã sãmri wamhã, i'rata isimasam norĩ ma, te wasu'u za'ra, ãne: — Õ hã Zezusihi siré 're imorĩ, Nazaré ãma aré 're isãmra mono siré.

Mateu 26:73

Tawamhã suru na ãma ronomro wi, ma duré i'rata isimasam norĩ hã 'râwi itẽme aimasa Pedruhu u, te te tãma nharĩ za'ra da, ãne: — Galiléa ãma 're idamreme zusi mono ne, aimreme hã. Tahawa, wa tô wasiwi aiwaihu'u ni, Galiléa ãma aré 're i'asãmra mono na. Tahawa, tô sena wa tô duré wasiwi aiwaihu'u ni, Zezusihi siré 're inomro mono norĩ siré 're i'aimorĩ na.

Mateu 26:74

Tawamhã Pedru te asa tãma nharĩ za'ra, ãne: — Mare di. Tane na ĩwaihu'u nherẽ, õ hã ĩma sa'rese õ di. Tô sena te aiwi udâ za'ra wa'aba di pâ, 'Re ihâimana u'âsi mono hã te te ĩ'azâri pé. Tawamhã ãne na dama siwasu'u wi, ma tô si'a hã hârâ watobro, awa'awi.

Luca 22:34

Tahawa, te Zezusi hã asa tãma tinha, ãne: — Pedru, ĩwapari pese. Ĩzadawa para õ nherẽ, ã bâtâ na si'a hârâ õ ré, te za si'ubdatõ dawi ĩ'udâ, aima ĩza'rese õ na.