Mateu 26:49 - ꞌRe Ihâimana Uꞌâsi Mono Zadawa Wasuꞌu

⁴⁹ Tawamhã wisi wi, ma tô itẽme mo õne haré, Zezusihi u, awa'awi. Ãne te sawi, timreme na: — Rowahutu'wa, rowẽ na 're aihâimana mono. Tawamhã tob'rata hârâ na ma tô sawi, Zezusi hã.

Mateu 26:49 ပူးပေါင်းရင်းမြစ်များ

Zenezi 27:26

Taha pari te imama hã ãne oto tãma tinha: — Ĩ'ra, we ĩtẽme ai'ré na 'râwi, ĩtob'rata hârâ da.

Provébiu 27:6

Ni'wa wasiwaihu te te wama ipẽtẽ zarina, te te wa'u'a nherẽ, wama hã umnhasi u'âsi di. Tane nherẽ, asi'ru tinho'utu te te ai'âri wamhã, te za asi'madâ'â pe.

Mateu 23:7

Te duré te te sima 're wẽ za'ra, dama ipire norĩ hã damreme ipire na da te 're isawi za'ra mono ne, dahâimana prédup sina da te 're sawi za'ra mono da, da'ahâ na 'ri nhi'riti wa, da te dasima 're irowede za'ra mono zéb ãma hã. Te duré te te sima 're wẽ za'ra, da te 're sawi za'ra mono wamhã, rowahutu'wa na da te 're sisi za'ra mono sina, da te 're sawi za'ra mono da, dama 're idapire za'ra mono norĩ 'mahârâzém na. Ãne te ta norĩ hã uburé marĩ hã te te sima 're wẽ za'ra, dama ipire zarina, da te 're 'madâ'â wẽ za'ra mono da.

Mateu 23:8

Tane nherẽ, te a norĩ wa'wa hã simisutu asisãnawã 're anomro aba mo, asiré isazei'wai wa. Duré misire Asib'apito wa'wa hã. Tahawa, “rowahutu'wa” na dama aiwaptẽrẽ pire na da te 're asisi za'ra wa'aba mono da, 're asi'madâ'â ze za'ra wa'aba mono õ di za, a norĩ wa'wa hã.

Mateu 26:25

Tawamhã Zuda hã dama isõmri'wa da hã te Zezusi hã sina sadanha, ãne: — Rowahutu'wa, e wa hã za te dama i'aihâiba nhomri na, ma tô asina ĩwaihu. Tawamhã asa te Zezusi hã tãma tinha: — Tane tô. Asi'uihâ na ma tô ãne na hã asiwaihu.

Mateu 26:48

Ãne ma tô Zuda hã tãma waihu'u za'ra, te te siwi i'âri wana ré hã: “Aibâ za te itob'rata hârâ hã, te za asiwi i'âri 'wa.” Ãne ma tô dama waihu'u, te te ãma irosa'ratazém na, Zuda hã.

Marcu 15:18

Tawamhã sisarina si te duré nasi timreme na sawi za'ra, taré: — Zudeu norĩ nhib'apito, rowẽ na aihâimana.

Luca 7:45

A hã we ĩwisi wi, ĩzawi õ di, ĩtob'rata hârâ na. Pi'õ si ĩzébré wi, ma tô ĩpara hârâ.

Zuwã 19:3

Siwa'rãmi te nasi itẽme ai'ré za'ra, tô sena te te nasi sawi za'ra da newa. Tahawa te ãne nasi tãma nharĩ za'ra, ãma wa'ẽ za'ra sina: — Zudeu norĩ nhib'apito, rowẽ na aihâimana. Tawamhã te te nasi sawi za'ra pari, te nasi siwi 'rãi wabzu, sisa'u.

Zuwã 4:31

Taha ré, te isiré 're inomro mono norĩ hã pi'õ morĩ za'u si, ĩsa tãma 'ru za'ra, a'â sa da.

1 Tesalonita 5:26

Uburé asiré isazei'wa 're aihâimana za'ra wa'aba mono wa, te za asõ'utu na asisawi sina 're asitob'rata hârâ za'ra wa'aba mo.

1 Samuéu 10:1

Tawamhã Samuéu ma tô siré ti'â, simhi azeitona wa'u tob ré hã. Tawamhã iwa'u to hã ma tô sa'wa, Sauhu 'rã nhisiwi. Taha pari, ma tô tob'rata hârâ na sawi. Tawamhã te ãne tãma tinha: — Uburé Danhib'apito ma tô ai'rãti'i, asi'i'rãnho'õmo da, isib'a'uwẽ Izaraéu nhihudu norĩ ma. Duré taha wa, a hã te za 're i'ab'madâ'â mo, Izaraéu nhihudu norĩ hã. Te za duré 're i'anho'reptui mo, asitob'ru norĩ wi hã. Ãne te za 'Re ihâimana u'âsi mono te te i'aipisutu na hã da te 're waihu'u za'ra, asi'i'rãnho'õmozém na hã isib'a'uwẽ norĩ ma.