Mateu 26:53 - ꞌRe Ihâimana Uꞌâsi Mono Zadawa Wasuꞌu

⁵³ Te ĩsima wẽ 'wa'âhã, wa aré Ĩmama wi waptẽ, hâiwa ãma tãma iromhuri'wa norĩ hã ahâ uptabi na te te we ĩtẽme satõrĩ za'ra da, ãhã na ĩ'ãma sisaprĩ za'ra da, dawi. E ãne na ĩ'ãma rosa'rada hã waihu'u ã bâ bété.

Mateu 26:53 ပူးပေါင်းရင်းမြစ်များ

Daniéu 7:10

Taha nho'remhã ma tô duré unhama na â hã tipraba. Tamemhã te duré da'ahâ uptabi na tahâimana za'ra ni, marĩ, da te tãma i'manharĩ za'ra da hã. Nemo te da'ahâ uptabi na duré daza'rata waihu'u ãna isõ're aimasam ni. Tawamhã da'ãma rowairébézé oto sãna'rata wamhã, ma tô ibaihâ hã sõzi za'ra ni.

Mateu 25:31

Tawamhã Zezusi hã ma tô duré romhâ ré tãma rowaihu'u siromo za'ra, ãne: — Ti'ai ãma Dasiré Ipodo hã niwapsi te za wei mo apâ, Timama zadawa para, hâiwa ãma tãma iromhuri'wa norĩ siré. Tawapsi te za danhib'apito simasisizém na hã 're sãmra, pire na te te ãma 're da'ab'madâ'â u'âsi mono da oto.

Mateu 4:11

Tawamhã Wa'uburé ma tô ihawi oto mo. Morĩ wamhã, hâiwa ãma romhuri'wa norĩ hã ma tô we itẽmemhã oto aihutu, te te siwi pawaptob da, Zezusi hã.

Marcu 5:15

Tawamhã Zezusihi u dasihutu wamhã, ma tô aibâ hã 'madâ'â za'ra ni, wa'uburé norĩ ré aré 're imorĩ hã. Uza ré, te oto nhamra, rowẽ na. Tawamhã ma tô tãma tapahi za'ra ni, õne hã dama sa'rese za'ra õ wa.

Marcu 5:9

Tawamhã Zezusi te isisi zô sadanha: — E niha asisi hã. — Ahâ di, ĩnhisi hã. E marĩ wa. Wa norĩ hã wa'ahâ wa. — Ãne te Zezusihi ma sisisi.

Luca 8:30

Tawamhã Zezusi hã te sadanha, ãne isisi zô: — E niha asisi hã. — Ahâ na, ĩnhisi hã. — Ãne te aibâ hã tãma sisisi, wa'uburé hã ãma ahâ wa.

Zuwã 10:18

Dasi'uihâ na da te dasiwi ĩwĩrĩ da hã mare di. Ĩsi'uihâ na, wa za dârâ, dazada. Wa za duré hâiwa'udu, ĩsi'uihâ na. Ãne wa za 'manha, Ĩmama te te ĩma ipisutuzéb zarina.

Zuwã 18:36

Tawamhã ma tô Zezusi hã asa tãma siwasu'u, ãne: — Wa hã ti'ai ãma danhib'apito na 're ĩhâimana mono õ di. Danhib'apito na 're ĩhâimana mono 'wa'âhã, wa aré ĩnhib'a'uwẽ norĩ hã wada'uri za'ra, te te da'wapé za'ra da, da te dasiwi ĩhâiba nhomri tõ da, dama ipire norĩ u. Wa hã ti'ai ãma danhib'apito na 're ĩhâimana mono õ di.

2 Tesalonita 1:7

Duré te za te te 're aipawaptob za'ra wa'wa, rowẽ na si 're aihâimana za'ra wa'aba mono da. Wa norĩ zama, robzépata na 're iwahâimana za'ra mono norĩ zama, te za te te 're wapawaptob za'ra, rowẽ na si 're wahâimana za'ra mono da. Tô sena, te za Wanhib'apito Zezusi hã wei wama sihâi'ré za'ra hâiwa hawi, te te tãma 're iromhuri pese za'ra mono norĩ me. Tawamhã wei morĩ wamhã, te za tô dahâ za'ra. Te za duré wa norĩ hã wapawaptob za'ra.

Zuda 1:14

Duréihã Enoqui hã te 're hâimana, Adãhã 'ra nhihudu hã. Ta hã ma tô romhâ ré da'ãma waihu'u siro, 're idahâimana wasété za'ra mono norĩ ãma hã. Ãne ma tô da'ãma waihu'u siro: “Ma'ãpé waihu'u za'ra wa'aba. Wanhib'apito te za wei mo. Tãma iromhuri'wa norĩ hã ahâ uptabi na te za we isiré ai'aba'ré.