Mateu 26:51 - ꞌRe Ihâimana Uꞌâsi Mono Zadawa Wasuꞌu

⁵¹ Tawamhã Zezusihi siré 're imorĩ hã i'rata isa hã ma tô sib'ézé 'wapa waze. Te te wazere wi, ma romhuri'wa hã ãma po're nhizâ, sasedoti ipire uptabi ma, romhuri'wa hã.

Mateu 26:51 ပူးပေါင်းရင်းမြစ်များ

Mateu 26:35

Tawamhã Pedru te duré tãma tinha, Zezusihi ma, ãne: — Wa hã asiré ĩdâ'â da nherẽ, te dawi ai'udâ õ di za, te i'aiwaihu'u õ na hã. Tawamhã õhõ na si, ma tô isiré 're inomro mono norĩ hã tãma siwasu'u za'ra, za te te dawi i'udâ za'ra õ zém na hã.

Marcu 14:47

Tawamhã Zezusihi siré isa hã, ma tô sib'ézé 'wapa hã waze. Te te wazere wi, ma romhuri'wa hã ãma po're nhizâ, sasedoti ipire uptabi ma romhuri'wa hã.

Luca 9:55

Tahawa, ma Zezusi hã itẽme aipi'ra zahuré. Imreme hã ma tô tiwi sisisi zahuré.

Zuwã 18:36

Tawamhã ma tô Zezusi hã asa tãma siwasu'u, ãne: — Wa hã ti'ai ãma danhib'apito na 're ĩhâimana mono õ di. Danhib'apito na 're ĩhâimana mono 'wa'âhã, wa aré ĩnhib'a'uwẽ norĩ hã wada'uri za'ra, te te da'wapé za'ra da, da te dasiwi ĩhâiba nhomri tõ da, dama ipire norĩ u. Wa hã ti'ai ãma danhib'apito na 're ĩhâimana mono õ di.

2 Corĩtu 10:4

Ti'ai ãma 're idasi'wapé za'ra mono zém na danhimnhi'ãsi na, wa te 're a'wapéi mono õ di duré. 'Re ihâimana u'âsi mono nhimnhi'ãsi na si, wa tô wa te 're a'wapéi u'âsi, iwaihu'u pese zarina. Isitob'ru norĩ nhiptetezé hã wa te tiwi ãma 're i'a'uprosi mono zéb da hã, wa ãhã na si wa te 're a'wapéi u'âsi, ta norĩ hã, 'Re ihâimana u'âsi mono nhimnhi'ãsi na si.