Mateu 26:33 - ꞌRe Ihâimana Uꞌâsi Mono Zadawa Wasuꞌu

³³ Tawamhã Pedru, te Zezusihi ma tinha, ãne: — Asiré 're iwanomro mono norĩ hã aihĩni za te te airẽme za'ra nherẽ, wa hã te dame i'airẽme da hã mare di za.

Mateu 26:33 ပူးပေါင်းရင်းမြစ်များ

Provébiu 20:6

Da'ahâ na te dasiwaihu i'umnhasi na 're dasiwasu'u za'ra. Tane nherẽ, e 'wa dasiwaihu umnhasi uptabi na 're ihâimana mono, da te isõpẽtẽ da bâ. Waihu'u õ di.

Mateu 26:32

Tane nherẽ, asiwi ĩrẽme aba nherẽ, ab're hawi apâ ĩhâiwa'utu parip si, wa za aiwana za'ra wa'aba ĩmorĩ 'wa za, Galiléa u, tamomo ĩnhopẽtẽ za'ra wa'aba da.

Mateu 26:34

Tawamhã Zezusi te asa tãma tinha, Pedruhu ma, ãne: — Tô sena wa za ãhã na hã aima rowasu'u. Ãma aipo're pu'u za duré ĩmreme na hã. Ã bara na si'a hârâ õ ré, te za si'ubdatõ dawi ĩ'udâ, aima ĩza'rese õ na hã.

Marcu 14:29

Tawamhã Pedru hã te Zezusihi ma tinha, ãne: — Aihĩni za te te airẽme za'ra nherẽ, wa hã te airẽme õ di za.

Luca 22:33

Tawamhã Pedru hã te asa tãma tinha, ãne: — Apito, wa tô ĩsima wẽ, asiré da te ĩnherẽ da, duré ĩdâ'â da, aime.

Zuwã 21:15

Tawamhã saihuri pari, Zezusi hã te Sima Pedruhu ma tinha, ãne: — Sima, Zuwãhã 'ra, ma'ãpé, ĩma waihu'u. Ã norĩ ma, ĩzawi pese za'ra di. A hã bété, e ta norĩ nhipai u aima ĩzawi pese uptabi di. Tawamhã Pedru te asa tãma tinha, ãne: — Ĩhe. Ma tô asina ĩwaihu'u siro, te 're i'asawi pese mono zém na hã. Tawamhã Zezusi te tãma tinha: — Pone'ẽrebâ 'madâ'â'wa, tinhimizama te te 're i'madâ'â pese za'ra mono ne, ma'ãpé ĩzazei'wa norĩ hã 're ab'madâ'â pese mono za.

Roma 12:10

Dasisãnawãi uptabi 're idasisawi pese za'ra mono ne, te za a norĩ wa'wa hã 're asisawi pese za'ra wa'aba mo, Cristuhu ãma asisãnawã oto asiré 're aihâimana za'ra wa'aba mono wa. Te za duré 're asiwazé pese za'ra wa'aba mo.

Filipu 2:3

'Râwi asima si 're irosa'rata za'ra wa'aba mono zéb zarina, marĩ hã asima 're 'manharĩ za'ra wa'aba mono õ di za. Duré aipire na dama 're aihâimana za'ra wa'aba mono newa, taré asina 're aiwata za'ra wa'aba mono da, marĩ hã asima 're 'manharĩ za'ra wa'aba mono õ di za. Duré dama aipire na 're asi'madâ'â ze za'ra wa'aba mono õ di za. Taha wa'rãmi te za iwẽ na si 're idahâimana wazéb za'ra wa'aba mo, aima dapire na da'ãma 're irosa'rata za'ra wa'aba mono zéb zarina.