Mateu 26:32 - ꞌRe Ihâimana Uꞌâsi Mono Zadawa Wasuꞌu

³² Tane nherẽ, asiwi ĩrẽme aba nherẽ, ab're hawi apâ ĩhâiwa'utu parip si, wa za aiwana za'ra wa'aba ĩmorĩ 'wa za, Galiléa u, tamomo ĩnhopẽtẽ za'ra wa'aba da.

Mateu 26:32 ပူးပေါင်းရင်းမြစ်များ

Mateu 16:21

Tawamhã ta hawim haré te oto Zezusi hã tidâ'âzém na, duré tihâiwa'utuzém na zama tãma 're siwasu'u u'âsi za'ra sõ'awi, tisiré 're inomro mono norĩ ma. Ãne ma tô tãma 're siwasu'u za'ra: — Ĩmama te te ĩma ipisutuzéb zarina wa za mo, Zeruzalẽ u. Tamemhã zudeu norĩ ma roti'wa norĩ hã, duré 'Re ihâimana u'âsi mono ma da'ãma romhuri'wa ipire norĩ hã, duré isimiroti na rob'ui'éré 'rata na dama rowahutu'wa norĩ hã te za ĩma rob'manharĩ wasété za'ra. Taha zarina, wa za robzépata za'ẽtẽ. Te za duré dasiwi ĩwĩrĩ ni. Taha wamhã, maparane bâdâ ĩ'ãma si'utõrĩ õ ré, wa za duré apâ hã hâiwa'udu.

Mateu 20:19

Taha zarina te za oto zudeu'õ norĩ ma siwi hâiba nho. Tawamhã te za ãma tiwa'ẽ za'ra, zudeu'õ norĩ hã. Te za ãma wasété za'ra ni duré. Te za duré da te dasiwi 're pré'é. Taha parip si, te za wedepo'o nhonhi'rãmi na dasiwi sasõmri ni hâiwi, dâ'â da. Tane nherẽ, bâdâ maparane ãma si'utõrĩ õ ré, te za apâ hâiwa'udu.

Mateu 26:33

Tawamhã Pedru, te Zezusihi ma tinha, ãne: — Asiré 're iwanomro mono norĩ hã aihĩni za te te airẽme za'ra nherẽ, wa hã te dame i'airẽme da hã mare di za.

Mateu 28:10

Tawamhã Zezusi te tãma nharĩ zahuré, ãne: — Aipahi wa'aba tõ. Mo oto ane wa'aba, ĩsisãnawã norĩ ma, ĩwasu'u wa'aba da, Galiléa u ĩzarina ãma si'aba'ré da. Tamep si te za siwi ĩ'madâ za.

Mateu 28:16

Tawamhã Zezusihi siré 're inomro mono norĩ hã ma tô ai'aba'ré Galiléa u, 11 na ihâiba za'ra hã. Ẽtẽ 'rãihâ u te ai'aba'ré, Zezusi te te tãma ipisutu za'ra zéb u.

Marcu 14:28

Tane nherẽ, ab're hawi apâ ĩhâiwa'utu parip si, wa za aiwana ĩmorĩ 'wa, Galiléa u, tamomo ĩnhopẽtẽ za'ra wa'aba da.

Marcu 16:7

Tahawa, te za oto apâ ai'aba'réi wa'wa, Pedru norĩ ma tãma rowasu'u za'ra wa'aba da, ãne: “Zezusi hã aiwana te za, u, timorĩ 'wa, Galiléa u. Tame te za, u, isõpẽtẽ za'ra wa'wa, aima isiwaihu'u za'ra wa'aba zéb zarina.”

1 Corĩtu 15:6

Taha parimhã, ma duré tizazei'wa norĩ nho'a sihâi'ré, 500 na ihâiba za'ra norĩ nho'a, aihĩni norĩ siré ta norĩ hã si'ubumroi ré. Ta norĩ hã te zahadu dâ'â ãna 're hâimana za'ra. Ni'wam norĩ si, ma tô tidâ'â za'ra, umro na.